Author: khaptadm-admin

काठमाडौँ । राष्ट्रिय स्वतन्त्र पार्टी (रास्वपा) ले आफ्नो संसदीय दलको विधान संशोधन गर्न नयाँ कार्यदल बनाएको छ । सिंहदरबारमा बुधबार आयोजना गरिएको रास्वपा संसदीय दलको बैठकले समयसापेक्ष रूपमा विधान परिमार्जन गर्न प्रमुख सचेतकको नेतृत्वमा सो कार्यदल गठन गर्ने निर्णय गरेको उपनेता गणेश पराजुलीले जानकारी दिए । उक्त कार्यदललाई आगामी ७ दिनभित्र आवश्यक प्रतिवेदन र कार्यविधि तयार पारी बुझाउने गरी समयसीमा तोकिएको छ । यस्तै बैठकमा सरकारमा सहभागी मन्त्रीहरूले आफ्नो मन्त्रालयले हालसम्म गरेका काम तथा प्रगतिको विवरण पेस गरेका थिए । सांसदहरूले भने आ-आफ्नो क्षेत्रका जनगुनासो, क्षेत्रीय समस्या र सरकारका कमीकमजोरीका विषयमा ध्यानाकर्षण गराएका थिए । त्यस क्रममा बजारमा चुलिँदै गएको…

काठमाडौँ । नेपाली सेनाका प्रधानसेनापति अशोक राज सिग्देलले पदोन्नति भएका दुई प्राविधिक सैन्य अधिकारीलाई दर्जागत चिह्न प्रदान गरेका छन् । जंगी अड्डामै आयोजित विशेष समारोहमा उनले प्राविधिक सहायक रथीबाट उपरथीमा बढुवा भएका विश्वबन्धु पहाडीलाई दर्ज्यानी चिह्न लगाइदिएका हुन् । सोही कार्यक्रममा प्रधानसेनापति सिग्देलले प्रमुख सेनानीबाट प्राविधिक महासेनानीमा पदोन्नति भएकी डा. इन्दिरा आचार्यलाई पनि दर्ज्यानी चिह्न प्रदान गरे । उक्त अवसरमा सेनाका बलाधिकृत, अन्य रथीवृन्द, अधिकृतहरूसहित पदोन्नति पाएका अधिकारीहरूका परिवारजनको उपस्थिति रहेको थियो।

हेटौँडा । बागमती प्रदेशको नयाँ मुख्यमन्त्रीमा नेकपा एमालेका नेता किरण थापामगरले ६३ जना प्रदेशसभा सदस्यको समर्थनसहित आफ्नो दाबी पेस गरेका छन् । नेपालको संविधानको धारा १६८ को उपधारा (२) अनुसार नयाँ सरकार गठनका लागि आवश्यक बहुमत जुटाएर थापामगरले बुधबार प्रदेश प्रमुख दीपकप्रसाद देवकोटासमक्ष दाबी पेस गरेका हुन् । १०४ सदस्यीय प्रदेशसभामा सरकार बनाउन ५३ सांसदको समर्थन आवश्यक पर्नेमा उनलाई एमालेका २५, नेपाली कम्युनिस्ट पार्टी (नेकपा) का २६ र राष्ट्रिय प्रजातन्त्र पार्टी (राप्रपा) का १२ गरी कुल ६३ सांसदको समर्थन प्राप्त भएको छ । दाबी पत्रमा एमाले संसदीय दलका नेता जगन्नाथ थपलिया, नेकपा संसदीय दलका नेता शालिकराम जम्कट्टेल र राप्रपा संसदीय…

पाल्पा । अविरल खसिरहेको पहिरोका कारण सिद्धार्थ राजमार्गको सिद्धबाबा क्षेत्रमा गाडी चल्न नसक्ने गरी सडक बन्द भएको छ । पाल्पाको तिनाउ गाउँपालिका–३ मा रहेको निर्माणाधीन सुरुङमार्गको उत्तरी प्रवेशद्वार नजिकै माथिबाट ठूला ढुङ्गा र माटो खसिरहेकाले यातायात सेवा ठप्प बनेको हो । अहिले पनि पहिरो झरिरहेकाले तत्काल बाटो खुलाउन समस्या भइरहेको जिल्ला प्रहरी कार्यालयले जनाएको छ । सडकमा थुप्रिएको पहिरो हटाउनका लागि दोभान प्रहरी चौकीबाट ट्राफिक प्रहरीसहितको टोली खटिसकेको छ । पहिरो खस्न रोकिएलगत्तै बाटो पन्छाउनका लागि जेसिबी डोजरलाई तयारी अवस्थामा राखिएको छ । जोखिमपूर्ण अवस्था रहेकाले यात्रामा रहेका सर्वसाधारण तथा सवारीचालकहरूलाई हतार गरेर अगाडि नबढ्न र सुरक्षित स्थानमै रोकिन प्रहरीले…

काठमाडौँ । मानव बेचबिखन तथा ओसारपसार नियन्त्रणका लागि जनचेतना जगाउने उद्देश्यका साथ सरकारले मानव बेचबिखन विरुद्धको २०औँ राष्ट्रिय दिवसका लागि नयाँ नारा सार्वजनिक गरेको छ । महिला, बालबालिका, लैङ्गिक तथा यौनिक अल्पसङ्ख्यक र सामाजिक सुरक्षा मन्त्रालयका अनुसार यस वर्ष आगामी भदौ २० गते ‘प्रविधिको सही प्रयोग र सजगता: मानव बेचबिखन रहित राष्ट्र निर्माणमा ऐक्यबद्धता’ भन्ने नाराका साथ यो दिवस मनाइने भएको छ । सूचना तथा प्रविधिको तीव्र विकाससँगै मानव बेचबिखनका शैली र स्वरूपसमेत बदलिँदै गएकाले digital माध्यमको सुरक्षित प्रयोगलाई ध्यानमा राखेर यो नारा चयन गरिएको हो । पछिल्लो समय सामाजिक सञ्जाल, अनलाइन विज्ञापन तथा वैदेशिक रोजगारीका नाममा विभिन्न प्रलोभन देखाएर…

काठमाडौँ । प्रतिनिधि सभाको बैठक आज बिहान ११ बजेका लागि बोलाइएको छ । सङ्घीय संसद सचिवालयले दिएको जानकारी अनुसार आजको बैठकमा विभिन्न विधेयक तथा महत्वपूर्ण सम्झौताहरू पेस गर्ने तयारी पूरा भएको छ । संसदको कार्यसूची अनुसार अर्थमन्त्री डा. स्वर्णिम वाग्लेले ‘कर्मचारी सञ्चय कोष (दशौँ संशोधन) विधेयक, २०८३ माथि विचार गरियोस्’ भन्ने प्रस्ताव पेस गर्नेछन् । यसैगरी युवा, श्रम तथा रोजगार मन्त्री रामजी यादवले ‘बालश्रम (निषेध तथा नियमित गर्ने) विधेयक, २०८३ माथि विचार गरियोस्’ भन्ने प्रस्ताव प्रस्तुत गर्ने कार्यक्रम रहेको छ । बैठकमा सन्धि सम्बन्धी विषय अन्तर्गत ऊर्जा, जलस्रोत तथा सिँचाइमन्त्री विराजभक्त श्रेष्ठले ‘नेपाल-भारत बीच दीर्घकालीन विद्युत् व्यापार गर्ने सम्बन्धी सम्झौता’…

काठमाडौँ । मानवीय सेवामा समर्पित कार्यकर्ता र स्वास्थ्यकर्मीहरूको सुरक्षाको गम्भीर मुद्दालाई उठाउँदै आज संसारभर विविध कार्यक्रमका साथ विश्व मानवीय दिवस मनाउन लागिएको छ । विशेष गरी अशान्त र द्वन्द्व प्रभावित क्षेत्रमा ज्यान जोखिममा राखेर खटिने सहायताकर्मीहरूको रक्षा र उनीहरूमाथिका आक्रमण रोक्न तत्काल ठोस कदम चाल्नुपर्नेमा यसपटक मुख्य जोड दिइएको छ । ‘मानवताका लागि कार्य गरौँ’ भन्ने मुख्य नाराका साथ सञ्चालित यस वर्षको अभियानले केवल चिन्ता व्यक्त गरेर मात्र नपुग्ने र अब व्यावहारिक परिणाम देखिनुपर्ने स्पष्ट सन्देश दिएको छ । द्वन्द्वग्रस्त इलाकामा अस्पताल, स्वास्थ्य चौकी, एम्बुलेन्स तथा स्वास्थ्यकर्मीहरूमाथि भइरहेका शृङ्खलाबद्ध हमलाले अत्यावश्यक स्वास्थ्य सेवा ठप्प हुनुका साथै सर्वसाधारणको जीवन झन् जोखिममा…

काठमाडौँ । जल तथा मौसम विज्ञान विभागअन्तर्गतको मौसम पूर्वानुमान महाशाखाका अनुसार देशैभर मनसुनी वायुको प्रत्यक्ष प्रभाव कायम छ । मनसुनको न्यून चापीय रेखा औसत स्थान आसपासमै अवस्थित रहेकाले मुलुकका विभिन्न भूभागमा बदली र वर्षाको गतिविधि सक्रिय बनेको हो । हाल देशभरको आकाश सामान्यतया बादलले ढाकेको छ । कोशी, बागमती, गण्डकी, लुम्बिनी, कर्णाली तथा सुदूरपश्चिम प्रदेशका केही क्षेत्रमा हल्कादेखि मध्यम खालको वर्षा भइरहेको महाशाखाले जनाएको छ । दिउँसोको समयमा देशभर बदली रहने अनुमान छ । हिमाली भेगका केही स्थानमा चट्याङसहित मध्यम वर्षाको सम्भावना औँल्याइएको छ । यसैगरी पहाडी भेगका धेरैजसो ठाउँका साथै बागमती, गण्डकी, लुम्बिनी र सुदूरपश्चिम प्रदेशका तराई भागका केही…

काठमाडौँ । नेपाली सेनाको विशेष निमन्त्रणामा नेपाल आएका भारतीय स्थल सेनाध्यक्ष जनरल धीरज सेठले प्रधानमन्त्री तथा रक्षामन्त्री वालेन्द्र शाहसँग सिंहदरबारमा शिष्टाचार भेट गरेका छन् । मन्त्रिपरिषद्को कार्यालयमा मंगलबार भएको उक्त भेटमा नेपाल र भारतबीचको द्विपक्षीय सम्बन्धका साथै दुवै देशका सेनाबीचको सहकार्य र पारस्परिक हितका विषयमा गहन छलफल भएको छ । उक्त अवसरमा नेपालका लागि भारतीय राजदूत नवीन श्रीवास्तवको पनि उपस्थिति रहेको थियो । प्रधान सेनापति अशोकराज सिग्देलको निमन्त्रणा स्वीकार गर्दै चारदिने औपचारिक भ्रमणका लागि भारतीय सेनाध्यक्ष सेठ आइतबार काठमाडौँ आइपुगेका हुन् । भ्रमणका क्रममा सोमबार राष्ट्रपति रामचन्द्र पौडेलले उनलाई नेपाली सेनाको मानार्थ महारथीको दर्जा प्रदान गरेका थिए । सन् १९५०…

काठमाडौँ । अनलाइन तथा विभिन्न डिजिटल माध्यममार्फत वस्तु वा सेवाको बिक्रीवितरण गर्दै आएका सम्पूर्ण व्यवसायीले अब अनिवार्य रूपमा दर्ता भएर मात्र व्यवसाय सञ्चालन गर्नुपर्ने भएको छ। वाणिज्य, आपूर्ति तथा उपभोक्ता संरक्षण विभागले एक विज्ञप्ति जारी गर्दै विद्युतीय व्यापार ऐन, २०८१ र विद्युतीय व्यापार निर्देशिका, २०८२ पूर्ण रूपमा लागू भइसकेकाले कानुनी प्रक्रिया पूरा गरेर मात्र कारोबार अघि बढाउन सचेत गराएको हो। विभागका अनुसार कम्प्युटर, मोबाइल वा अन्य कुनै पनि डिजिटल उपकरणका माध्यमबाट वेबसाइट, एप, सफ्टवेयर, इन्टरनेट वा सामाजिक सञ्जाल (फेसबुक, इन्स्टाग्राम आदि) मा पसल सञ्चालन गरी वस्तु तथा सेवा बेच्ने प्रणालीलाई ऐनले विद्युतीय व्यापार मानेको छ। नयाँ कानुनी व्यवस्थाअनुसार अनलाइन व्यवसाय…