Khaptad Organic Nepal

काठमाडौँ । कतारको दोहामा जारी एसीसी पुरुष एसिया कप राइजिङ स्टार्स प्रतियोगितामा नेपालले संयुक्त अरब इमिरेट्स (युएई) लाई ६ विकेटले पराजित गर्दै प्रतियोगितामा सुखद पुनरागमन गरेको छ ।

आइतबार सम्पन्न खेलमा युएईले प्रस्तुत गरेको १२२ रनको सामान्य लक्ष्य नेपालले २२ ओभरमा ४ विकेट गुमाएर पूरा गर्‍यो ।

नेपालको जितमा अलराउन्डर कुशल भुर्तेलले ५६ बलमा ६ चौका र १ छक्काको मद्दतले सर्वाधिक ५७ रनको अर्धशतकीय पारी खेले । मयन यादवले २७ रन र बसिर अहमदले अविजित १८ रन जोडे भने पवन सर्राफ ९ रनमा अविजित रहे । युएईका बलरमध्ये मुहमद मोहसिनले २ विकेट लिँदा उद्दिश सुरी र अंश टन्डनले १–१ विकेट हात पारे ।

त्यसअघि टस हारेर पहिले ब्याटिङ गरेको युएई ३९.५ ओभरमा १२१ रनमै अलआउट भएको थियो । युएईका मुहमद शाहदादले सर्वाधिक ४० रन र हरप्रित सिंहले ३२ रन बनाउँदा नूरुल्लाह आयोबीले १२ रन जोडे । अन्य ब्याटरले दोहोरो अङ्क छुन सकेनन् । युएईको पारी धराशायी बनाउन नेपाली बलर सन्दीप लामिछाने र कुशल भुर्तेलले समान ३–३ विकेट लिए । सन्दीपले १० ओभरमा ३ मेडन राख्दै मात्र ११ रन खर्चिए भने कुशलले ५ ओभरमा १५ रन दिए । राशिद खान, नन्दन यादव र ललित राजवंशीले १–१ विकेट लिए ।

पहिलो खेलमा भारतसँग पराजित भएको नेपालले दोस्रो खेलमा जित निकाल्दै प्रतियोगितामा आफ्नो सम्भावना कायमै राखेको छ । नेपालले अब समूह चरणको तेस्रो तथा अन्तिम खेल मंगलबार पाकिस्तान ए सँग खेल्नेछ । लगातार दोस्रो हार बेहोरेको युएईले पनि मंगलबार नै आफ्नो अन्तिम खेलमा भारत ए को सामना गर्नेछ ।

लेखक

Share.
Bhoj Bhagirathi Trust

खप्तड मिडिया नेपाल प्रा. लि.

खप्तड मिडिया नेपाल प्रा.लि.
काठमाडौं–१६, बागमती प्रदेश, नेपाल

सूचना विभाग दर्ता नं.: २९७२-२०७८/७९

संस्थापक/सम्पादक: डा. तेजराज जोशी रेग्मी
सह-सम्पादक/आईटी प्रबन्धक: सुदर्शन गुरुङ

सम्पर्क

इमेल: info@khaptadmedia.com
विज्ञापन: marketing@khaptadmedia.com
मोबाइल: ९८४११९१५७९ (सह-सम्पादक)
सम्पादक इमेल: drtjjoshi@khaptadmedia.com

महत्त्वपूर्ण टेलिफोन नम्बर

  • Police: 100
  • Traffic Police: 103
  • Ambulance: 102
  • Fire Station: 101
  • Tourist Police: +977-14247041, 9851289444, 1144 (Toll-Free, Hotline)
  • Nepal Tourism Board: +977 1 4256909
  • Department of Tourism: +977 1 4247037

© 2026 खप्तड मिडिया नेपाल प्रा. लि. सर्वाधिकार सुरक्षित।