Khaptad Organic Nepal

काठमाडौँ । वीरगञ्जस्थित नेशनल मेडिकल कलेजका आन्दोलनरत आवासीय (रेजिडेन्ट) चिकित्सकहरू र कलेज व्यवस्थापनबीच सहमति जुटेसँगै चिकित्सकहरू पुनः अध्ययन तथा नियमित काममा फर्किन तयार भएका छन् ।

शिक्षा, विज्ञान तथा प्रविधि मन्त्रालयको पहलमा सरोकारवाला निकायहरूबीच भएको त्रिपक्षीय छलफलपछि लामो समयदेखिको विवाद समाधान भएको हो ।

कलेज व्यवस्थापनबाट अनावश्यक मानसिक दबाब र दुर्व्यवहार हुने गरेको तथा अध्ययनका लागि उपयुक्त वातावरण नभएको आरोप लगाउँदै प्रथम वर्षका आवासीय चिकित्सकहरू आन्दोलित बनेका थिए । मन्त्रालयमा आयोजित छलफलका क्रममा चिकित्सकहरूले आफूहरूले भोगेका समस्या राख्दै कलेजभित्र शान्तिपूर्ण र मर्यादित शैक्षिक वातावरण सुनिश्चित हुनुपर्ने माग राखेका थिए ।

सहमतिअनुसार अब कलेज प्रशासनले शैक्षिक वातावरण सुधार गर्ने प्रतिबद्धता जनाएको छ भने अन्यत्र स्थानान्तरण हुन चाहने विद्यार्थीलाई नियमअनुसार रेजिडेन्सीबापतको शुल्क फिर्ता गरिने भएको छ । साथै, आवश्यक परेमा उक्त समझदारीलाई लिखित सम्झौतामार्फत औपचारिकता दिने निर्णयसमेत गरिएको छ ।

छलफलमा शिक्षामन्त्रीका प्रमुख सल्लाहकार शैलेन्द्र झाले चिकित्सकहरूको समस्यालाई मन्त्रालयले गम्भीरतापूर्वक लिएको उल्लेख गर्दै विगतका कमजोरी सच्याएर स्वस्थ शैक्षिक वातावरण बनाउन कलेज व्यवस्थापन र विद्यार्थी दुवै पक्ष जिम्मेवार हुनुपर्ने बताए ।

यसैगरी, चिकित्सा शिक्षा आयोगका उपाध्यक्ष प्रा. डा. देवेन्द्रबहादुर खत्रीले दुवै पक्षबीच समझदारी विकास भएकाले विद्यार्थीलाई अध्ययनमा फर्किन र व्यवस्थापनलाई प्रतिबद्धता कार्यान्वयन गर्न आग्रह गरे । त्रिभुवन विश्वविद्यालय चिकित्साशास्त्र अध्ययन संस्थान (आईओएम) का डीन प्रा. डा. मोहनराज शर्माले सहमति कार्यान्वयन भए–नभएको विषयमा मन्त्रालय, आयोग र आईओएमले चरणबद्ध अनुगमन गर्ने जानकारी दिए ।

कलेजका अध्यक्ष प्रा. डा. जैनउद्दीन अन्सारीले विद्यार्थीको मागअनुसार शैक्षिक वातावरण सुधार गर्न व्यवस्थापन तयार रहेको बताएपछि चिकित्सकहरूले समझदारीप्रति आशावादी हुँदै काममा फर्किने प्रतिबद्धता जनाएका हुन् ।

लेखक

Share.
Bhoj Bhagirathi Trust

खप्तड मिडिया नेपाल प्रा. लि.

खप्तड मिडिया नेपाल प्रा.लि.
काठमाडौं–१६, बागमती प्रदेश, नेपाल

सूचना विभाग दर्ता नं.: २९७२-२०७८/७९

संस्थापक/सम्पादक: डा. तेजराज जोशी रेग्मी
सह-सम्पादक/आईटी प्रबन्धक: सुदर्शन गुरुङ

सम्पर्क

इमेल: info@khaptadmedia.com
विज्ञापन: marketing@khaptadmedia.com
मोबाइल: ९८४११९१५७९ (सह-सम्पादक)
सम्पादक इमेल: drtjjoshi@khaptadmedia.com

महत्त्वपूर्ण टेलिफोन नम्बर

  • Police: 100
  • Traffic Police: 103
  • Ambulance: 102
  • Fire Station: 101
  • Tourist Police: +977-14247041, 9851289444, 1144 (Toll-Free, Hotline)
  • Nepal Tourism Board: +977 1 4256909
  • Department of Tourism: +977 1 4247037

© 2026 खप्तड मिडिया नेपाल प्रा. लि. सर्वाधिकार सुरक्षित।