Author: khaptadm-admin

काठमाडौँ । काठमाडौँको बुद्धनगरमा शनिबार बिहान एक पुरुषले आफ्नै शरीरमा आगो लगाएर आत्महत्याको प्रयास गरेका छन् । बुद्धनगरमा डेरा गरी बस्दै आएका ४५ वर्षीय अश्विन राउतले बिहान करिब ६ बजेतिर भान्सा कोठामा आगो लगाएको प्रहरीले जनाएको छ । घटना लगतै फेला परेका राउतलाई उपचारका लागि वीर अस्पताल लगिएको छ । प्रहरीले यस घटनाको कारणबारे आवश्यक अनुसन्धान सुरु गरिसकेको जानकारी दिएको छ । केही दिन यता आत्मदाहका घटना लगातार बाहिरिएका छन् । यसअघि बिहीबार त्रिपुरेश्वरमा आत्मदाह गरेका गणेश नेपालीको शुक्रबार वीर अस्पतालमा उपचारका क्रममा मृत्यु भएको थियो भने शुक्रबार नै सर्लाहीमा आत्मदाहको प्रयास गरेका विवेक मण्डललाई उद्धार गरी हेलिकप्टरमार्फत काठमाडौँ ल्याएर…

खोटाङ । खोटाङमा ज्यालाको विषयलाई लिएर भएको विवादमा एक व्यक्तिको धारिलो हतियार प्रहार गरी हत्या भएको छ । दिप्रुङ चुइचुम्मा गाउँपालिका–१ मा आफूले काम गरेको रकम माग्न गएका स्थानीय ३८ वर्षीय भक्तबहादुर अधिकारी (ध्रुव) को खुकुरी प्रहारबाट घटनास्थलमै मृत्यु भएको हो । जिल्ला प्रहरी कार्यालय खोटाङका अनुसार असार २५ गते दिउँसो करिब १२ बजे अधिकारी स्थानीय ५७ वर्षीय तिलबहादुर सार्कीको घरमा पैसा माग्न पुगेका थिए । सोही क्रममा विवाद हुँदा तिलबहादुर लगायतको समूहले उनीमाथि खुकुरी प्रहार गरेको प्रहरीले जनाएको छ । उक्त घटनामा संलग्न रहेको आरोपमा प्रहरीले तीन जनालाई नियन्त्रणमा लिएको छ । मुख्य आरोपी तिलबहादुर सार्कीलाई घटना भएकै दिन…

आजको राशिफल बिस २०८३ असार २७ गते शनिबार ईस २०२६ जुलाई ११ नेपाल सम्बत ११४६ तछलागा एकादशी, रौद्र नाम संवत्सर सूर्य उत्तरायण, गृष्म ऋतु, असार कृष्ण एकादशी, चन्द्रमा वृष राशिमा, कृत्तिका नक्षत्र, गण्ड योग, बव करण । आज नेपालमा सुर्योदय बिहान ५ बजेर १६ मिनेटमा र सूर्यास्त साँझ ७ बजेर ३ मिनेटमा हुनेछ । आज जन्म लिने बच्चा वृष राशीको हुनेछ । आज विश्व जनसंख्या दिवस परेको छ । मेष (चु, चे, चो, ला, लि, लु, ले, लो, अ) – आजको दिन उत्साह, ऊर्जा र सकारात्मक सोचका साथ अघि बढ्ने अवसर मिल्नेछ। लामो समयदेखि सोचिरहेका योजना कार्यान्वयन गर्ने अनुकूल समय…

काठमाडौँ । नेपाली राष्ट्रिय क्रिकेट टोलीले घरेलु मैदानमा भारतको ‘ए’ टिमसँग प्रतिस्पर्धा गर्ने भएको छ । आगामी डिसेम्बर महिनामा दुई देशबीच तीन खेलको टी-२० सिरिज आयोजना हुन लागेको नेपाल क्रिकेट संघ (क्यान) ले जनाएको छ । क्यानका अनुसार यो सिरिजका सबै खेलहरू कीर्तिपुरस्थित त्रिवि क्रिकेट मैदानमा सञ्चालन हुनेछन् । तालिका अनुसार डिसेम्बर ९ मा पहिलो, डिसेम्बर ११ मा दोस्रो र डिसेम्बर १३ मा तेस्रो खेल हुने तय भएको छ । स्कटल्याण्डमा भएको आईसीसी कन्फरेन्सका क्रममा क्यानका अध्यक्ष चतुरबहादुर चन्द र सचिव पारस खड्का तथा भारतीय क्रिकेट कन्ट्रोल बोर्ड (बीसीसीआई) का सचिव देवजित साइकियाबीच यस सिरिजका विषयमा औपचारिक सहमति भएको हो…

काठमाडौँ । परराष्ट्र मन्त्रालयले सर्वसाधारणलाई अझ सहज र छिटो राहदानी उपलब्ध गराउन आगामी असार २९ गतेदेखि नयाँ प्राविधिक प्रणाली कार्यान्वयनमा ल्याउने भएको छ । शुक्रबार आयोजित पत्रकार सम्मेलनमा मन्त्रालयका प्रवक्ता लोकबहादुर पौडेल क्षेत्रीले राहदानी वितरण कार्यलाई आधुनिक र प्रविधिमैत्री बनाउन नयाँ प्रणाली सुरु गर्न लागिएको जानकारी दिनुभयो । मन्त्रालय र राहदानी विभागले यसको सम्पूर्ण तयारी पूरा गरिसकेका छन् । सुरुवाती चरणमा केही सामान्य प्राविधिक समस्या आए पनि सेवा प्रवाहमा कुनै अवरोध नहुने र यो नियमित रूपमा सुचारु रहने मन्त्रालयले प्रष्ट पारेको छ । सरकारले राहदानी सेवालाई व्यवस्थित बनाउन अन्य दुई महत्त्वपूर्ण कदम पनि चालेको छ । तयारी भइसकेका राहदानीहरू छिटोभन्दा…

काठमाडौँ । नेपाल र संयुक्त अरब इमिरेट्स (यूएई) बीचको आपसी सहकार्य र द्विपक्षीय सम्बन्धलाई थप बलियो बनाउने विषयमा उच्चस्तरीय छलफल भएको छ । प्रतिनिधिसभाका सभामुख डोलप्रसाद (डीपी) अर्याल र नेपाल भ्रमणमा रहेका यूएईका विदेश व्यापारमन्त्री डा. थानी बिन अहमद अल जेयोउदीबीच शुक्रबार सिंहदरबारमा शिष्टाचार भेटवार्ता भएको हो । वर्तमान संसद् गठन भएपछि यूएईबाट भएको यो नै सबैभन्दा उच्च तहको भ्रमण हो । भेटका क्रममा सभामुख अर्यालले सन् १९७७ मा सुरु भएको दुई देशबीचको कूटनीतिक सम्बन्ध मित्रता र आपसी विश्वासमा टिकेको चर्चा गरे । आगामी सन् २०२७ मा कूटनीतिक सम्बन्ध स्थापनाको ५० वर्ष पुग्ने अवसरमा स्वर्ण जयन्तीलाई उपलब्धिमूलक ढंगले मनाउन नेपाल…

काठमाडौँ । मुगुका गणेश नेपालीले गरेको आत्मदाह घटनाको सत्यतथ्य पत्ता लगाउन सरकारले उच्चस्तरीय छानबिन समिति बनाएको छ । गृहमन्त्री सुधन गुरुङले नेपाल प्रहरीका प्रहरी नायब महानिरीक्षक (डीआईजी) गोविन्द थपलियाको संयोजकत्वमा ५ सदस्यीय समिति गठन गरिएको जानकारी संसद्लाई गराएका हुन् । प्रतिनिधि सभाको बैठकमा बोल्दै मन्त्री गुरुङले घटनाबारे विस्तृत अनुसन्धान गर्न यो कदम चालिएको बताए । यसैगरी, घटनाको अनुसन्धान र सोधपुछका लागि हाल तीन जना नगर प्रहरीलाई नियन्त्रणमा लिएर आवश्यक कानुनी प्रक्रिया अगाडि बढाइएको समेत उनले सदनमा स्पष्ट पारे ।

काठमाडौँ । राज्य संयन्त्र र समाजको कमजोरीका कारण नागरिकले चरम निराशा भोग्नुपरेको भन्दै नेपाली कांग्रेसका सभापति गगन थापाले गम्भीर चिन्ता व्यक्त गरेका छन् । गणेश नेपालीको आत्मदाहको घटनापछि सामाजिक सञ्जालमार्फत आफ्नो धारणा सार्वजनिक गर्दै उनले यस विषयमा सबै पक्षले गहिरो आत्मसमीक्षा गर्नुपर्ने औंल्याएका हुन् । यो घटनाले राज्य सञ्चालन र नागरिकप्रतिको सामाजिक उत्तरदायित्वमाथि ठूलो प्रश्न उठाएको थापाको भनाइ छ । सभापति थापाले यस दुःखद घटनालाई राजनीतिक दाउपेच वा आरोप-प्रत्यारोपको माध्यम बनाउन नहुनेमा जोड दिएका छन् । आफ्ना समस्या र पीडा सुनाउनका लागि एउटा नागरिकले शरीरमा आगो नै सल्काउनुपर्ने स्थिति कसरी आयो भन्नेबारे इमानदार जवाफ खोज्न उनले आग्रह गरे । सरकारी…

काठमाडौँ । त्रिपुरेश्वरस्थित राहदानी विभाग अगाडि आफ्नै शरीरमा आगो लगाएका मुगुका गणेश नेपालीको ज्यान गएको छ । वीर अस्पतालको बर्न सेन्टरमा मेकानिकल भेन्टिलेटरमा राखेर उपचार भइरहेका बेला उनको निधन भएको हो । हाल भक्तपुर बस्दै आएका मुगुको सोरू गाउँपालिका-२ का २५ वर्षीय नेपालीले बिहीबार दिउँसो विभाग अगाडि आत्मदाहको प्रयास गरेका थिए । मोटरसाइकल पार्किङ गर्ने विषयमा काठमाडौँ महानगरपालिकाका नगर प्रहरीसँग विवाद भएपछि उनले आफ्नै शरीरमा पेट्रोल छर्किएर आगो सल्काएका थिए । गम्भीर घाइते भएका नेपालीलाई तत्कालै उद्धार गरी अस्पताल पुर्‍याइए पनि चिकित्सकहरूले उनलाई बचाउन सकेनन् ।

काठमाडौँ । विभिन्न ६ वटा स्वास्थ्य विज्ञान प्रतिष्ठानका नवनियुक्त पदाधिकारीहरूले आफ्नो कार्यभार सम्हाल्ने वैधानिक प्रक्रिया पूरा गरेका छन् । मन्त्रालयमा आयोजित एक विशेष समारोहका बीच स्वास्थ्य तथा खाद्य स्वच्छता मन्त्री निशा मेहताले नवगठित उपकुलपतिहरूलाई पद तथा गोपनीयताको शपथ गराउनुभएको हो । यसरी शपथ लिनेहरूमा चिकित्सा विज्ञान राष्ट्रिय प्रतिष्ठान (न्याम्स) का उपकुलपति डा. विवेक आचार्य र पाटन स्वास्थ्य विज्ञान प्रतिष्ठानका उपकुलपति डा. नवीस मान सिं प्रधान हुनुहुन्छ । यस्तै, विपि कोइराला स्वास्थ्य विज्ञान प्रतिष्ठानका उपकुलपति डा. स्मृति कार्की, पोखरा स्वास्थ्य विज्ञान प्रतिष्ठानका उपकुलपति डा. नारायण सिंह गुरुङ, कर्णाली स्वास्थ्य विज्ञान प्रतिष्ठानका उपकुलपति डा. सूर्यमान मेन्याङबो तथा राप्ती स्वास्थ्य विज्ञान प्रतिष्ठानका उपकुलपति…