पोखरा । ६८ यात्रु लिएर काठमाडौंबाट पोखराका लागि उडेको यति एयरलाइन्सको जहाज कास्कीको पोखरामा आइतबार बिहान दुर्घटना भएको छ । विमान आज बिहान १०ः३३ बजे त्रिभुवन अन्तर्राष्ट्रिय विमानस्थलबाट उडेको हो ।
९एन–एएनसी एटीआर–७२ विमानमा चार चालक दल, दुई पाइलट, दुई एयर होस्टेस सवार थिए, यती एयरलाइन्सका प्रवक्ता सुदर्शन बर्तौलाले आरएसएसलाई उद्धृत गरे।
प्राधिकरणका अनुसार आठ जना विदेशी नागरिक र ६० जना नेपाली नागरिक थिए । जसमा ६२ जना वयस्क, तीन जना बालबालिका, तीन जना असक्त भएका व्यक्ति सवार थिए ।
कास्कीका प्रमुख जिल्ला अधिकारी टेकबहादुर केसीका अनुसार विमान सेती खोलामा खसेको हो । घटनाको जानकारी आएपछि अहिले उद्धार कार्य भइरहेको केसीले बताए ।
