Author: khaptadm-admin

आजको राशिफल बिस २०८३ असोज १७ गते शनिबार ईस २०२६ अक्टोबर ३ नेपाल सम्बत ११४६ ञलागा सप्तमी, रौद्र नाम संवत्सर सूर्य दक्षिणायन, शरद ऋतु, असोज कृष्ण पक्ष सप्तमी, चन्द्रमा मिथुन राशिमा, आर्द्रा नक्षत्र, वारियान योग, बव करण । आज नेपालमा सुर्योदय बिहान ५ बजेर ५८ मिनेटमा र सूर्यास्त साँझ ५ बजेर ५० बजे हुनेछ । आज जन्म लिने बच्चा मिथुन राशीको हुनेछ । मेष (चु, चे, चो, ला, लि, लु, ले, लो, अ) आज जिम्मेवारीबाट पछि हट्नेभन्दा त्यसलाई योजनाबद्ध ढंगले पूरा गर्नु लाभदायक हुनेछ। काममा केही ढिलाइ भए पनि निरन्तर प्रयासले परिणाम दिनेछ। व्यापारमा पुराना ग्राहक र नियमित कारोबारलाई…

काठमाडौँ । सङ्घीय संसद अन्तर्गत प्रतिनिधि सभाको दोस्रो अधिवेशन १४५ दिनसम्म चलेर औपचारिक रूपमा अन्त्य भएको छ । गत वैशाख २८ गतेदेखि सुरु भएको यो अधिवेशन असोज १६ गतेसम्म सञ्चालन हुँदा ६२ दिनमा कुल ६८ पटक बैठक बसेको थियो । अधिवेशन अवधिभर संसदले आर्थिक विधेयक २०८३, विनियोजन विधेयक २०८३ र सम्पत्ति शुद्धीकरण निवारण (तेस्रो संशोधन) लगायत १२ वटा महत्वपूर्ण विधेयक पारित गरेको छ । तीमध्ये ११ वटा विधेयकलाई राष्ट्रपतिले प्रमाणीकरण गरिसक्नुभएको छ भने २० वटा विधेयक अझै विभिन्न संसदीय समितिमा छलफलका क्रममा छन् । यसै अधिवेशनले जलवायु परिवर्तनको असर, जलवायु न्याय तथा भोटेकोशी-त्रिशूली विपद्बारे अध्ययन गर्न १५ सदस्यीय विशेष संसदीय…

धादिङ । पृथ्वी राजमार्गको मझिमटार खण्डमा स्थानीय तथा पैदल यात्रुलाई सुरक्षित रूपमा बाटो काट्न सहयोग पुर्‍याउने उद्देश्यले आकाशे पुल निर्माण भइरहेको छ । नागढुंगा मुग्लिङ सडक योजनाका अनुसार सडक विस्तार तथा स्तरोन्नतिको काम जारी रहँदा दुर्घटनाको जोखिम उच्च हुने भएकाले यात्रुको सुरक्षाका लागि यो कदम चालिएको हो । व्यस्त राजमार्गमा जथाभाबी बाटो काट्दा हुन सक्ने सम्भावित जोखिम न्यूनीकरण गर्न आकाशे पुल निकै प्रभावकारी हुने अपेक्षा गरिएको छ । राजमार्गमा बढ्दो सवारी साधनको चाप र पैदल यात्रुको चापलाई मध्यनजर गर्दै सुरक्षात्मक पूर्वाधार निर्माणलाई प्राथमिकतामा राखिएको आयोजनाले जनाएको छ । पुल निर्माण सम्पन्न भएर सञ्चालनमा आएपछि स्थानीयवासीले विना कुनै त्रास र जोखिम…

काठमाडौँ । नेपाली कांग्रेसको आगामी १५औँ महाधिवेशनको प्रक्रिया तीव्र बनिरहेका बेला पूर्वसभापति शेरबहादुर देउवा डडेलधुराबाट क्षेत्रीय प्रतिनिधिमा चयन भएका छन् । संस्थापन इतर पक्षले बिहीबारदेखि सुरु गरेको वडा अधिवेशनअन्तर्गत उनी गृहजिल्ला डडेलधुराको गन्यापधुरा गाउँपालिका–१ बाट निर्विरोध रूपमा क्षेत्रीय प्रतिनिधि चुनिएका हुन् । हाल काठमाडौँमै रहेका देउवाले प्रतिनिधि चयनका लागि वारेसनामार्फत आफ्नो उमेदवारी दर्ता गराएका थिए । डडेलधुरा कांग्रेसका उपसभापति एवम् जिल्ला संयोजक दिल्लीराज जोशीका अनुसार जिल्लाका कुल ५२ वडामध्ये ३० वटामा अधिवेशन सम्पन्न भइसकेको छ। बाँकी रहेका २२ वडामा भने शुक्रबार र शनिबार अधिवेशन गराइने कार्यक्रम छ ।

काठमाडौँ । स्वास्थ्य तथा खाद्य स्वच्छता मन्त्रालयले नेपालगञ्जस्थित भेरी अस्पताल विकास समितिको नेतृत्व टुंगो लगाएको छ । मन्त्रालयले रिक्त रहेको अध्यक्ष पदमा लक्ष्मण सिग्देललाई नियुक्त गरेको हो । भेरी अस्पताल विकास समिति (गठन) आदेश, २०७६ को दफा ३ को उपदफा (२) को खण्ड (क) अनुसार अध्यक्ष पद पूर्तिका लागि खुला आवेदन आह्वान गरिएको थियो । सूचना जारी भएपछि प्राप्त आवेदनमध्येबाट मन्त्रालयले १० जना उम्मेदवारलाई अन्तर्वार्ताका लागि छनोट गरेको थियो । विज्ञ टोलीले ती उम्मेदवारहरूको मूल्याङ्कन गरी सिग्देलको नाम सिफारिस गरेपछि मन्त्रालयले उनलाई अध्यक्ष पदको जिम्मेवारी दिने निर्णय गरेको हो ।

काठमाडौँ । जलवायु परिवर्तनको मारबाट जोगाउन र ‘जलवायु न्याय’ दिलाउन नेपालले अन्तर्राष्ट्रिय क्षेत्रसँग अनुदानमा आधारित आर्थिक सहयोगको माग गरेको छ । राजधानीमा आयोजित ‘काठमाडौँ जलवायु सप्ताह २०२६’ को शुभारम्भ गर्दै परराष्ट्रमन्त्री शिशिर खनालले जलवायु वित्तलाई सहज, पहुँचयोग्य र पूर्वअनुमान गर्न सकिने खालको बनाउन विश्व समुदायको ध्यानकर्षण गराए । केही समयअघि सम्पन्न संयुक्त राष्ट्रसङ्घको ८१औँ महासभामा समेत नेपालले यो मुद्दालाई मुख्य प्राथमिकताका साथ उठाएको स्मरण गराउँदै उनले हिमालको रक्षा हुनु भनेको विश्वकै वातावरणीय सुरक्षा कायम हुनु हो भनेका छन् । राष्ट्रसङ्घीय महासभाका क्रममा नेपालले हिमालदेखि टापु र तटीय राष्ट्रहरूलाई एउटै छातामा ल्याएर ‘सगरमाथादेखि समुद्रसम्म’ संवाद आयोजना गरेको उल्लेख गर्दै मन्त्री खनालले…

काठमाडौँ । मुलुकभित्र विद्युत् आपूर्तिको पहुँच सुदृढ बनाउन ऊर्जा, जलस्रोत तथा सिँचाइ मन्त्रालयले निर्माणाधीन प्रसारण लाइनका गाँठा फुकाउँदै निर्माण कार्य तीव्र पार्ने भएको छ । मन्त्रालयले चालु आर्थिक वर्षभित्रै निर्माणाधीन १२ वटा प्रसारण लाइन निर्माण सम्पन्न गरी राष्ट्रिय प्रणालीमा जोड्ने कार्ययोजना तय गरेको छ । प्रसारण प्रणालीलाई थप भरपर्दो बनाउन ऊर्जामन्त्री विराजभक्त श्रेष्ठले आयोजनास्थलमा देखिएका विभिन्न प्रशासनिक तथा प्राविधिक व्यवधान फुकाउन अन्तरमन्त्रालय तहमा छलफल अघि बढाउनुभएको छ । सो क्रममा मन्त्रालयले निर्माणाधीन १२ आयोजनाका प्रमुखहरूलाई बोलाएर कार्यप्रगति तथा आयोजनाका मुख्य चुनौतीबारे जानकारी लिएको थियो । समीक्षा बैठकमा आयोजना प्रमुखहरूले वन विभागबाट रुख कटानको अनुमति पाउन ढिलाइ हुनुका साथै सडक विभागसँग…

काठमाडौँ । मुलुकका विभिन्न क्षेत्रमा परेको बाढी र पहिरोका कारण मुख्य राजमार्ग तथा सहायक सडकहरू ठप्प बनेका छन् । सडक विभागले जारी गरेको विवरण अनुसार काठमाडौँ उपत्यकासहित बागमती, गण्डकी र कर्णाली प्रदेशका विभिन्न सडक खण्डमा आवागमन नराम्ररी प्रभावित भएको छ । ललितपुरको बागमती गाउँपालिका–३ स्थित टाकुर्चेमा पहिरो खसेपछि कान्तिलोकपथ असोज १५ गते दिउँसोदेखि पूर्ण रूपमा बन्द रहेको छ । उता रसुवामा बाढीले ठूलो क्षति पुर्‍याएपछि असोज १० गतेदेखि मुख्य राजमार्गका सबैजसो सडक खण्ड ठप्प छन् र अर्को सूचना नभएसम्मका लागि सञ्चालनमा आउन सक्ने अवस्था छैन । गण्डकी प्रदेशको मनाङमा बेँसीसहर-खाङ्सार सडक असोज ८ गतेदेखि अवरुद्ध छ भने म्याग्दीको बेनी–जोमसोम सडक…

काठमाडौँ । जापानी सरकारले विदेशी नागरिकहरूका लागि स्थायी बसोबास अनुमति (पीआर) शुल्कमा ठूलो वृद्धि गर्दै आवेदन सम्बन्धी मापदण्डहरूमा समेत कडाइ गरेको छ । अब स्थायी बसोबास अनुमतिका लागि लाग्ने शुल्क साविकको १० हजार येनबाट २० गुणाले बढाएर २ लाख येन (करिब १ लाख ९५ हजार नेपाली रुपैयाँ) पुर्‍याइएको छ । नयाँ नियमअनुसार शुल्क वृद्धिका साथै आम्दानी, पेन्सन र जापानी भाषाको दक्षतामा समेत कडा सर्तहरू लागू गरिएका छन् । स्थायी बसोबासका लागि आवेदन दिने व्यक्तिसँग जापानको औसत पारिवारिक आम्दानी (सन् २०२४ को तथ्यांकअनुसार वार्षिक ५७ लाख ५० हजार येन) भन्दा कम नहुने गरी स्थिर आम्दानीको स्रोत हुनुपर्नेछ । यसैगरी, आवेदकको पेन्सन…

काठमाडौँ । अन्तर्राष्ट्रिय क्रिकेट परिषद् (आईसीसी) ले सन् २०२७ मा सञ्चालन हुने एकदिवसीय विश्वकपको खेलतालिका अधिकारिक रूपमा सार्वजनिक गरेको छ । आगामी विश्वकप २०२७ अक्टोबर २ देखि नोभेम्बर २१ सम्म दक्षिण अफ्रिका, जिम्बाब्वे र नामिबियामा संयुक्त रूपमा आयोजना हुनेछ । नामिबियाको राजधानी विन्डहोकमा प्रारम्भिक शृंखलाका खेलहरूसँगै सुरु हुने यो प्रतियोगिताको अन्तिम भिडन्त नोभेम्बर २1 मा हुनेछ । यसपटक १४ टोलीले १२ वटा फरक–फरक मैदानमा कुल ५७ खेल खेल्ने तय भएको छ । आईसीसीले यसपटक प्रतियोगिताको ढाँचामा महत्त्वपूर्ण हेरफेर गरेको छ । सन् २०२३ को संस्करणमा १० टोलीले मात्र भाग लिएकोमा यसपटक संख्या बढाएर १४ पुर्‍याइएको छ । नकआउट चरणभन्दा अघि…