Khaptad Organic Nepal

काठमाडौँ । मलेसिया रोजगारीसम्बन्धी द्विपक्षीय सम्झौताविपरीत करिब १ अर्ब ६९ करोड रुपैयाँ अपचलन गरेको आरोपमा पक्राउ परेका दुई पूर्वमन्त्रीसहित ६ जनालाई अनुसन्धानका लागि चार दिन हिरासतमा राख्न अदालतले अनुमति दिएको छ ।

जिल्ला अदालत काठमाडौँले बिहीबार पूर्वश्रममन्त्रीद्वय शेरबहादुर कुँवर र रामेश्वर राय यादव तथा श्रम मन्त्रालयका चार कर्मचारीलाई थुनामा राखेर अनुसन्धान अघि बढाउन म्याद थप गरेको हो ।

नेपाल प्रहरीको केन्द्रीय अनुसन्धान ब्युरो (सीआईबी) को टोलीले प्रधानमन्त्री तथा मन्त्रिपरिषद्को कार्यालयबाट प्राप्त पत्रका आधारमा उनीहरूलाई बुधबार राति नियन्त्रणमा लिएको थियो । पक्राउ पर्ने अन्य व्यक्तिहरूमा श्रम मन्त्रालयका तत्कालीन सचिव विनोद केसी, सहसचिवद्वय उमेश ढुंगाना र राजिव पोखरेल तथा उपसचिव निर्मला गुरुङ रहेका छन् ।

सीआईबीका अनुसार आरोपितहरूविरुद्ध ठगी तथा संगठित अपराधको कसूरमा विस्तृत अनुसन्धान भइरहेको छ । नेपाल र मलेसिया सरकारबीच भएको श्रम समझदारीको उल्लंघन गर्दै गैरकानुनी ढंगले रकम असुली गरी हिनामिना गरेको उनीहरूमाथि अभियोग छ ।

अनुसन्धानका क्रममा ३ लाख ७० हजार ४ सय ३९ अमेरिकी डलर र ३७ लाख १७ हजार ९०.८० बेलायती पाउन्ड गरी कुल १ अर्ब ६९ करोड २ लाख २४ हजार २६ रुपैयाँ ७६ पैसा अपचलन भएको विवरण खुलेको ब्युरोले जनाएको छ ।

लेखक

Share.
Bhoj Bhagirathi Trust

खप्तड मिडिया नेपाल प्रा. लि.

खप्तड मिडिया नेपाल प्रा.लि.
काठमाडौं–१६, बागमती प्रदेश, नेपाल

सूचना विभाग दर्ता नं.: २९७२-२०७८/७९

संस्थापक/सम्पादक: डा. तेजराज जोशी रेग्मी
सह-सम्पादक/आईटी प्रबन्धक: सुदर्शन गुरुङ

सम्पर्क

इमेल: info@khaptadmedia.com
विज्ञापन: marketing@khaptadmedia.com
मोबाइल: ९८४११९१५७९ (सह-सम्पादक)
सम्पादक इमेल: drtjjoshi@khaptadmedia.com

महत्त्वपूर्ण टेलिफोन नम्बर

  • Police: 100
  • Traffic Police: 103
  • Ambulance: 102
  • Fire Station: 101
  • Tourist Police: +977-14247041, 9851289444, 1144 (Toll-Free, Hotline)
  • Nepal Tourism Board: +977 1 4256909
  • Department of Tourism: +977 1 4247037

© 2026 खप्तड मिडिया नेपाल प्रा. लि. सर्वाधिकार सुरक्षित।