काठमाडौँ । जल तथा मौसम विज्ञान विभागले देशका विभिन्न क्षेत्रमा भारी वर्षा र उच्च हिमाली भू-भागमा हिमपात हुन सक्ने भन्दै सतर्कता अपनाउन आग्रह गरेको छ ।
हाल नेपालमा मनसुनी वायुको स्पष्ट प्रभाव देखिएकाले मौसममा यस्तो परिवर्तन आएको मौसमविद्हरूले बताएका छन् । महाशाखाका अनुसार आज दिउँसो देशभर सामान्यतया बदली रहने छ ।
यसका साथै पहाडी र हिमाली क्षेत्रका थोरै स्थानहरूमा पानी पर्ने वा हिमपात हुने स्थिति छ भने तराईका केही ठाउँमा मेघगर्जन र चट्याङ्गसहित वर्षाको सम्भावना रहेको छ । विशेषगरी आज राति कोशी, बागमती, गण्डकी र लुम्बिनी प्रदेशका पहाडी तथा तराईका एक-दुई स्थानमा मुसलधारे पानी पर्न सक्ने भएकाले आवश्यक पूर्वतयारी अपनाउन मौसम पूर्वानुमान महाशाखाले सचेत गराएको छ ।
त्यसैगरी, कर्णाली र सुदूरपश्चिमका हिमाली भेगमा पनि मेघगर्जनसहित हिमपात र वर्षाको आकलन गरिएको छ ।
