Author: khaptadm-admin

काठमाडौँ । जापानमा भइरहेको एसियाली खेलकुदअन्तर्गत पुरुष क्रिकेटको क्वार्टरफाइनलमा नेपाल र श्रीलंकाबीचको प्रतिस्पर्धा वर्षाका कारण रद्द भएको छ । जापानको निसिन सहरस्थित कोरोगी खेलकुद पार्कमा तय भएको यो खेल भारी वर्षाका कारण एक बल पनि नफेकी स्थगित गर्नुपरेको हो । खेल रद्द भएसँगै नेपाल प्रतियोगिताको होडबाट बाहिरिएको छ भने अन्तर्राष्ट्रिय वरीयतामा नेपालभन्दा अगाडि रहेकै आधारमा श्रीलंका सेमिफाइनलमा प्रवेश गरेको छ । अब फाइनल यात्राका लागि श्रीलंकाले भारतको सामना गर्नेछ । यसअघि सोमबारका दुवै क्वार्टरफाइनल खेलहरू पनि वर्षाकै कारण रद्द भएपछि वरीयताका आधारमा भारत र पाकिस्तान सेमिफाइनल पुगेका थिए भने अफगानिस्तान र हङकङ प्रतियोगिताबाट बाहिरिएका थिए ।

काठमाडौँ । मुटुसम्बन्धी समस्याबाट जोगिन पूर्वसावधानी र जनचेतना आवश्यक रहेको औँल्याउँदै आज नेपालसहित विश्वभर विश्व मुटु दिवस मनाइँदै छ । सन् १९९९ मा विश्व मुटु सङ्गठन र विश्व स्वास्थ्य सङ्घको संयुक्त प्रयासमा यो दिवस मनाउने घोषणा गरिएको हो । विश्व मुटु महासंघले यस वर्षका लागि ‘धड्कन नछुटाऔँ’ भन्ने मूल अभियान सन्देश तय गरेको छ, जसको विस्तृत सन्देश ‘मुटुसम्बन्धी रोग लुकेर रहन सक्छ : धड्कन नछुटाऔँ’ भन्ने रहेको छ । सन् २००० को सेप्टेम्बर २७ मा पहिलोपटक मनाइएको यो दिवस सन् २०११ सम्म सेप्टेम्बरको अन्तिम आइतबार मनाउने गरिन्थ्यो । त्यसयता भने हरेक वर्ष सेप्टेम्बर २९ का दिन यो दिवस मनाइँदै आइएको…

आजको राशिफल बिस २०८३ असोज १३ गते मंगलबार ईस २०२६ सेप्टेम्बर २९ नेपाल सम्बत ११४६ ञलागा तृतीया, रौद्र नाम संवत्सर सूर्य दक्षिणायन, शरद ऋतु, भाद्र शुक्ल पक्ष तृतीया, चन्द्रमा मेष राशिमा, अश्विनी नक्षत्र, व्याघात योग, वणिज करण । आज नेपालमा सुर्योदय बिहान ५ बजेर ५६ मिनेटमा र सूर्यास्त साँझ ५ बजेर ५४ बजे हुनेछ । आज जन्म लिने बच्चा मेष राशीको हुनेछ । मेष (चु, चे, चो, ला, लि, लु, ले, लो, अ) मंगलको प्रभावले आज तपाईंमा ऊर्जा र आत्मविश्वास बढाउनेछ। काममा चुनौतीपूर्ण जिम्मेवारी लिनुपर्ने अवस्था आए पनि त्यसलाई पूरा गर्ने क्षमता रहनेछ। नयाँ योजना अघि बढाउन सकिनेछ। व्यापारमा…

काठमाडौँ । संयुक्त राष्ट्रसंघको महासभाका क्रममा अमेरिका पुगेका परराष्ट्रमन्त्री शिशिर खनाललाई गैरआवासीय नेपाली संघ (एनआरएनए) अमेरिकाले १७ बुँदे सुझाव पत्र हस्तान्तरण गरेको छ । न्यूयोर्कमा भएको भेटमा एनआरएनए अमेरिकाका अध्यक्ष सतेन्द्र साह नेतृत्वको प्रतिनिधिमण्डलले डायस्पोराको हकहित, नेपालसँगको सम्बन्ध र उनीहरूले भोग्नुपरेका समस्याबारे मन्त्री खनालको ध्यानाकर्षण गराएको हो । बुझाइएको ज्ञापनपत्रमा गैरआवासीय नेपाली ऐन, २०८३ को मस्यौदा परिमार्जन गर्नेसहित नागरिकतालाई व्यावहारिक रूपमा कार्यान्वयनमा ल्याउनुपर्ने माग राखिएको छ । यसबाहेक लगानीको सुरक्षा, विदेशमा रहेका नागरिकलाई मतदानको अधिकार, कन्सुलर सेवामा सुधार तथा आपत्कालीन अवस्थामा उद्धार र कानुनी सहायताको प्रबन्ध मिलाउन सरकारसँग आग्रह गरिएको छ । नेपालको समृद्धिमा डायस्पोराको सीप र पूँजी जोड्नका लागि…

काठमाडौँ । नेपाल र रसियाबीच शिक्षा तथा खेलकुदका क्षेत्रमा सहकार्य विस्तार गर्नेबारे उच्चस्तरीय छलफल भएको छ । शिक्षा तथा खेलकुदमन्त्री सस्मित पोखरेल र नेपालका लागि रसियाली राजदूत एलेक्सी भ्लादिमेरोभिकबिच सोमबार भएको शिष्टाचार भेटमा दुई देशको द्विपक्षीय हित र जनशक्ति विकासका विषयमा कुराकानी भएको हो । सिंहदरबारस्थित मन्त्रालयमा भएको भेटवार्तामा मन्त्री पोखरेलले नेपालको जनशक्ति विकासमा रसियाले गर्दै आएको सहयोगप्रति आभार प्रकट गर्नुभयो । उहाँले आगामी दिनमा शिक्षा र खेलकुदका पूर्वाधार तथा क्षमता अभिवृद्धिमा साझेदारीलाई अझ फराकिलो बनाउनुपर्ने धारणा राख्नुभयो । जवाफमा राजदूत भ्लादिमेरोभिकले नेपालको शैक्षिक र खेलकुद क्षेत्रमा लगानी गर्न रसिया सरकार उत्सुक रहेको बताउनुभयो । दुई देशबीचको दीर्घकालीन सम्बन्धलाई अझ…

काठमाडौँ । साताको पहिलो कारोबार दिन सोमबार नेपाल स्टक एक्सचेन्ज (नेप्से) परिसूचकमा दोहोरो अंकको गिरावट आएको छ । कारोबार अवधिभर उतारचढावका बीच अन्ततः नेप्से १६.४७ अंकले घटेर २६१३.३३ विन्दुमा ओर्लिएर बन्द भएको हो । यस दिन ३५७ वटा कम्पनीका १ करोड ३१ लाख ७८ हजार १२८ कित्ता शेयर कुल ५ अर्ब ३८ करोड ५७ लाख ८५ हजार ४१४ रुपैयाँमा किनबेच भएका छन् । समग्र बजार ओरालो लाग्दा ट्रेडिङ उपसमूहबाहेक अन्य सबै क्षेत्रका सूचक राताम्मे बनेका छन् । घट्दो बजारका बीच पनि १० प्रतिशत केबीएल डिबेन्चर ९० को शेयर मूल्य सर्वाधिक १२.१७ प्रतिशतले बढेको छ भने ७ प्रतिशत लक्ष्मी सनराइज डिबेन्चर…

झापा । झापाको बाह्रदशी गाउँपालिका–१ भागडुब्बास्थित सडक खण्डमा सोमबार बिहान बस र मोटरसाइकल एकआपसमा ठोक्किएर दुर्घटना हुँदा एक जनाको ज्यान गएको छ भने अर्का एक जना घाइते भएका छन् । भागडुब्बाबाट राजगढतर्फ जाँदै गरेको प्र.१–०१–००१ ख ३५२४ नम्बरको बसले विपरीत दिशाबाट आउँदै गरेको प्र.१–०१–०१४ प ११९६ नम्बरको मोटरसाइकललाई ठक्कर दिएको हो । दुर्घटनालगत्तै गम्भीर घाइते भएका बाह्रदशी–४ का १८ वर्षीय मोटरसाइकल चालक करण राजवंशीलाई उपचारका लागि बिर्तामोडस्थित बी एन्ड सी अस्पताल पुर्याइएकोमा चिकित्सकले दिउँसो १२: १० बजे मृत घोषणा गरेका हुन् । सोही दुर्घटनामा मोटरसाइकलको पछाडि सवार १९ वर्षीय अजय राजवंशी घाइते भएका छन् । उनको अवस्था हाल मध्यम रहेको…

धादिङ । वर्षापछि खसेको लेदोसहितको पहिरो हटाइए पछि पृथ्वी राजमार्गअन्तर्गत मलेखु–मुग्लिङ सडकखण्ड पुनः सञ्चालनमा आएको छ । अघिल्लो साँझ करिब ६ बजे ठूला चट्टानसहित पहिरो जाँदा हुग्दी खोला नजिकैको पानीधारा क्षेत्रमा यातायात पूर्ण रूपमा थप्प भएको थियो । रातभर र आज बिहानसम्म निरन्तर प्रयास गरेर पहिरो सफा गरेपछि सडक सञ्चालनमा ल्याइएको हो । सडक खुले पनि धारापानी, फिस्लिङ र जवाङ खोला क्षेत्रमा सडकको किनारा भासिएकाले ती स्थानहरूमा भने सवारी साधन एकतर्फी मात्र सञ्चालन भइरहेका छन् । नागढुङ्गा–मुग्लिङ सडक आयोजनाका अनुसार निरन्तरको वर्षाले गर्दा यस खण्डका विभिन्न ठाउँमा पहिरो जाने र सडक धसिने समस्या कायमै छ । वर्षा रोकिए पनि थप…

काठमाडौँ । चलचित्र विकास बोर्डले असोज ११ गते आइतबारसम्मको नेपाली चलचित्रहरूको पछिल्लो बक्स अफिस कमाइ विवरण सार्वजनिक गरेको छ । बोर्डका अनुसार साउन १ गतेदेखि प्रदर्शनमा आएको चलचित्र ‘गौथली’ले हालसम्म बक्स अफिसमा २५ करोड ९५ लाख ८४ हजार रुपैयाँ संकलन गरेको छ । यस अवधिमा फिल्मका ९ लाख ४१ हजार ३७२ वटा टिकट बिक्री भएका छन् । भदौ २६ गतेदेखि हलमा लागेको ‘पेन्सन पट्टा’ले ७ करोड १ लाख ४१ हजार रुपैयाँ कमाउँदै २ लाख ४४ हजार ८४२ टिकट बेचेको छ । सोही दिनदेखि प्रदर्शन सुरु भएको अर्को चलचित्र ‘बेहुली’ले २ करोड ९६ लाख ३६ हजार रुपैयाँ कारोबार गर्दै १ लाख…

दार्चुला । सुदूरपश्चिमको दुर्गम क्षेत्र मानिने दार्चुलाको अपी हिमाल गाउँपालिका–३ स्थित पाथा र कसौती गाउँमा यस वर्ष स्याउको उत्पादन राम्रो भए पनि बजारीकरणमा ठूलो समस्या देखिएको छ । स्थानीय झण्डै ५० परिवारले व्यावसायिक तथा परम्परागत रूपमा कलमी, गाला र इटालीयन फुजी जातका स्याउ खेती गरेका छन् । तर, उत्पादित स्याउले बजार र ढुवानीको सुविधा नपाउँदा रूखमै कुहिने अवस्था सिर्जना भएको स्थानीय कृषकहरूले गुनासो गरेका छन् । हिमालयन कृषि फार्मका सञ्चालक कपुर सिँह धामीका अनुसार उनको फार्ममा रहेका ५०० भन्दा बढी बोटमा १५ देखि २० क्विन्टल स्याउ फलेका छन् । गाउँमा प्रतिकिलो १०० रूपैयाँका दरले केही स्याउ बिक्री भए पनि ढुवानी…