काठमाडौँ । जल तथा मौसम विज्ञान विभाग अन्तर्गतको मौसम पूर्वानुमान महाशाखाले हाल देशभर मनसुनी वायुको प्रभाव कायम रहेको स्पष्ट पारेको छ । महाशाखाका अनुसार मनसुनको न्यून चापीय रेखा सरदर स्थानकै वरपर अवस्थित छ ।
अहिले देशभर आंशिकदेखि साधारणतया बादल लागिरहेको छ। कोशी, मधेश, लुम्बिनी, कर्णाली तथा सुदूरपश्चिम प्रदेशका केही स्थानहरूमा हल्कादेखि मध्यम खालको वर्षा भइरहेको महाशाखाले जनाएको छ ।
आज दिउँसो समयमा पनि मुलुकभर साधारणतया बदली रहने अनुमान गरिएको छ । उच्च हिमाली क्षेत्रका केही स्थानहरूमा मेघगर्जन र चट्याङ्गसहित मध्यम वर्षा तथा हिमपातको सम्भावना रहेको छ । त्यसैगरी पहाडी भू-भागका धेरैजसो ठाउँमा चट्याङ्गसहित मध्यम वर्षाको त्रास छ। तराई क्षेत्रको हकमा कोशी, लुम्बिनी र सुदूरपश्चिमका केही स्थानका साथै मधेश, बागमती र गण्डकी प्रदेशका थोरै ठाउँमा वर्षा हुन सक्ने देखिन्छ । विशेष गरी कोशी, बागमती, गण्डकी र कर्णालीका पहाडी तथा हिमाली क्षेत्रका साथै लुम्बिनी प्रदेशको तराईका एक-दुई स्थानमा भारी वर्षाको सम्भावना औँल्याइएको छ ।
रातिको समयमा पनि देशभरको मौसम बदली नै रहनेछ । कोशी, बागमती र गण्डकीका हिमाली तथा पहाडी भू-भागका केही स्थान र अन्य प्रदेशका थोरै स्थानमा मेघगर्जन र चट्याङ्गसहित वर्षा एवं हिमपातको सम्भावना रहेको छ ।
तराईका थोरै ठाउँमा मध्यम वर्षा हुनुका साथै कोशी प्रदेशका तराई क्षेत्रका एक-दुई स्थानमा भारी वर्षा हुन सक्ने पूर्वानुमान छ।
