Author: khaptadm-admin

काठमाडौँ । युरोपेली नेसन्स लिग अन्तर्गत लिग ‘ए’ को समूह ४ मा पोर्चुगलले नर्वेमाथि २-१ को रोमाञ्चक जित हासिल गरेको छ । ओस्लोस्थित उलेभाल रंगशालामा भएको खेलमा पाहुना टोली पोर्चुगलका लागि जोआओ फेलिक्स र गोन्कालो रामोसले गोल गरे । नर्वेका तर्फबाट एर्लिङ हालान्डले गरेको गोल टोलीको जितका लागि पर्याप्त भएन । प्रतिस्पर्धात्मक बनेको खेलको १७औँ मिनेटमा पेड्रो नेटोको पासलाई सदुपयोग गर्दै फेलिक्सले पोर्चुगललाई सुरुआती अग्रता दिलाएका थिए । पहिलो हाफमा १-० ले पछि परेको नर्वेले दोस्रो हाफको सुरुवातमै खेल बराबरीमा ल्यायो । ५१औँ मिनेटमा स्टार स्ट्राइकर हालान्डले गोल गर्दै खेल १-१ को स्थितिमा पुर्‍याए । तर नर्वेको खुसी धेरै बेर…

चितवन । नारायणी नदीको पुलमा ठोक्किएर अड्किएको राइनो क्रुजलाई सुरक्षित रूपमा पन्छाउने कार्य तीव्रताका साथ अघि बढाइएको छ । पुलको मुख्य भौतिक संरचनामा कुनै आँच नआउने गरी क्रुज पन्छाउने विधिबारे प्राविधिकहरूले अध्ययन तथा काम सुरु गरेका हुन् । ठूलो क्रेनलाई घटनास्थलसम्म पुर्‍याउनका लागि दुई वटा डोजर प्रयोग गरी बाटो बनाउने काम भइरहेको छ । सडक डिभिजन भरतपुरका प्रमुखसहितका इन्जिनियरहरू आफैं खटिएर क्रेन जाने मार्ग तयार पारिरहेका छन् । क्रुज निकाल्ने प्रयास भइरहे पनि पुलबाट गाडीहरूको आउजाउ भने साविकबमोजिम नै चलिरहेको छ ।

बागलुङ । कालीगण्डकी नदीमा उर्लिएको भीषण बाढी अवलोकन गर्न बागलुङ बजारका बासिन्दा सवारीसाधन नै भाडामा लिएर तटीय क्षेत्रतर्फ ओहोरदोहोर गरिरहेका छन् । आइतबार बिहानैदेखि नदीमा पानीको सतह ह्वात्तै बढेपछि स्थानीयवासी जिप, अटोरिक्सा र मोटरसाइकल चढेर ढोडेनी पुगेका हुन् । बागलुङ नगरपालिका-५ ढोडेनीबाट पारिपट्टी पर्वतको जलजला गाउँपालिका-८ पोर्सेमा बाढी पसेको प्रस्ट देखिने भएकाले मानिसहरू जोखिम मोलेरै फोटो, भिडियो र टिकटक बनाउन व्यस्त देखिन्थे । बाढीको जोखिम उच्च रहेकाले नदी किनारमा भीड नगर्न प्रहरीले सर्वसाधारणलाई लगातार सचेत गराइरहेको छ ।

काठमाडौँ । सङ्घीय संसद्का दुवै सदन—प्रतिनिधि सभा र राष्ट्रिय सभाको बैठक आज बस्दै छ । संसद् सचिवालयले सार्वजनिक गरेको कार्यसूची अनुसार बिहान ११ बजे प्रतिनिधि सभा र अपराह्न १:१५ बजे राष्ट्रिय सभाको बैठक निर्धारण गरिएको छ । प्रतिनिधि सभाको बैठकमा प्रधानमन्त्री वालेन्द्र साहका तर्फबाट कानून, न्याय तथा संसदीय मामिलामन्त्री सोविता गौतमले ‘केही नेपाल ऐनको व्यवस्था जगाउने विधेयक, २०८३’ पेस गर्ने कार्यक्रम छ । त्यसै गरी महिला, बालबालिका, लैङ्गिक तथा यौनिक अल्पसङ्ख्यक र सामाजिक सुरक्षामन्त्री सीता बादीले आफ्नो मन्त्रालयसँग सम्बन्धित ऐन संशोधन विधेयक सदनसमक्ष राख्नेछिन् । बैठकमा स्वास्थ्य तथा खाद्य स्वच्छतामन्त्री निशा मेहताले ‘आमाको दूधलाई प्रतिस्थापन गर्ने वस्तु (बिक्री वितरण नियन्त्रण)…

काठमाडौँ । हाल नेपालमा मनसुनी वायु, पश्चिमी वायु र भारतको उत्तर प्रदेश आसपास रहेको न्यून चापीय प्रणालीको संयुक्त प्रभाव रहेको छ । जल तथा मौसम विज्ञान विभागका अनुसार मनसुनको न्यून चापीय रेखा अहिले सरदर स्थान आसपास अवस्थित छ । हाल कर्णाली र सुदूरपश्चिम प्रदेशसहित देशका हिमाली भूभागमा साधारणतया बदली रहेको छ भने पहाडी भेगमा आंशिक बदली छ । तराईका अधिकांश क्षेत्रमा मौसम सामान्यतया सफा रहे पनि लुम्बिनी र सुदूरपश्चिमका एक-दुई स्थानमा हल्कादेखि मध्यम वर्षा भइरहेको छ । आज दिउँसो देशभर आंशिक बदली रहने अनुमान छ । देशका हिमाली तथा पहाडी भूभागका थोरै स्थानहरूका साथै सुदूरपश्चिमका तराई र अन्य प्रदेशका एक-दुई…

आजको राशिफल बिस २०८३ असोज १२ गते सोमबार ईस २०२६ सेप्टेम्बर २८ नेपाल सम्बत ११४६ ञलागा द्वितीया, रौद्र नाम संवत्सर सूर्य दक्षिणायन, शरद ऋतु, भाद्र शुक्ल पक्ष द्वितीया, चन्द्रमा मीन राशिमा, रेवती नक्षत्र, ध्रुव योग, तैतिल करण । आज नेपालमा सुर्योदय बिहान ५ बजेर ५५ मिनेटमा र सूर्यास्त साँझ ५ बजेर ५६ बजे हुनेछ । आज जन्म लिने बच्चा मीन राशीको हुनेछ । मेष (चु, चे, चो, ला, लि, लु, ले, लो, अ) आज नयाँ कामको सुरुवातभन्दा पहिले प्राथमिकता स्पष्ट गर्नु उपयोगी हुनेछ। कार्यक्षेत्रमा जिम्मेवारी बढे पनि त्यसलाई अवसरका रूपमा लिन सकिनेछ। सहकर्मीको सहयोगले जटिल काम सहज बन्न सक्छ।…

काठमाडौँ । दक्षिण अफ्रिकाका दुई भिन्नाभिन्नै स्थानमा भएका हिंसात्मक गोलीकाण्डमा परेर कम्तीमा २७ जनाले ज्यान गुमाएका छन् । घटनामा अन्य २६ जना गम्भीर घाइते भएका छन् । जोहानेसबर्ग नजिकै रहेको एक मदिरालयमा शनिबार साँझ आठ जनाको समूहमा आएका बन्दुकधारीहरूले अन्धाधुन्ध गोली चलाउँदा १७ जनाको घटनास्थलमै मृत्यु भएको थियो। उक्त आक्रमणमा परि १५ जना घाइते भएका छन् । यसैगरी केप टाउन नजिकैको एक मनोरञ्जनस्थल बाहिर आइतबार बिहान अर्को गोलीकाण्ड भएको छ। जहाँ १० जनाको ज्यान जानुका साथै ११ जना घाइते भएको स्थानीय अधिकारीहरूले जनाएका छन् । दुवै घटनामा संलग्न व्यक्तिहरूको पहिचान हुन सकेको छैन भने प्रहरीले कसैलाई पनि नियन्त्रणमा लिन सकेको…

काठमाडौँ । मनाङस्थित हिम्लुङ हिमालको आधार शिविर नजिकै गएको हिमपहिरोमा परी बेपत्ता भएकामध्ये दुई जनाको मृत शव फेला परेको छ । नेपाल प्रहरीका अनुसार हिउँमा पुरिएर बेपत्ता भएकाहरूको खोजी गर्ने क्रममा दुई जनाको शव फेला परेको हो । दुर्घटनामा परेका अन्य व्यक्तिहरूको खोजी तथा उद्धार कार्य भने निरन्तर जारी राखिएको छ । पर्वतारोही एवम् राष्ट्रिय स्वतन्त्र पार्टीका सांसद मिङ्मा डेभिड शेर्पाका अनुसार हिमपहिरोमा परेर अझै १४ जना बेपत्ता रहेका छन् । उद्धारका लागि मिङ्मा जीसहितको टोली घटनास्थलतर्फ परिचालन भइसकेको र खोजी कार्यलाई तीव्रता दिइएको उनले जानकारी दिएका छन् । देशका विभिन्न भागमा एकैपटक आइपरेका विपद्का कारण उद्धार कार्य जटिल बने…

अर्घाखाँची । लगातारको भारी वर्षाका कारण सडकमा पहिरो खस्ने र बाटो भासिने उच्च जोखिम बढेपछि जिल्ला प्रशासन कार्यालय अर्घाखाँचीले रातको समयमा सवारी साधन सञ्चालनमा पूर्ण रोक लगाएको छ । जोखिमलाई ध्यानमा राख्दै असोज ११ गते साँझ ६ बजेदेखि असोज १२ गते बिहान ६ बजेसम्मका लागि १२ घण्टा सम्पूर्ण सवारी आवागमन बन्द गरिएको हो । यस अवधिमा विपद् उद्धार तथा अत्यावश्यक सेवाबाहेकका अन्य निजी तथा सार्वजनिक सवारी साधन चलाउन पाइने छैन । विशेष गरी गोरुसिङ्गे–सन्धिखर्क सडकखण्डका विभिन्न स्थानमा पहिरो जाने क्रम जारी रहेकाले बाटो खुलाउने काम भइरहेको छ । निरन्तरको वर्षाले जमिन अति नै कमजोर बनेकाले जुनसुकै बेला पहिरो खस्न सक्ने,…

धादिङ । लगातारको भारी वर्षापछि पृथ्वी राजमार्गअन्तर्गत मलेखु–मुग्लिन सडकखण्डका विभिन्न स्थानमा खसेको ठूलो पहिरो पन्छाउन १० वटा हेभी मेसिन परिचालन गरिएको छ । नागढुंगा–मुग्लिन सडक योजनाका अनुसार मर्मत र सफाइको काम तीव्र पारिएकाले भोलि बिहानसम्म सडक पूर्ण रूपमा खुलाउने लक्ष्य राखिएको छ । गत असोज ८ गतेदेखिको अविरल वर्षाका कारण यस सडकखण्डको कम्तीमा १० ठाउँमा ठूला पहिरा खसेका छन् । पहिरोका कारण केही स्थानमा यातायात एकतर्फी मात्र चलेको छ भने धेरैजसो ठाउँमा दुवैतर्फको आवागमन ठप्प बनेको छ । विशेष गरी शीलतबजार र गोमती खोला क्षेत्रमा लेदो, रुख र ढुंगा खस्नुका साथै सडकको छेउ भासिएकाले एकतर्फी मात्र सवारी साधन चलिरहेका छन्…