काठमाडौँ । नेपाली सेनाको विशेष निमन्त्रणामा नेपाल आएका भारतीय स्थल सेनाध्यक्ष जनरल धीरज सेठले प्रधानमन्त्री तथा रक्षामन्त्री वालेन्द्र शाहसँग सिंहदरबारमा शिष्टाचार भेट गरेका छन् ।
मन्त्रिपरिषद्को कार्यालयमा मंगलबार भएको उक्त भेटमा नेपाल र भारतबीचको द्विपक्षीय सम्बन्धका साथै दुवै देशका सेनाबीचको सहकार्य र पारस्परिक हितका विषयमा गहन छलफल भएको छ । उक्त अवसरमा नेपालका लागि भारतीय राजदूत नवीन श्रीवास्तवको पनि उपस्थिति रहेको थियो ।
प्रधान सेनापति अशोकराज सिग्देलको निमन्त्रणा स्वीकार गर्दै चारदिने औपचारिक भ्रमणका लागि भारतीय सेनाध्यक्ष सेठ आइतबार काठमाडौँ आइपुगेका हुन् । भ्रमणका क्रममा सोमबार राष्ट्रपति रामचन्द्र पौडेलले उनलाई नेपाली सेनाको मानार्थ महारथीको दर्जा प्रदान गरेका थिए । सन् १९५० देखि नै नेपाल र भारतले एक-अर्काका सेना प्रमुखलाई मानार्थ महारथीको सम्मान दिने परम्परा निरन्तर पालना गर्दै आएका छन् ।
यसअघि सोमबार नै जंगी अड्डामा प्रधान सेनापति सिग्देल र सेनाध्यक्ष सेठबीच द्विपक्षीय हित, सैन्य सहायता तथा mutual सहकार्यका विविध पक्षमा छलफल भएको थियो ।
