काठमाडौँ । घरेलु बजारमा आइतबार सुन र चाँदी दुवैको मूल्यमा गिरावट आएको छ ।
नेपाल सुनचाँदी व्यवसायी महासङ्घका अनुसार आइतबार सुनको मूल्य प्रतितोला १ हजार ८ सय रुपैयाँले घटेर २ लाख ८३ हजार २ सय रुपैयाँमा कारोबार भइरहेको छ । यसअघि गत शुक्रबार सुन प्रतितोला २ लाख ८५ हजार रुपैयाँमा कारोबार भएको थियो ।
यस्तै, चाँदीको मूल्यमा पनि ओरालो लागेको छ । महासङ्घका अनुसार आइतबार चाँदी प्रतितोला ४५ रुपैयाँले घटेर ४ हजार ३ सय १५ रुपैयाँ कायम भएको छ । शुक्रबार चाँदी प्रतितोला ४ हजार ३ सय ६० रुपैयाँमा बिक्री-वितरण भएको थियो ।
