Author: khaptadm-admin

काठमाडौँ । मुलुकको सडक सञ्जाल विस्तार तथा स्तरोन्नति गर्न एसियाली विकास बैंक (एडीबी) ले उपलब्ध गराउने ३० करोड ५० लाख अमेरिकी डलर बराबरको वित्तीय सहायता लिन सरकार तयार भएको छ । मन्त्रिपरिषद्को पछिल्लो निर्णयअनुसार २८ करोड ५० लाख डलर सहुलियतपूर्ण ऋण र २ करोड डलर अनुदान स्वीकृत गरिएको हो । सरकारका प्रवक्ता एवं शिक्षा तथा खेलकुदमन्त्री सस्मित पोखरेलले मन्त्रिपरिषद्का निर्णयहरू सार्वजनिक गर्दै नेपाल पुनर्बिमा कम्पनी लिमिटेडमा सरकारको थप हकप्रद सेयर लगानी गर्न स्वीकृति दिइएको जानकारी दिए । यसैगरी नानो फर्टिलाइजर, बायोस्टिमुलेन्टसहित व्यावसायिक रूपमा उत्पादन हुने जैविक तथा प्राङ्गारिक मललाई आवश्यक पदार्थको सूचीमा समावेश गर्दै ‘मल नियन्त्रण आदेश, २०८३’ पारित गरिएको…

काठमाडौँ । नेपालका लागि भारतका नवनियुक्त राजदूत सुधाकर दलेला आफ्नो कार्यभार सम्हाल्न आज काठमाडौँ आइपुगेका छन् । त्रिभुवन अन्तर्राष्ट्रिय विमानस्थलमा उनलाई परराष्ट्र मन्त्रालयका प्रतिनिधि तथा नेपालस्थित भारतीय दूतावासका अधिकारीहरूले स्वागत गरेका थिए । पूर्वराजदूत नवीन श्रीवास्तवको कार्यकाल समाप्त भएसँगै भारत सरकारले दलेलालाई नेपालका लागि नयाँ राजदूतमा नियुक्त गरेको हो । सन् १९९३ को भारतीय विदेश सेवा (आईएफएस) मार्फत कूटनीतिक यात्रा सुरु गरेका दलेलाले इजरायलको तेल अभिभस्थित नियोगबाट आफ्नो करियर थालेका थिए । त्यसयता उनले ब्रासिलिया, सिकागो, ढाका, जेनेभा, थिम्पु र वासिङ्टन डीसीस्थित भारतीय नियोगहरूमा महत्वपूर्ण जिम्मेवारी सम्हालिसकेका छन् ।

काठमाडौँ । सार्वजनिक जग्गा छुट दर्ता प्रकरणमा संलग्न रहेको आरोपमा अख्तियार दुरुपयोग अनुसन्धान आयोगले पूर्वप्रधानमन्त्री एवं नेकपाका सहसंयोजक माधवकुमार नेपालविरुद्ध विशेष अदालतमा अर्को भ्रष्टाचार मुद्दा दायर गरेको छ । मङ्गलबार आयोगले नेपालसहित ९७ जनालाई प्रतिवादी बनाउँदै अभियोगपत्र पेस गरेको हो । दायर गरिएको अभियोगपत्रमा पूर्वप्रधानमन्त्री नेपालसँग ७३ करोड ४९ लाख रुपैयाँ बिगो दाबी गरिएको छ । वि.सं. २०६६ मंसिर १६ गते बसेको मन्त्रिपरिषद् बैठकको निर्णयका आधारमा ‘रिजाल क्यानिङ एन्ड कम्पनी प्रालि’ ले छुट पाएको जग्गामा राज्यलाई ठूलो हानि-नोक्सानी पुर्‍याइएको दाबी अख्तियारको छ । यसअघि पनि अख्तियारले पूर्वप्रधानमन्त्री नेपालविरुद्ध काभ्रेको साँगास्थित पतञ्जली योगपीठ तथा आयुर्वेद कम्पनी नेपालको हदबन्दीभन्दा बढी (३१४ रोपनी…

काठमाडौँ । दुई साताभन्दा बढी समयदेखि मन्त्रिपरिषद्‌को बैठक स्थगित रहेको अवस्थामा आज सिंहदरबारस्थित प्रधानमन्त्री कार्यालयमा नियमित बैठक आह्वान गरिएको छ । अपराह्न ३:०० बजे बस्ने उक्त बैठकमा सरकारका चालू कार्यसूचिसहित समसामयिक विषयहरूमा छलफल हुनेछ । यसअघि गत असोज ३० गते मन्त्रिपरिषद्‌को बैठक बसेको थियो । कार्यविधिअनुसार प्रधानमन्त्रीले जुनसुकै बखत आकस्मिक वा विशेष बैठक बोलाउन सक्ने अधिकार रहे तापनि लामो समय अन्तरपछि आज यो बैठक जुट्न लागेको हो ।

काठमाडौं । सरकारले बालबालिकाको स्वास्थ्य जोखिम कम गर्न र पोषण अवस्थामा सुधार ल्याउने उद्देश्यले आज र भोलि देशव्यापी रूपमा भिटामिन ‘ए’ र जुकाको औषधि खुवाउने अभियान सुरु गरेको छ । स्वास्थ्य सेवा विभागका अनुसार यस राष्ट्रिय अभियानमार्फत ६ महिनादेखि ५ वर्षमुनिका करिब २१ लाख बालबालिकालाई भिटामिन ‘ए’ क्याप्सुल तथा १ वर्षदेखि ५ वर्षसम्मका करिब २० लाख बालबालिकालाई जुकाको औषधि खुवाउने लक्ष्य लिइएको छ । बालबालिकामा देखिने कुपोषण तथा विभिन्न स्वास्थ्य समस्याहरूको जोखिम न्यून गर्न सरकारले हरेक वर्ष कात्तिक र वैशाख महिनामा नियमित रूपमा यो कार्यक्रम सञ्चालन गर्दै आएको छ । अभियानलाई सफल र प्रभावकारी बनाउन देशभर ५२ हजारभन्दा बढी महिला…

रुपन्देही । शारीरिक एवं मानसिक स्वास्थ्यप्रति नागरिकलाई सचेत गराउने उद्देश्यका साथ सञ्चालित निःशुल्क योग तथा ध्यान साधना अभियान रुपन्देहीमा तीव्रताका साथ विस्तार भइरहेको छ । हालसम्म जिल्लाका विभिन्न स्थानमा आयोजित कार्यक्रमहरूमा दुई हजारभन्दा बढी स्थानीयवासीहरू प्रत्यक्ष रूपमा सहभागी भइसकेका छन् । गङ्गा कार्कीले करिब दुई वर्ष पहिले सुरुवात गरेको यो अभियान अहिले बुटवल, भैरहवा, रोहिणीपुर, सालझण्डी, देवदह र लुम्बिनी लगायतका दर्जनभन्दा बढी ठाउँहरूमा पुगिसकेको छ । आधुनिक जीवनशैलीका कारण उत्पन्न हुने असन्तुलन, तनाव र शारीरिक निष्क्रियताका समस्यालाई समाधान गर्दै स्वस्थ बानीको विकास गराउन यो पहल सुरु गरिएको अभियानकर्ता कार्कीले जानकारी दिनुभयो । अभियानमा युवा, महिला तथा ज्येष्ठ नागरिकहरूलगायत समाजका सबै…

काठमाडौँ । संघीय संसदका दुवै सदनअन्तर्गतका दुई संसदीय समितिको बैठक मङ्गलबार बस्ने भएको छ । कानुन, न्याय तथा मानव अधिकार समिति र विधायन व्यवस्थापन समितिले आ-आफ्ना कार्यसूची तय गर्दै बैठक आह्वान गरेका हुन् । दिनको १ बजे बस्ने प्रतिनिधि सभाको कानुन, न्याय तथा मानव अधिकार समितिको बैठकमा ‘मेलमिलाप सम्बन्धी (दोस्रो संशोधन) विधेयक, २०८३’ माथि परेका स्वीकृत संशोधनका सूचनाबारे सम्बन्धित सांसदहरूसँग छलफल गरिने जनाइएको छ । उक्त बैठकमा छलफलका लागि कानुन, न्याय तथा संसदीय मामिला मन्त्रीका साथै मन्त्रालयका सचिवलाई समेत निमन्त्रणा गरिएको छ । त्यसैगरी राष्ट्रिय सभाअन्तर्गतको विधायन व्यवस्थापन समितिको बैठकमा पनि आजै विभिन्न उपसमितिका प्रतिवेदनहरूमाथि छलफल हुने कार्यसूची रहेको छ…

काठमाडौँ । विश्वभर प्राकृतिक स्रोतको संरक्षण गर्दै मानव जीवनलाई दिगो बनाउने उद्देश्यका साथ आज अन्तर्राष्ट्रिय जैवमण्डल आरक्ष दिवस मनाइँदै छ । प्रकृति र मानव सभ्यताबीचको सम्बन्धलाई थप सन्तुलित र मजबुत बनाउन संयुक्त राष्ट्रसंघीय शैक्षिक, वैज्ञानिक तथा सांस्कृतिक संगठन (युनेस्को) ले यो दिवसको सुरुआत गरेको हो । जैविक विविधताको रक्षा, जलवायु परिवर्तनका असर न्यूनीकरण र स्थानीय समुदायको सामाजिक-आर्थिक स्तरोन्नतिलाई एकसाथ अघि बढाउने नमुना थलोका रूपमा जैवमण्डल आरक्षलाई लिने गरिन्छ । युनेस्कोका अनुसार हाल संसारका १४५ मुलुकमा ७९७ वटा त्यस्ता आरक्ष सूचीकृत छन्, जसले विशाल प्राकृतिक भूभाग समेट्नुका साथै करोडौँ मानिसको जीविकोपार्जनमा टेवा पुर्‍याएका छन् । संरक्षण, दिगो विकास र वैज्ञानिक अनुसन्धान…

काठमाडौँ । नेपाल प्रिमियर लिग (एनपीएल) मा आज दुई रोमाञ्चक प्रतिस्पर्धा हुँदैछन् । प्रतियोगिता अन्तर्गतको पहिलो खेलमा अपराहन्न साढे १२ बजे विराटनगर किङ्स र जनकपुर बोल्ट्स आमनेसामने हुँदैछन् । जारी लिगमा ३ खेल खेलेको विराटनगर १ जित र २ हारको नतिजासहित मैदान उत्रिँदै छ भने समान ३ खेलबाट २ जित र १ हार हात पारेको जनकपुर आफ्नो अग्रता बढाउने लक्ष्यमा छ । यसैगरी, साँझ ५ बजे सुरु हुने दोस्रो खेलमा लुम्बिनी लायन्स र पोखरा एभेन्जर्स आमनेसामने हुनेछन् । २ खेलबाट १ जित दर्ता गरेको लुम्बिनीको १ खेल वर्षाका कारण रद्द भएपछि अङ्क बाँडेको थियो । उता सुरुवाती दुवै खेलमा पराजय…

काठमाडौँ । जल तथा मौसम विज्ञान विभागअन्तर्गतको मौसम पूर्वानुमान महाशाखाले आज नेपालमा पश्चिमी वायुको आंशिक प्रभाव रहेको जनाएको छ । महाशाखाका अनुसार हाल लुम्बिनी प्रदेशलगायत देशका हिमाली तथा पहाडी भू-भागमा आंशिक बदली रहेको छ भने बाँकी भू-भागमा मौसम मुख्यतया सफा छ । आज दिउँसो देशका हिमाली र पहाडी भू-भागमा आंशिक बदली रहनेछ भने तराई क्षेत्रको मौसम मुख्यतया सफा रहनेछ । साथै, हिमाली तथा पहाडी भू-भागका एक-दुई स्थानमा हल्का वर्षाको सम्भावना रहेको छ । त्यस्तै, आज राति मधेश, कोशी, बागमती र गण्डकी प्रदेशका साथै कर्णाली र सुदूरपश्चिम प्रदेशका हिमाली भू-भागमा आंशिक बदली रहनेछ । कर्णाली र सुदूरपश्चिम प्रदेशका पहाडी भू-भागमा मौसम…