Khaptad Organic Nepal

काठमाडौँ । बबरमहलस्थित कार्की ब्यांक्वेटमा हिजो (बुधबार) देखि सुरु भएको नेकपा एमालेको राष्ट्रिय भेला बिहीबार समापन हुँदैछ ।

केन्द्रीय प्रचार तथा प्रकाशन विभाग प्रमुख निरज आचार्यका अनुसार दोस्रो दिनको कार्यक्रम बिहान ८ बजेबाट सुरु हुनेछ । आजको सत्रमा पार्टी अध्यक्ष केपी शर्मा ओलीले ‘आजका २ कार्यभार र गर्नुपर्ने १५ काम’ शीर्षकमा सम्बोधन गर्नेछन् । त्यस्तै, वरिष्ठ नेता विद्यादेवी भण्डारीले ‘पार्टीमा नयाँ ऊर्जा, उत्साह र आत्मविश्वास सिर्जना गर्ने सङ्कल्प गरौं’ र उपाध्यक्ष रामबहादुर थापा ‘बादल’ ले ‘राष्ट्रिय स्वाधीनता, लोकतन्त्र तथा समृद्धिका सङ्कल्प गरौं’ विषयमा आ-आफ्नो धारणा राख्ने कार्यतालिका छ ।

भेलामा समसामयिक प्रस्तावहरू पारित गरेपछि दिवा भोजनसँगै औपचारिक समापन गरिने आचार्यले बताएका छन् । राष्ट्रिय भेला सकिएलगत्तै सोही स्थानमा दिउँसो ३ बजे पार्टी केन्द्रीय कमिटीको चौथो बैठक समेत बस्ने तय भएको छ ।

यसअघि बुधबार अध्यक्ष ओलीले भेलाको उद्घाटन गरेका थिए । उद्घाटनपछिको बन्दसत्रमा उपाध्यक्ष विष्णु पौडेल र महासचिव शंकर पोखरेलले आ-आफ्ना कार्यपत्र प्रस्तुत गरेका थिए ।

देशभरबाट करिब ३ हजार ५ सय प्रतिनिधि सहभागी रहेको यस भेलामा केन्द्रीय कमिटी सदस्य, प्रदेश तथा जिल्ला पदाधिकारी, पालिका कमिटीका अध्यक्ष र उपाध्यक्ष, जनसंगठनका प्रतिनिधि, केन्द्रीय निकायका सदस्य, संघीय तथा प्रदेश सांसद एवं स्थानीय तहका प्रमुख तथा उपप्रमुखहरूको उपस्थिति रहेको छ ।

लेखक

Share.
Bhoj Bhagirathi Trust

खप्तड मिडिया नेपाल प्रा. लि.

खप्तड मिडिया नेपाल प्रा.लि.
काठमाडौं–१६, बागमती प्रदेश, नेपाल

सूचना विभाग दर्ता नं.: २९७२-२०७८/७९

संस्थापक/सम्पादक: डा. तेजराज जोशी रेग्मी
सह-सम्पादक/आईटी प्रबन्धक: सुदर्शन गुरुङ

सम्पर्क

इमेल: info@khaptadmedia.com
विज्ञापन: marketing@khaptadmedia.com
मोबाइल: ९८४११९१५७९ (सह-सम्पादक)
सम्पादक इमेल: drtjjoshi@khaptadmedia.com

महत्त्वपूर्ण टेलिफोन नम्बर

  • Police: 100
  • Traffic Police: 103
  • Ambulance: 102
  • Fire Station: 101
  • Tourist Police: +977-14247041, 9851289444, 1144 (Toll-Free, Hotline)
  • Nepal Tourism Board: +977 1 4256909
  • Department of Tourism: +977 1 4247037

© 2026 खप्तड मिडिया नेपाल प्रा. लि. सर्वाधिकार सुरक्षित।