काठमाडौ । आज साँझ काठमाडौंको कीर्तिपुर नगरपालिकास्थित चोभारमा एक कार दुर्घटना भएको छ ।
चोभारबाट खोकनातर्फ जाँदै गरेको कार बा५च ५६५४ नम्बरको कार बागमती नदी किनारमा खसेको प्रहरीले जनाएको छ ।
कार दुर्घटना हुँदा एकजना घाइते भएकी छन्। केही व्यक्ति हराएको प्रहरीको आशंका छ।
घटनास्थलबाट एक जना महिलाको उद्धार गरी प्रहरीले बल्खुको वयोद्धा अस्पतालमा लगेको छ।
प्रत्यक्षदर्शीले उक्त कारमा तीन जना सवार रहेको जानकारी दिएको एसपी मैनालीले नेपालखबरलाई बताए। दुई जना बेपत्ताको खोजिकार्य जारी रहेको छ।
