बारा । बाराको फेटा गाउँपालिका–३ मा रहेको आधारभूत स्वास्थ्य कार्यालयको नयाँ भवन उद्घाटन गर्ने क्रममा स्थानीय बासिन्दा र सुरक्षाकर्मीबीच झडप भएको छ ।
विद्युत् र खानेपानी जस्ता अत्यावश्यक आधारभूत पूर्वाधार तयार नगरिकन नै भवन उद्घाटन गर्न खोजिएको भन्दै स्थानीयले त्यसको कडा विरोध जनाएपछि स्थिति तनावपूर्ण बनेको थियो ।
विरोध प्रदर्शनले उग्र रूप लिँदा आक्रोशित भीडले १० भन्दा बढी मोटरसाइकलमा आगजनी गरेका छन् भने झडपलाई नियन्त्रणमा लिने प्रयासका क्रममा प्रहरीको गोली लागेर एक जना घाइते भएको दाबी गरिएको छ ।
गाउँपालिका अध्यक्ष रुस्तम अन्सारीले स्थानीयको चर्को विरोध र असहमतिलाई बेवास्ता गर्दै जबर्जस्ती भवन उद्घाटन गर्न खोजेपछि विवादले हिंस्रक रूप πलिएको थियो ।
यस घटनाबारे थप अनुसन्धान भइरहेको छ भने विस्तृत विवरणहरू आउन अझै बाँकी छन् ।
