Author: khaptadm-admin

काठमाडौँ । वेब प्रविधि पीएचपीमा विश्वव्यापी रूपमा गम्भीर सुरक्षा जोखिम देखा परेकाले नेपाल राष्ट्र बैंकले आफ्ना अनलाइन सेवा तथा वेबसाइट अस्थायी रूपमा रोकेको छ। सम्भावित जोखिमलाई ध्यानमा राख्दै सेवा बन्द गरिएको जानकारी राष्ट्र बैंकले शुक्रबार एक सूचना जारी गर्दै गराएको हो । सेवा अवरुद्ध भएको समयमा आवश्यक पर्ने महत्त्वपूर्ण सूचना तथा जानकारीहरू बैंकका आधिकारिक सामाजिक सञ्जालहरूबाट प्राप्त गर्न सकिनेछ । यसका साथै पीएचपी प्रणालीमा देखिएको यो सुरक्षा खतराबारे सचेत रहन राष्ट्र बैंकले सम्पूर्ण बैंक तथा वित्तीय संस्था, भुक्तानी प्रणाली सञ्चालक (पीएसओ), भुक्तानी सेवा प्रदायक (पीएसपी) र रेमिट्यान्स कम्पनीहरूलाई आग्रह गरेको छ । आफ्ना सर्भर तथा प्रणालीहरूको सुरक्षा मजबुत बनाउन र…

काठमाडौँ । राष्ट्रिय स्वतन्त्र पार्टी (रास्वपा) का सभापति रवि लामिछाने तीन दिनका लागि निजी तथा पारिवारिक धार्मिक भ्रमणका क्रममा भारत प्रस्थान गर्ने भएका छन् । सभापति लामिछानेले आजदेखि उत्तराखण्डको नैनीतालमा रहेको कैंची धाम तथा आसामको गुवाहाटीस्थित प्रसिद्ध कामाख्या मन्दिरमा पुगेर परिवारसहित पूजाअर्चना गर्ने तालिका तय भएको उनको निजी सचिवालयले जानकारी दिएको छ । उक्त तीनदिने तीर्थयात्रा पूरा गरेलगत्तै उनी स्वदेश फर्कने कार्यक्रम रहेको छ ।

काठमाडौँ । उत्तरी तिब्बतको नाग्छु क्षेत्रलाई केन्द्रविन्दु बनाएर गएको शक्तिशाली भूकम्पमा परी कम्तीमा १६ जनाको ज्यान गएको छ भने ३२ जना घाइते भएका छन् । बिहीबार राति समुद्री सतहबाट करिब ४ हजार ८६४ मिटरको उचाइमा रहेको कम जनघनत्व भएको उच्च हिमाली जिल्लामा ७ म्याग्निच्युडको भूकम्प गएको हो । चिनियाँ भूकम्प सञ्जाल केन्द्रका अनुसार जमिनको सतहबाट करिब १० किलोमिटर गहिराइमा भूकम्पको केन्द्रविन्दु रहेको थियो । भूकम्पको धक्का तिब्बतको राजधानी ल्हासाबाट करिब ४०० किलोमिटर टाढासम्म स्पष्ट रूपमा महसुस गरिएको थियो । भूकम्पपछि ३ देखि ४ म्याग्निच्युडका साना-ठूला परकम्पहरू समेत लगातार गइरहेका छन् । भूकम्पका कारण घरहरूमा चिरा परेका छन् भने कतिपय संरचनाहरूमा…

आजको राशिफल बिस २०८३ कार्तिक ६ गते शुक्रबार ईस २०२६ अक्टोबर २३ नेपाल सम्बत ११४६ कौलाथ्व द्वादशी, रौद्र नाम संवत्सर सूर्य दक्षिणायन, शरद ऋतु, असोज शुक्ल पक्षद्वादशी, चन्द्रमा कुम्भ राशिमा, पूर्वभाद्रपदा नक्षत्र, ध्रुव योग, बालव करण । आज नेपालमा सुर्योदय बिहान ६ बजेर ०९ मिनेटमा र सूर्यास्त साँझ ५ बजेर २९ बजे हुनेछ । आज जन्म लिने बच्चा कुम्भ राशीको हुनेछ । मेष (चु, चे, चो, ला, लि, लु, ले, लो, अ) आज काममा आफ्नो क्षमता देखाउने अवसर मिल्न सक्छ। नयाँ जिम्मेवारी वा योजनाबारे छलफल हुँदा उत्साहका साथ अघि बढ्नुहोला, तर आवश्यक तयारी पूरा गर्न नबिर्सनुहोस्। व्यापारमा ग्राहकसँगको सम्बन्धले…

काठमाडौँ । बाढीबाट प्रभावित नुवाकोट र रसुवाका बालबालिकालाई लक्षित गरी ५ हजार थान सौर्य बत्ती सहयोग उपलब्ध गराइएको छ । चाइना फाउन्डेसन फर रुरल डेभलपमेन्टले फक्सकन इन्डस्ट्रियल इन्टरनेटको साझेदारीमा दुवै जिल्लाका ५४ वटा विद्यालयमार्फत उक्त बत्तीहरू हस्तान्तरण गरेको हो । विपद्का कारण नियमित विद्युत् आपूर्ति नभएका र उज्यालोको अभाव झेलिरहेका परिवारका विद्यार्थीलाई साँझको समयमा अध्ययन गर्न सहज बनाउने उद्देश्यले यो कार्यक्रम चलाइएको हो । कुल वितरण गरिएका बत्तीमध्ये नुवाकोटमा २ हजार ९६ थान र रसुवामा २ हजार ९०४ थान पठाइएको छ । नुवाकोटको सूर्यगढी गाउँपालिकामा १ हजार १०० तथा विदुर नगरपालिकामा ९९६ थान बत्ती बाँडिएको छ । यस्तै रसुवाको नौकुण्ड…

बिर्तामोड (झापा) । झापाको बिर्तामोडमा बिहीबार बिहान एक ग्यारेजको क्यान्टिनमा आगलागी हुँदा एक जनाको ज्यान गएको छ भने लाखौँ मूल्यको भौतिक क्षति भएको छ । इलाका प्रहरी कार्यालय अनारमनीका अनुसार बिर्तामोड नगरपालिका-२ रामचौकस्थित रवि राजवंशीले सञ्चालन गर्दै आएको ठुला सवारीसाधन मर्मत गर्ने बडी ग्यारेजको क्यान्टिनमा विद्युत् सर्ट भएर आगो लागेको हो । ध्रुव भट्टराईको जग्गामा रहेको उक्त टिनको छानो भएको भवनमा बिहान करिब ४ बजेतिर आगलागी भएको प्रहरीले जनाएको छ । आगलागीमा परी क्यान्टिनमा काम गर्दै आएका गौरीगन्ज गाउँपालिका-२, झापाका ६५ वर्षीय रुद्रबहादुर तामाङको ज्यान गएको छ । उनको शव जलेको अवस्थामा फेला परेको हो । उक्त दुर्घटनाबाट क्यान्टिनभित्र रहेका…

काठमाडौँ । कर्णाली याक्सले तेस्रो नेपाल प्रिमियर लिग (एनपीएल) का लागि पाकिस्तानका अलराउन्डर हुसैन तलातलाई अनुबन्ध गरेको छ । क्लबले बिहीबार ३० वर्षीय क्रिकेटरलाई टिममा भित्र्याएको हो । लाहोरमा जन्मिएका तलातले सन् २०१८ देखि पाकिस्तानी राष्ट्रिय टिमबाट खेल्दै आएका छन् । तीव्र गतिका बलर तलातले पाकिस्तानका लागि २३ टी–२० अन्तर्राष्ट्रिय खेलमा दुई अर्धशतकसहित ४४१ रन बनाएका छन् भने ६३ विकेट लिएका छन् । त्यस्तै, १२ एकदिवसीय खेलमा २२४ रन जोड्नुका साथै ६२ विकेट हात पारेका छन् । लिस्ट ‘ए’तर्फ १२५ खेल खेलेका उनले ३ हजार ७५४ रन बनाउनुका साथै १४१ विकेट लिएका छन् । तलातको आगमनसँगै टिमको ब्याटिङ र बलिङ…

काठमाडौँ । नेपाल क्रिकेट संघ (क्यान) ले आगामी डिसेम्बर महिनामा काठमाडौँमा आयोजना हुने आईसीसी पुरुष क्रिकेट विश्वकप छनोट प्लेअफ प्रतियोगिताको तयारी तीव्र रूपमा अघि बढाएको छ । क्यान्का सचिव पारस खड्काद्वारा जारी विज्ञप्तिअनुसार आगामी डिसेम्बर ४ देखि २१ सम्म हुने उक्त प्रतियोगितामा विश्वकप लिग २ का पुछारका चार टोली र च्यालेन्ज लिग ए तथा बीका शीर्ष दुई-दुई टोली गरी कुल आठ टिमले प्रतिस्पर्धा गर्नेछन् । यस प्रतियोगितामा शीर्ष चार स्थानमा पर्न सफल टोलीहरू सन् २०२७ मा दक्षिण अफ्रिका र नामिबियामा हुने ५० ओभरको विश्वकप छनोटमा प्रवेश पाउन सक्नेछन् । यसैबीच, क्यानले सोही समयमा घरेलु मैदानमा हुनुपर्ने नेपाल र भारत ‘ए’…

आजको राशिफल : मेष (चु, चे, चो, ला, लि, लु, ले, लो, अ) लाभहानि, आय–व्यय तथा सुख–दुःखको अवस्था सन्तुलित रहनेछ । स्वादिष्ट भोजनको अवसर मिल्नेछ । प्रेमी वा जीवनसाथीबाट सहयोग प्राप्त हुनेछ । मनोरञ्जनात्मक गतिविधिमा सहभागी हुने मौका मिल्नुका साथै आकस्मिक धनलाभको सम्भावना छ । भाग्यशाली रङ: गुलाबी | भाग्यशाली अङ्क: ५ सफलता प्रतिशत: प्रेम/सम्बन्ध: ७१% | व्यापार: ६३% | वैदेशिक कार्य: ७५% | शिक्षा: ७५% अन्य: स्वास्थ्य: ५६% | यात्रा: ५३% | सम्पूर्ण भाग्याङ्क: ७२% उपाय/सुझाव: भगवान् विष्णुको स्मरण गर्दै कार्य गर्ने । निलो रङको प्रयोग नगर्ने । वृष (इ, उ, ए, ओ, वा, वि, वु, वे, वो) मेहनतको…

काठमाडौँ । सत्तारूढ दल राष्ट्रिय स्वतन्त्र पार्टी (रास्वपा) का सभापति रवि लामिछानेले बडादसैँ (विजयादशमी), २०८३ को पुनीत अवसरमा स्वदेश तथा विदेशमा रहेका सम्पूर्ण नेपालीमा हार्दिक शुभकामना व्यक्त गरेका छन् । यसपालिको दसैँ मुलुकमा परेको प्राकृतिक विपत्ति र शोकको परिस्थितिमा मनाउनुपरेको भन्दै उनले ज्यान गुमाउनेहरूप्रति भावपूर्ण श्रद्धाञ्जली अर्पण गर्दै शोकाकुल परिवारजनमा गहिरो समवेदना प्रकट गरेका छन् । दसैँको शुभकामना सन्देश जारी गर्दै सभापति लामिछानेले भनेका छन्: “असत्यमाथि सत्यको, अन्यायमाथि न्यायको विजयको शाश्वत सन्देश बोकेको नेपालीहरूको महान् चाड बडादसैँ (विजयादशमी), २०८३ को पुनीत अवसरमा म मेरो व्यक्तिगत तथा राष्ट्रिय स्वतन्त्र पार्टीका तर्फबाट स्वदेश तथा प्रवासमा रहनुभएका सम्पूर्ण आदरणीय आमाबुवा, दाजुभाइ तथा दिदीबहिनीहरूमा…