Author: khaptadm-admin

काठमाडौँ । युरोपेली संघकी राजदूत भेरोनिक लोरेन्जोले आफ्नो नेपाल कार्यकाल पूरा गर्दै बिदाइ भेटघाट तीव्र पारेकी छन् । मंगलबार सिंहदरबारस्थित परराष्ट्र मन्त्रालयमा पुगेर उनले परराष्ट्रमन्त्री शिशिर खनाल र परराष्ट्र सचिव अमृतबहादुर राईसँग छुट्टाछुट्टै शिष्टाचार बिदाइ भेट गरेकी हुन् । भेटका क्रममा मन्त्री खनाल र सचिव राईले नेपाल र युरोपेली संघबीचको मैत्रीपूर्ण सम्बन्धलाई अझ प्रगाढ बनाउन राजदूत लोरेन्जोले खेलेको कूटनीतिक भूमिका र योगदानको उच्च प्रशंसा गर्दै उनको आगामी कार्यकालको सफलताका लागि शुभकामना व्यक्त गरे । सो अवसरमा राजदूत लोरेन्जोले पनि नेपालमा आफ्नो कार्यकाल सफलतापूर्वक सम्पन्न गर्न सरकार र नेपाली जनताबाट पाएको अपार सद्भाव, सहयोग र सहकार्यप्रति हार्दिक आभार प्रकट गरेकी छिन्…

काठमाडौँ । मकवानपुरको भीमफेदीमा भएको जिप दुर्घटनामा गम्भीर घाइते भएकी उच्च अदालत वीरगन्जका रजिष्ट्रार तारादत्त बडुकी श्रीमती लक्ष्मी बडुको उपचारका क्रममा ज्यान गएको छ । काठमाडौँबाट वीरगञ्जतर्फ जाँदै गरेको प्रदेश ३–०१–००२ झ ५१८३ नम्बरको स्कारपियो मंगलबार बिहान भीमफेदी गाउँपालिका-६ जुरीखेतमा अनियन्त्रित भई सडकबाट करिब ५० देखि ६० मिटर तल खोल्सामा खसेको थियो । दुर्घटनामा परेर गम्भीर घाइते भएकी ४९ वर्षीया बडुलाई नेपाली सेनाको हेलिकप्टरमार्फत उद्धार गरी काठमाडौँस्थित सैनिक अस्पताल छाउनी ल्याइएको थियो । बिहान करिब १० बजे अस्पताल पुर्‍याइएकी उनको उपचारकै क्रममा साढे १० बजे मृत्यु भएको प्रहरीले जनाएको छ । सवारीमा सवार उच्च अदालत वीरगन्जका मुख्य न्यायाधीश गोकर्ण डाँगी,…

काठमाडौँ । राष्ट्रिय स्वतन्त्र पार्टी (रास्वपा) ले पार्टीभित्र ‘मेरिटोक्रेसी’ र योग्य नेतृत्वको खोजी गर्ने लक्ष्यका साथ ‘क्यान्डिडेट क्लब’को औपचारिक सुरुवात गरेको छ । सोमबार आयोजित एक कार्यक्रमका बीच रास्वपा सभापति रवि लामिछानेले क्लबको आधिकारिक लोगो सार्वजनिक गर्दै उक्त नयाँ अवधारणाबारे जानकारी गराएका हुन् । राजनीतिक दलहरूले दस्तावेज, सिद्धान्त र नारामा जति सुकै आदर्श प्रस्तुत गरे पनि व्यवहारमा त्यो लागू हुन नसकेको स्वीकार गर्दै लामिछानेले रास्वपाले फरक राजनीतिक अभ्यास थालेको दाबी गरे । विचार र सिद्धान्तलाई समाजमा पूर्ण रूपमा स्थापित गर्न केही समय लाग्ने उल्लेख गर्दै उनले संसद् वा सरकारमा पुग्नु मात्रै राजनीतिक दलको पूर्णता नभएको स्पष्ट पारे । राजनीतिक क्षेत्रमा…

पोखरा । पोखरा महानगरपालिकाले ग्यासको अभाव चुलिँदै गएपछि नगरवासीलाई विकल्पका रूपमा विद्युतीय चुल्हो वितरण गर्न थालेको छ । वडा नम्बर २२ का दुई सय परिवारलाई पहिलो चरणमा चुल्हो उपलब्ध गराइएसँगै महानगर क्षेत्रमा स्वच्छ र स्वदेशी ऊर्जाको प्रयोग प्रवर्द्धन गर्ने अभियान सुरु भएको हो । महानगर प्रमुख धनराज आचार्यले स्थानीयवासीलाई विद्युतीय चुल्हो हस्तान्तरण गर्दै ग्यासको परनिर्भरता हटाउन र स्वदेशी विद्युत्‌को खपत बढाउन यो कदम चालिएको बताए । वैकल्पिक ऊर्जा प्रवर्द्धन केन्द्रको ७० प्रतिशत र उपभोक्ताको ३० प्रतिशत लागत साझेदारीमा तयार पारिएको यो कार्यक्रमअन्तर्गत कालाबाङ र भुम्दीसहित पाँच टोलका बासिन्दा लाभान्वित भएका छन् । वडाध्यक्ष हिमलाल बरालका अनुसार आगामी दिनमा यस वडामा…

काठमाडौँ । सरकारी कागजात तथा सेवालाई नागरिकको घरदैलोसम्मै पुर्‍याउने लक्ष्यसहित सरकारले सञ्चालनमा ल्याएको ‘सरकारी कुरियर सेवा’ देशका ७७ वटै जिल्लामा विस्तार भएको छ । हिमाली जिल्ला हुम्लास्थित जिल्ला प्रशासन कार्यालय र जिल्ला हुलाक कार्यालयबीच साउन २९ गते नागरिकका कागजात ओसारपसार गर्नेसम्बन्धी सम्झौता भएसँगै यो सेवाले पूर्णता पाएको हो । शासकीय सुधारको १०० दिने कार्यसूचीअनुसार हुलाक प्रणालीलाई प्रविधिमैत्री र आधुनिक बनाउँदै सेवाग्राहीको घरसम्म सेवा पुर्‍याउने प्रयास थालिएको हुलाक सेवा विभागले जनाएको छ । विभागको पछिल्लो तथ्याङ्कअनुसार भदौ १ गतेसम्म साढे दुई लाखभन्दा बढी राहदानी हुलाकमार्फत सम्बन्धित जिल्ला प्रशासन कार्यालयसम्म पुर्‍याइएको छ भने आठ हजारभन्दा बढी राहदानी सिधै नागरिकको घरमै हस्तान्तरण भइसकेको…

काठमाडौँ । आज सङ्घीय संसदका पाँच विषयगत समितिको बैठक बस्दैछ । प्रतिनिधि सभा अन्तर्गतको कृषि तथा प्राकृतिक स्रोत समितिको बैठक बिहान साढे ९ बजे तय गरिएको छ । उक्त बैठकमा कृषि, वन तथा पर्यावरण मन्त्रालयद्वारा गठित मानव–वन्यजन्तु द्वन्द्व व्यवस्थापन प्राविधिक कार्यदलले तयार पारेको प्रतिवेदनमाथि छलफल गर्ने कार्यसूची छ । त्यस्तै, प्रतिनिधि सभाकै पूर्वाधार विकास समितिको बैठक बिहान १० बजे बस्दैछ । बैठकमा स्वतन्त्र ऊर्जा उत्पादकहरूको संस्था (इप्पान) र ऊर्जा क्षेत्रका उत्पादकहरूले भोग्नुपरेका समस्याबारे छलफल हुनेछ । राष्ट्रिय सभातर्फ विधायन व्यवस्थापन समितिको बैठक बिहान साढे ११ बजेका लागि बोलाइएको छ । राष्ट्रिय सभाकै सार्वजनिक नीति तथा प्रत्यायोजित विधायन समितिको बैठक बिहान…

काठमाडौँ । प्रतिनिधि सभाको बैठक आज बिहान ११ बजे बस्दैछ । संघीय संसद सचिवालयका अनुसार बैठकमा विभिन्न मन्त्रालयसँग सम्बन्धित मौखिक प्रश्नको उत्तर सम्बन्धित मन्त्रीहरूले दिने मुख्य कार्यसूची तय गरिएको छ । आजको बैठकमा विशेषगरी परराष्ट्र, ऊर्जा, जलस्रोत तथा सिँचाइ, संस्कृति, पर्यटन तथा नागरिक उड्डयन र कृषि, वन तथा वातावरण मन्त्रालयसँग सम्बन्धित प्रश्नहरूबारे छलफल हुनेछ । यसैगरी, प्रधानमन्त्रीका तर्फबाट कानुन, न्याय तथा संसदीय मामिला मन्त्रीले ‘थारु आयोगको सातौँ वार्षिक प्रतिवेदन (२०८१ साउनदेखि २०८२ असारसम्म)’ सभासमक्ष पेस गर्ने कार्यक्रम छ । बैठकमा परराष्ट्र मन्त्रीले ‘राहदानी (पहिलो संशोधन) विधेयक, २०८३’ र कानुन मन्त्रीले ‘मेलमिलाप सम्बन्धी (दोस्रो संशोधन) विधेयक, २०८३’ माथि विचार गरियोस् भन्ने…

काठमाडौँ । हिन्दू धर्मावलम्बीहरूले आज देशभर धार्मिक श्रद्धाका साथ कल्की जयन्ती मनाउँदै छन् । वैदिक सनातन परम्परा अनुसार हरेक वर्ष श्रावण शुक्ल सप्तमीका दिन यो पर्व मनाउने गरिन्छ । शास्त्रहरूका अनुसार कल्कीलाई भगवान् विष्णुको दशौँ तथा भावी अवतारका रूपमा पूजा-आजा गरिन्छ । धार्मिक ग्रन्थहरूमा उल्लेख भएअनुसार कलियुगको अन्तिम समयमा जब संसारभर अधर्म, हिंसा, अत्याचार र लुटपाट चरम सीमामा पुग्नेछ, तब दुष्टहरूको विनाश गरी धर्मको पुनरुत्थान गर्न कल्की अवतारको प्राकट्य हुनेछ । पण्डित बालमुकुन्द देवकोटाका अनुसार कल्की अवतारले पापी र अधर्मीहरूको अन्त्य गरेसँगै कलियुगको समाप्त भई पुनः सत्य युगको सुरुवात हुने धार्मिक मान्यता रहेको छ । विभिन्न पुराणहरूमा वर्णन गरिएअनुसार सम्भल…

काठमाडौँ । जल तथा मौसम विज्ञान विभाग अन्तर्गतको मौसम पूर्वानुमान महाशाखाले हाल देशैभर मनसुनी वायुको प्रत्यक्ष प्रभाव कायम रहेको जनाएको छ । महाशाखाका अनुसार मनसुनको न्यून चापीय रेखा नेपालको पश्चिम भागमा सरदर स्थानभन्दा केही उत्तरतर्फ र पूर्वी भागमा सरदर स्थान वरपर नै अवस्थित रहेको छ । अहिले देशभरको आकाश सामान्यतया बादलले ढाकिएको अवस्था छ । लुम्बिनी, कर्णाली र सुदूरपश्चिम प्रदेशका केही भू-भागका साथै कोशी, बागमती र गण्डकी प्रदेशका एक-दुई स्थानमा हल्कादेखि मध्यमसम्म वर्षा भइरहेको महाशाखाले बताएको छ । आज दिउँसो पनि देशभरको मौसम बदली रहने अनुमान गरिएको छ । हिमाली क्षेत्रका केही स्थानमा चट्याङ्ग र मेघगर्जनसहित मध्यम वर्षा तथा हिमपातको…

बुटवल । लुम्बिनी प्रदेशका मुख्यमन्त्री चेतनारायण आचार्यले प्रदेश सभाबाट बहुमतसहित विश्वासको मत प्राप्त गरेका छन् । सोमबार आयोजित प्रदेश सभाको बैठकमा मुख्यमन्त्री आचार्यद्वारा प्रस्तुत विश्वासको मतसम्बन्धी प्रस्तावको पक्षमा ४५ सांसदले मतदान गरेका हुन् । कुल ८३ सदस्यीय प्रदेश सभामा सरकार टिकाइराख्न वा स्पष्ट बहुमत सिद्ध गर्न ४२ मतको आवश्यकता पर्दथ्यो । प्रस्तावको विपक्षमा भने २६ जना सांसदले मत खसालेका छन् । सत्ता पक्षीय गठबन्धन र सत्ता साझेदार दलहरू नेकपा एमाले, नेपाली कम्युनिष्ट पार्टी, राष्ट्रिय जनमोर्चा तथा जनता समाजवादी पार्टी (जसपा) नेपालले मुख्यमन्त्री आचार्यलाई समर्थन जनाएका हुन् । जसपा नेपालको केन्द्रीय समितिले सरकारलाई मत नदिन आधिकारिक निर्देशन जारी गरेता पनि लुम्बिनीका…