Author: khaptadm-admin

काठमाडौँ । संघीय संसद्अन्तर्गत प्रतिनिधिसभाको चालु अधिवेशनको अन्तिम बैठक आज बिहान ११ बजे बस्दैछ । राष्ट्रपति रामचन्द्र पौडेलले सरकारको सिफारिस बमोजिम आज राति १२ बजेदेखि लागू हुने गरी अधिवेशन अन्त्य गरिसकेकाले चालु अधिवेशनको यो अन्तिम बैठक हुन लागेको हो । आजको बैठकमा विभिन्न महत्त्वपूर्ण विधेयकहरूलाई दफावार छलफलका लागि सम्बन्धित विषयगत समितिमा पठाउने मुख्य कार्यसूची छ । जसअन्तर्गत केही नेपाल ऐन संशोधन गर्ने विधेयक, राष्ट्रिय प्रतिरक्षा विश्वविद्यालय विधेयक, फोहोरमैला व्यवस्थापन विधेयक तथा महिला, बालबालिका, लैङ्गिक तथा यौनिक अल्पसंख्यक र सामाजिक सुरक्षासम्बन्धी विधेयकलाई समितिमा पठाउन पेस गरिनेछ । यसैगरी, स्वास्थ्य तथा खाद्य स्वच्छतामन्त्री निशा मेहताले आमाको दूधलाई प्रतिस्थापन गर्ने वस्तु बिक्री वितरण…

काठमाडौँ । जल तथा मौसम विज्ञान विभाग अन्तर्गतको मौसम पूर्वानुमान महाशाखाले हाल मुलुकभर मनसुनी वायुका साथै पश्चिमी वायुको आंशिक प्रभाव कायम रहेको स्पष्ट पारेको छ । यसकै असरले देशका अधिकांश स्थानमा आंशिक बदली हुनुका साथै बागमती प्रदेशको तराई क्षेत्रका केही स्थानमा हल्का वर्षा भइरहेको महाशाखाले जनाएको छ । आज दिउँसो कोशी, बागमती र गण्डकी प्रदेशका हिमाली तथा पहाडी भेगमा सामान्यतया बदली रहनेछ । त्यसैगरी लुम्बिनी, कर्णाली र सुदूरपश्चिम प्रदेशका पहाड र हिमालका साथै तराईका भू-भागमा आंशिक बदली रहने मौसम पूर्वानुमान छ । कोशी र बागमती प्रदेशका पहाड तथा हिमालका थोरै स्थानहरूमा मध्यम वर्षा हुनेछ भने गण्डकी, लुम्बिनी, कर्णाली र सुदूरपश्चिमका…

आजको राशिफल बिस २०८३ असोज १६ गते शुक्रबार ईस २०२६ अक्टोबर २ नेपाल सम्बत ११४६ ञलागा षष्ठी, रौद्र नाम संवत्सर सूर्य दक्षिणायन, शरद ऋतु, असोज कृष्ण पक्ष षष्ठी, चन्द्रमा वृष राशिमा, मृगशिरा नक्षत्र, व्यतीपात योग, वणिज  करण । आज नेपालमा सुर्योदय बिहान ५ बजेर ५७ मिनेटमा र सूर्यास्त साँझ ५ बजेर ५१ बजे हुनेछ । आज जन्म लिने बच्चा वृष राशीको हुनेछ । मेष (चु, चे, चो, ला, लि, लु, ले, लो, अ) आज काममा नयाँ उत्साह आउनेछ। आफ्नो क्षमता देखाउने अवसरसँगै सहकर्मीको सहयोग पनि प्राप्त हुनेछ। व्यापारमा ग्राहकसँगको राम्रो व्यवहारले थप कारोबारको बाटो खोल्न सक्छ। आर्थिक रूपमा आम्दानी…

काठमाडौँ । दक्षिण एसियाली फुटबल महासंघ (साफ) ले आगामी १५औं साफ च्याम्पियनसिपको खेल तालिका सार्वजनिक गरेसँगै नेपालको सहभागिता औपचारिक रूपमा गुमेको छ । अन्तर्राष्ट्रिय फुटबल महासंघ (फिफा) ले अखिल नेपाल फुटबल संघ (एन्फा) माथि लगाएको प्रतिबन्ध कायमै राखेपछि नेपाल प्रतियोगिताबाट बाहिरिन पुगेको हो । साफले सेप्टेम्बर ३० सम्म निलम्बन फुकुवा भएमा नेपाललाई समावेश गराउने अन्तिम समयसीमा तोकेको थियो । तर, तोकिएको अवधिभित्र फिफाबाट प्रतिबन्ध नहटेपछि नेपालबिना नै प्रतियोगिताको नयाँ तालिका जारी गरिएको छ । फुटबलमा तेस्रो पक्षको हस्तक्षेप भएको जनाउँदै फिफाले गत असार ११ गते एन्फालाई निलम्बित गरेको थियो । यसअघि अगस्ट १ मा भुटानको थिम्पुमा निकालिएको ड्र अनुसार नेपाललाई…

काठमाडौँ । रसुवाको भोटेकोसी नदीमा गत भदौ १० गते आएको विनाशकारी बाढीको स्थलगत अध्ययन तथा समीक्षाका लागि राष्ट्रियसभाले नौ सदस्यीय विशेष समिति गठन गरेको छ । बिहीबार बसेको राष्ट्रियसभा बैठकमा अध्यक्ष नारायणप्रसाद दाहालले राष्ट्रियसभा नियमावली २०७५ को नियम १६७ बमोजिम उक्त समिति गठन गरिएको जानकारी दिनुभयो । यसअघि विपक्षी दलहरूले दुवै सदनको संयुक्त विशेष समिति बनाउनुपर्ने अडान राखेका थिए । तर, राष्ट्रिय स्वतन्त्र पार्टी (रास्वपा) ले सहमति नजनाएपछि सुरुमा प्रतिनिधिसभाले मात्रै छुट्टै समिति बनाएको थियो । त्यसपछि राष्ट्रियसभाले पनि आफ्नै नयाँ समिति तयार पारेको हो । गठित समितिमा कृष्णप्रसाद पौडेल, गीता देवकोटा, घनश्याम रिजाल, श्रीकृष्णप्रसाद अधिकारी, सम्झना देवकोटा, सोमनाथ पोर्तेल,…

काठमाडौँ । साताको अन्तिम कारोबार दिन बिहीबार शेयर बजार परिसूचक नेप्सेमा दोहोरो अङ्कको वृद्धि नदेखिए पनि झिनो अङ्कले सुधार आएर २५९९.१५ को विन्दुमा पुगी कारोबार बन्द भएको छ । अघिल्लो दिनको तुलनामा ०.२६ अङ्कको यो सुधारले बजारमा स्थिरतातर्फको सङ्केत गरेको छ । कारोबार रकमका हिसाबले आज ३५३ कम्पनीका १ करोड २० लाख ६५ हजार ५५५ कित्ता शेयर खरिदबिक्री हुँदा कुल ४ अर्ब ८९ करोड १८ लाख ७६ हजार ३२५ रुपैयाँ बराबरको कारोबार भएको छ । उपसमूहतर्फ बैंकिङ, विकास बैंक, फाइनान्स र हाइड्रोपावर क्षेत्रमा हरियाली छाए पनि बाँकी सबै समूहका सूचकमा भने गिरावट दर्ता भएको छ । आजको कारोबारमा सिन्धु विकास…

काठमाडौँ । देशको राजधानीमै मोबाइल फोन र इन्टरनेटको पहुँच सुस्त भएपछि सरकारले दूरसञ्चार प्राधिकरणलाई अनुगमन तीव्र पार्न कडा निर्देशन दिएको छ । सूचना तथा सञ्चारमन्त्री डा. विक्रम तिमिल्सिनाले प्राधिकरणका अधिकारीहरूसँगको बैठकमा सेवाको गुणस्तर तत्काल सुधार्नुपर्ने बताएका हुन् । काठमाडौं उपत्यकाभित्रै सेवा प्रभावकारी हुन नसक्नु चिन्ताजनक रहेको उल्लेख गर्दै उनले नियमित अनुगमनको प्रतिवेदन मन्त्रालयमा बुझाउन भनेका छन् । तोकिएको मापदण्ड पालना नगर्ने तथा कमजोर सेवा दिने दूरसञ्चार प्रदायकहरूमाथि कानुनी दायरामा ल्याएर कडा कारबाही गर्न मन्त्री तिमिल्सिनाले स्पष्ट निर्देशन दिएका छन् । यसैगरी, फोरजी सेवाको दायरा बढाउन र फाइभजी सेवा सञ्चालनका लागि स्पष्ट कार्ययोजना तय गरेर अघि बढ्न पनि उनले आग्रह गरेका…

बझाङ । सुर्मा गाउँपालिका–२ दोगडीमा पर्ने चैनपुर–दौलिचौर भित्री सडकखण्डमा बोलेरो जिप दुर्घटना हुँदा चालकको ज्यान गएको छ भने अन्य दुई जना घाइते भएका छन् । दौलिचौरबाट चैनपुरतर्फ आउँदै गरेको जिप बिहीबार बिहान करिब १० बजे अनियन्त्रित भई सडकबाट २० मिटर तल खसेको थियो । दुर्घटनामा परी सुर्मा गाउँपालिका–४ का २७ वर्षीय चालक कुन्दन बोहराको घटनास्थलमै मृत्यु भएको प्रहरीले जनाएको छ । जिपमा सवार घाइते दुई जनाको भने पहिचान खुल्न बाँकी छ । उनीहरूलाई तत्कालै उपचारका लागि जिल्ला अस्पताल बझाङ लगिएको छ । घटनावारे जानकारी पाउनासाथ जिल्ला प्रहरी कार्यालय बझाङबाट प्रहरी नायब निरीक्षक तेजबहादुर रावलको कमाण्डमा खटिएको टोलीले उद्धारका साथै आवश्यक…

काठमाडौँ । जेष्ठ नागरिकले आफ्नो जीवनकालमा हासिल गरेको अनमोल ज्ञान, सीप र अनुभवलाई नयाँ पुस्तासम्म पुर्‍याउन सरकारले एउटा विशेष डिजिटल प्लेटफर्म तयार पार्ने भएको छ । महिला, बालबालिका, लैङ्गिक तथा यौनिक अल्पसङ्ख्यक र सामाजिक सुरक्षा मन्त्रालयले ‘ज्येष्ठ नागरिक अनुभव बैंक’ स्थापनाको कामलाई अगाडि बढाएको हो । बढ्दो सहरीकरण, बसाइँसराइ र खण्डित हुँदै गएको पारिवारिक ढाँचाका कारण पाका पुस्ताका अनुभवहरू लोप नहोऊन् भन्ने उद्देश्यले यो कदम चालिएको मन्त्रालयले जनाएको छ। आधुनिक डिजिटल प्रविधिमार्फत ज्येष्ठ नागरिकका सीप र ज्ञानलाई अभिलेखबद्ध गरिनेछ । यस प्रणालीबाट विद्यार्थी, युवा तथा नयाँ पुस्ताले उनीहरूका अनुभवबाट सिक्ने अवसर पाउनेछन् । मन्त्री सिता बादीका अनुसार ज्येष्ठ नागरिकहरू केवल…

काठमाडौँ । फ्लाईदुबईको विमानमा ठूलो दुर्घटना गराउन खोजिएको प्रयासलाई एक भारतीय क्याप्टेनले ज्यानको बाजी थापेर असफल पारिदिएका छन् । दुबईबाट तेल अभिभतर्फ जाँदै गरेको विमानका सहचालकले नै ककपिट कब्जा गरी प्रणाली ध्वस्त पार्ने प्रयास गरेपछि क्याप्टेन स्मित मच्छारले प्रतिकार गरेका हुन् । सहचालकको चक्कु प्रहारबाट गम्भीर घाइते भएका मच्छारले असीम साहस देखाउँदै ककपिटको ढोका खोलेपछि अन्य पाइलट र यात्रुहरूले आक्रमणकारीलाई नियन्त्रणमा लिएका थिए । उक्त विमानमा १५० इजरायली नागरिकसहित १७४ जना यात्रु सवार थिए । घाइते क्याप्टेन मच्छारको हाल साउदी अरबको ताबुकस्थित अस्पतालमा उपचार भइरहेको छ । उनको यो असाधारण बहादुरी र सुझबुझको प्रशंसा गर्दै भारतीय प्रधानमन्त्री नरेन्द्र मोदी, इजरायली…