Author: khaptadm-admin

धनगढी । कैलालीका ३ स्थानीय तहमा जापानिज इन्सेफलाइटिसको संक्रमण नियन्त्रण गर्न ३० वर्ष वा सोभन्दा माथिका नागरिक र स्वास्थ्यकर्मी लक्षित विशेष खोप अभियान सुरु गरिएको छ । स्वास्थ्य तथा खाद्य स्वच्छता मन्त्रालयका अनुसार चालु आर्थिक वर्षमा देशभर १२१ जनामा संक्रमण देखिएको छ भने २६ जनाको ज्यान गइसकेको छ । तथ्यांक अनुसार संक्रमितमध्ये ८५ प्रतिशत र ज्यान गुमाउने सबैजना खोप नलगाएका व्यक्तिहरू रहेका छन् । मन्त्रालयले जोखिममा रहेका लक्षित वर्गलाई नजिकैको खोप केन्द्रमा गएर खोप लगाउन आग्रह गरेको छ । साथै, लामखुट्टेको टोकाइबाट बच्न झुलको प्रयोग गर्ने, शरीर ढाक्ने लुगा लगाउने र संक्रमणका लक्षण देखिनेबित्तिकै नजिकैको स्वास्थ्य संस्थामा सम्पर्क गर्न अनुरोध…

काठमाडौँ । पृथ्वी राजमार्गअन्तर्गत धादिङको कृष्णभीरमा नयाँ बाटो निर्माण गरी दुईतर्फी यातायात सञ्चालनमा ल्याइएको प्रति उज्यालो नेपाल पार्टीका अध्यक्ष कुलमान घिसिङले खुसी व्यक्त गरेका छन् । भोटेकोशी हुँदै त्रिशूली नदीमा आएको बाढीले सडक कटान गरेपछि कृष्णभीर खण्डमा सवारी आवागमन ठप्प बनेको थियो । सडक अवरुद्ध हुँदा आम सर्वसाधारणको यात्राका साथै दैनिक उपभोग्य सामग्रीको ढुवानीमा समेत गम्भीर असर परेको थियो । घिसिङले कृष्णभीर क्षेत्रको भौगोलिक तथा भूगर्भीय जोखिम उच्च रहेकाले यसको दीर्घकालीन र दिगो समाधान खोज्न आग्रह गरेका छन् । विज्ञहरूबाट विस्तृत भौगर्भिक अध्ययन गराएर मात्र सुरक्षित सडक संरचना बनाउनुपर्ने उनको जोड छ । साथै, भविष्यमा हुन सक्ने सम्भावित विपद्लाई ध्यानमा…

काठमाडौँ । पृथ्वी राजमार्गको चर्चित जोखिमयुक्त स्थल कृष्णभीरमा पूर्ण रूपमा ठप्प बनेको यातायात सेवा आजबाट दुईतर्फी नै सञ्चालनमा आएको छ । बाढीले पुरानो सडक संरचना ध्वस्त बनाएपछि नयाँ विकल्प खोजेर पहाड नै काटेर तयार पारिएको नयाँ मार्गमार्फत निर्बाध रूपमा गाडीहरू चल्न थालेका हुन् । गत भदौ १० गतेको बाढीले यहाँको सुरक्षा पर्खालमा पहिलो क्षति पुर्‍याएको थियो भने भदौ १४ गते आएको अर्को ठूलो बाढीले पर्खाल पूर्ण रूपमा भत्काइदिएपछि राजमार्ग पूर्ण अवरुद्ध बनेको थियो । अवस्था जटिल बनेपछि पूर्वाधार विकास मन्त्रालय, सडक विभाग र नेपाल जियोटेक्निकल सोसाइटीका प्राविधिकहरूले संयुक्त अध्ययन गरी नयाँ सडक बनाउने निष्कर्ष निकालेका थिए । प्राविधिककै सल्लाहबमोजिम भदौ…

काठमाडौँ । पूर्व प्रधानमन्त्री डा. बाबुराम भट्टराईले भोटेकोशी बाढी प्रभावित क्षेत्रको पुनर्निर्माण गर्दा जोखिमयुक्त स्थान छोडेर सुरक्षित बस्ती विकासलाई प्राथमिकता दिन आग्रह गरेका छन् । बुधबार नुवाकोटका बाढी प्रभावित क्षेत्रको अनुगमन गर्दै उनले जलवायु परिवर्तनका कारण हिमताल र हिमनदीको जोखिम बढ्दै गएकाले यसलाई सामान्य विपद्को रूपमा नलिन चेतावनी दिए । बाढीले पुर्‍याएको क्षतिबारे स्थानीय जनप्रतिनिधि र बासिन्दासँग छलफल गर्दै डा. भट्टराईले नदीको बहाव क्षेत्रको जमिन सरकारले अधिग्रहण गरी विस्थापितलाई सुरक्षित स्थानमा वैकल्पिक जग्गाको व्यवस्था गर्नुपर्ने विचार व्यक्त गरे । विदुर नगरपालिकाका विभिन्न क्षतिग्रस्त स्थानको निरीक्षणका क्रममा उनले बाढीपछिको उद्धार, राहत तथा अस्थायी व्यवस्थापनमा तीनवटै तहका सरकारबीच देखिएको सहकार्यको प्रशंसा गरे…

काठमाडौँ । हरेक वर्ष सेप्टेम्बर १७ का दिन मनाइने विश्व बिरामी सुरक्षा दिवसका अवसरमा यसपटक दीर्घकालीन रोगको उपचारमा हुनसक्ने जोखिम न्यूनीकरणमा जोड दिइएको छ । विश्व स्वास्थ्य सङ्गठन (डब्ल्यूएचओ) को आह्वानमा आयोजना हुने यस दिवसले स्वास्थ्य उपचारका क्रममा बिरामीमा पर्न सक्ने अनावश्यक क्षति कम गर्न चेतना जगाउने लक्ष्य राखेको छ । सन् २०२६ का लागि तय गरिएको ‘जीवनभर सुरक्षित स्वास्थ्य सेवा’ भन्ने नाराका साथ यस वर्ष ‘गैरसङ्क्रामक रोगका लागि सुरक्षित स्वास्थ्य सेवा’ लाई मुख्य विषय बनाइएको छ । यस अन्तर्गत विशेष गरी क्यान्सर, मुटुरोग, मधुमेह र उच्च रक्तचापजस्ता निरन्तर औषधोपचार आवश्यक पर्ने रोगको निदान तथा व्यवस्थापनमा बिरामीको सुरक्षालाई प्राथमिकता दिइएको…

काठमाडौँ । सङ्घीय संसद्अन्तर्गत प्रतिनिधि सभाको बैठक आज अपराह्न १ बजे बस्दै छ । नयाँ बानेश्वरस्थित संसद् भवनमा बस्ने बैठकका लागि संसद् सचिवालयले सम्भावित कार्यसूची सार्वजनिक गरेको छ । आजको बैठकमा कानुन, न्याय तथा संसदीय मामिला मन्त्री सोबिता गौतमले एउटा महत्त्वपूर्ण प्रस्ताव पेस गर्ने कार्यसूची रहेको छ । मन्त्री गौतमले ‘संयुक्त राष्ट्रसङ्घीय सामुद्रिक कानुनसम्बन्धी महासन्धिअन्तर्गत राष्ट्रिय क्षेत्राधिकारभन्दा बाहिरका क्षेत्रको सामुद्रिक जैविक विविधताको संरक्षण र दिगो प्रयोगसम्बन्धी सम्झौतामाथि सामान्य छलफल गरियोस्’ भन्ने प्रस्ताव प्रस्तुत गर्नेछन् । उक्त प्रस्तावमाथि संसद्मा छलफल हुनेछ ।

काठमाडौँ । आज सङ्घीय संसद अन्तर्गत प्रतिनिधि सभा र राष्ट्रिय सभाका गरी तीन वटा संसदीय समितिको बैठक बस्दै छ। बिहीबार प्रतिनिधि सभाका दुई र राष्ट्रिय सभाको एक समितिको बैठक फरक-फरक समयमा बस्ने तय भएको हो । प्रतिनिधिसभा अन्तर्गतको अन्तर्राष्ट्रिय सम्बन्ध र पर्यटन समितिको बैठक बिहान साढे ८ बजेदेखि सुरु हुँदै छ । उक्त बैठकमा जलवायु परिवर्तनका विषयमा विज्ञहरूसँग विचार-विमर्श गरिनुका साथै संयुक्त राष्ट्रसङ्घीय महासभामा परराष्ट्रमन्त्रीको सहभागिताका विषयमा छलफल हुने कार्यसूची रहेको छ । यसैगरी, बिहान ११ बजे बस्ने राज्य व्यवस्था तथा सुशासन समितिको बैठकमा ‘राष्ट्रिय सेवा दल विधेयक’ अध्ययन उपसमितिको प्रतिवेदनमाथि छलफल हुने जनाइएको छ । त्यस्तै, बिहान ११:१५ बजे…

काठमाडौँ । अर्थमन्त्री डा. स्वर्णिम वाग्ले नेपाल सरकारको उच्चस्तरीय प्रतिनिधिमण्डलको नेतृत्व गर्दै आज भारत भ्रमणमा प्रस्थान गर्दैछन्। भारत सरकारको औपचारिक निमन्त्रणामा हुन लागेको यो तीन दिने भ्रमणलाई गत बुधबार बसेको मन्त्रिपरिषद् बैठकले स्वीकृति दिएको हो । ६ सदस्यीय टोलीमा अर्थ र परराष्ट्र मन्त्रालयका वरिष्ठ अधिकारीहरू सहभागी छन् । दिल्ली प्रस्थान गरेलगत्तै अर्थमन्त्री वाग्लेले बिहीबार नै भारतीय समकक्षी निर्मला सीतारमणसँग द्विपक्षीय भेटवार्ता गर्नेछन् । शुक्रबार भारतीय विदेशमन्त्री डा. एस. जयशंकरसँग शिष्टाचार भेटघाटको समय तय भएको छ । सोही दिन पूर्वविदेशसचिव श्याम शरणले आयोजना गर्ने उच्चस्तरीय कूटनीतिक संवादमा प्रमुख अतिथिका रूपमा भाग लिने र भारत व्यापार संवर्धन संगठनका अध्यक्ष जावेद अश्राफले आयोजना…

काठमाडौँ । जल तथा मौसम विज्ञान विभागले जलवाष्पयुक्त वायुको प्रभावका कारण मुलुकका अधिकांश भू-भागमा बदली रहने जनाएको छ । दिउँसो कोशी, बागमती र गण्डकी प्रदेशका पहाडी तथा हिमाली भू–भागका केही स्थानहरूमा मेघगर्जन र चट्याङसहित भारी वर्षाको सम्भावना छ । यस्तै, कर्णाली र सुदूरपश्चिमका हिमाली तथा पहाडी भेगमा हिमपात र मध्यम वर्षाको पूर्वानुमान गरिएको छ। तराईका केही स्थानमा पनि मध्यम वर्षा हुन सक्नेछ । रातिको समयमा पनि हिमाली तथा पहाडी भेगमा आंशिकदेखि सामान्य बदली रही केही स्थानमा चट्याङसहित हल्कादेखि मध्यम वर्षाको सम्भावना कायम रहनेछ।

आजको राशिफल बिस २०८३ असोज १ गते विहिबार ईस २०२६ सेप्टेम्बर १७ नेपाल सम्बत ११४६ ञलाथ्व षष्ठी, रौद्र नाम संवत्सर सूर्य दक्षिणायन, शरद ऋतु, भाद्र कृष्ण पक्ष षष्ठी, चन्द्रमा वृश्चिक राशिमा, अनुराधा नक्षत्र, विश्कुम्भ योग, तैतिल करण । आज नेपालमा सुर्योदय बिहान ५ बजेर ५० मिनेटमा र सूर्यास्त साँझ ६ बजेर ०८ मिनेटमा बजे हुनेछ । आज जन्म लिने बच्चा वृश्चिक राशीको हुनेछ । मेष (चु, चे, चो, ला, लि, लु, ले, लो, अ) असोजको पहिलो दिनले तपाईंमा नयाँ उत्साह जगाउनेछ। कार्यक्षेत्रमा रोकिएको कामले गति लिनेछ र महत्त्वपूर्ण जिम्मेवारी पूरा गर्ने अवसर मिल्नेछ। व्यापारमा नयाँ ग्राहक वा कारोबार थपिन…