काठमाडौँ । २४ घण्टाको अवधिमा देशका फरक-फरक सडक खण्डमा भएका दुर्घटनामा परी ६ जनाले ज्यान गुमाएका छन् ।
नेपाल प्रहरीको पछिल्लो तथ्यांक अनुसार यी दुर्घटनाहरूमा अन्य १२३ जना घाइते भएका छन् । सडक दुर्घटनाका कारण गण्डकी प्रदेशमा दुई जनाको मृत्यु भएको छ भने मधेश, बागमती, लुम्बिनी र काठमाडौँ उपत्यकामा एक-एक जनाले ज्यान गुमाएका छन् ।
प्रहरीका अनुसार घाइते हुनेहरूको संख्या काठमाडौँ उपत्यका र लुम्बिनी प्रदेशमा सबैभन्दा धेरै छ । लुम्बिनीमा ३५ जना र काठमाडौँ उपत्यकामा ३४ जना घाइते भएका छन् ।
यसैगरी मधेश प्रदेशमा २३ जना, कोशीमा २१ जना, बागमतीमा ५ जना, कर्णालीमा ३ जना र सुदूरपश्चिम प्रदेशमा २ जना घाइते भएको प्रहरीले जनाएको छ । घाइतेहरूकाे विभिन्न स्थानीय अस्पतालहरूमा उपचार भइरहेको छ ।
