काठमाडौँ । जारी फिफा विश्वकप फुटबलको समूह ‘के’ बाट कोलम्बिया शीर्ष स्थान ओगट्न सफल भएको छ ।
आइतबार बिहान भएको प्रतिस्पर्धामा पोर्चुगलसँग गोलरहित बराबरी खेलेसँगै कोलम्बिया ३ खेलबाट ७ अंक जोड्दै समूह विजेताका रूपमा नकआउट चरणमा प्रवेश गरेको हो । यस्तै, समान खेलबाट ५ अंक जोडेको पोर्चुगल समूहको उपविजेता बन्दै अघिल्लो चरणमा पुग्न सफल भयो ।
यसै समूहको अर्को रोमाञ्चक खेलमा डिआर कंगोले उज्बेकिस्तानमाथि ३-१ को पुनरागमन जित निकाल्दै नकआउट चरणमा आफ्नो स्थान सुरक्षित गरेको छ । खेलमा सुरुवाती १-० को पछौटेपन उल्ट्याउँदै कंगोले सानदार जित दर्ता गर्यो । कंगोको यो जितसँगै दक्षिण कोरिया भने विश्वकपको उपाधि दौडबाट बाहिरिएको छ ।
अब नकआउट चरणका खेलहरूमा समूह विजेता कोलम्बियाले घानाको सामना गर्नेछ भने पोर्चुगलको भेट क्रोएसियासँग हुनेछ । यसैगरी, उत्कृष्ट प्रदर्शन गरिरहेको डिआर कंगोले बलियो टोली इङल्याण्डसँग प्रतिस्पर्धा गर्ने तय भएको छ ।
