काठमाडौँ । मुगुका गणेश नेपालीले गरेको आत्मदाह घटनाको सत्यतथ्य पत्ता लगाउन सरकारले उच्चस्तरीय छानबिन समिति बनाएको छ ।
गृहमन्त्री सुधन गुरुङले नेपाल प्रहरीका प्रहरी नायब महानिरीक्षक (डीआईजी) गोविन्द थपलियाको संयोजकत्वमा ५ सदस्यीय समिति गठन गरिएको जानकारी संसद्लाई गराएका हुन् । प्रतिनिधि सभाको बैठकमा बोल्दै मन्त्री गुरुङले घटनाबारे विस्तृत अनुसन्धान गर्न यो कदम चालिएको बताए ।
यसैगरी, घटनाको अनुसन्धान र सोधपुछका लागि हाल तीन जना नगर प्रहरीलाई नियन्त्रणमा लिएर आवश्यक कानुनी प्रक्रिया अगाडि बढाइएको समेत उनले सदनमा स्पष्ट पारे ।
