काठमाडौँ । नेपालको वर्तमान राष्ट्रिय प्राथमिकता र द्विपक्षीय आपसी हितका विषयमा छलफल गर्न प्रधानमन्त्री बालेन्द्र शाहले युरोपेली सङ्घ (इयू) मा आबद्ध देशका गैरआवासीय राजदूत तथा मिसन प्रमुखहरूसँग सामूहिक संवाद गर्दैछन् ।
प्रधानमन्त्रीको सचिवालयका अनुसार आज बिहान ११:३० बजे प्रधानमन्त्री तथा मन्त्रिपरिषद्को कार्यालय, सिंहदरबारमा उक्त सामूहिक भेटवार्ताको आयोजना गरिएको हो । प्रधानमन्त्री शाहका प्रेस तथा अनुसन्धानविज्ञ दीपा दाहालले दिएको जानकारी अनुसार यस भेटघाटका क्रममा नेपाल र इयू आबद्ध देशहरूबीचको द्विपक्षीय सम्बन्धलाई थप बलियो बनाउने तथा आगामी सहकार्यका विविध पक्षहरूमा केन्द्रित रहेर छलफल हुनेछ ।
यसअघि पनि प्रधानमन्त्री शाहले चैत २५ गते नेपालमा रहेका विभिन्न देशका राजदूत तथा कूटनीतिक नियोगका प्रमुखहरूसँग यसै गरी सामूहिक भेटघाट र संवाद गरेका थिए ।
