Author: khaptadm-admin

काठमाडौँ । घरेलु बजारमा बिहीबार सुन तथा चाँदीको मूल्यमा उल्लेख्य वृद्धि दर्ता भएको छ । नेपाल सुनचाँदी व्यवसायी महासङ्घका अनुसार आज सुनको भाउ अघिल्लो दिनको तुलनामा प्रतितोला ९ हजार ३ सय रुपैयाँले बढेर ३ लाख १३ हजार ४ सय रुपैयाँ पुगेको छ । यसअघि बुधबार सुन प्रतितोला ३ लाख ४ हजार १ सय रुपैयाँमा कारोबार भएको थियो । यसैगरी चाँदीको मूल्यमा पनि बढोत्तरी आएको छ। महासङ्घको विवरणअनुसार बिहीबार चाँदी प्रतितोला २६० रुपैयाँले बढेर ४ हजार ८ सय ५५ रुपैयाँ कायम भएको छ । बुधबार भने चाँदी प्रतितोला ४ हजार ५ सय ९५ रुपैयाँमा खरिदबिक्री भएको थियो ।

दाङ । दाङको घोराहीमा ट्याक्टर र अटो रिक्सा एकआपसमा ठोक्किँदा एक जनाको ज्यान गएको छ भने दुई जना घाइते भएका छन् । घोराही उपमहानगरपालिका–७ बेसाहीस्थित सडकखण्डमा सौडियारबाट सर्रातर्फ आउँदै गरेको रा १ त ३७०९ नम्बरको ट्याक्टर र घोराहीबाट बसन्तपुरतर्फ जाँदै गरेको लु.प्र. ०२–००१ ह १९२९ नम्बरको अटो एकापसमा जुधेका हुन् । दुर्घटनामा गम्भीर घाइते भएका अटो चालक घोराही–५ बसन्तपुरका ४५ वर्षीय विनोद पौडेलको उपचारका क्रममा बाँकेस्थित मेडिकल कलेज, कोहलपुरमा मृत्यु भएको प्रहरीले जनाएको छ । दुर्घटनामा घाइते भएका अन्य दुई जनाको अवस्था भने मध्यम रहेको छ । उनीहरूको स्थानीय स्वास्थ्य संस्थामा उपचार भइरहेको छ । प्रहरीले ट्याक्टर र त्यसका चालक…

काठमाडौँ । सरकारी निकायहरूमा स्वदेशी वस्तु र सेवाको प्रयोग बढाउन प्रधानमन्त्री तथा मन्त्रिपरिषद्को कार्यालयले कडा निर्देशन जारी गरेको छ । प्रधानमन्त्री बालेन्द्र शाहको निर्देशन तथा स्वदेशी उद्यमीहरूसँगको परामर्शपछि सबै सार्वजनिक निकायहरूलाई नेपाली उत्पादनलाई नै पहिलो प्राथमिकता दिन आग्रह गरिएको हो । सार्वजनिक खरिद ऐन, २०६३ र विद्यमान कानुनी व्यवस्थाको पूर्ण कार्यान्वयन गराउँदै राष्ट्रिय अर्थतन्त्रमा आन्तरिक उत्पादनको योगदान बढाउन यो कदम चालिएको हो । सरकारको यो निर्णयले आयात प्रतिस्थापन, स्थानीय सीप र उद्यमको संरक्षणका साथै स्वदेशमै रोजगारी सिर्जनामा महत्त्वपूर्ण योगदान पुग्ने विश्वास लिइएको छ । पत्रअनुसार अबदेखि संघीय मन्त्रालय, आयोग, प्रदेश सरकार, स्थानीय तह र विदेशस्थित नेपाली नियोगहरूले बैठक, समारोह, उपहार…

काठमाडौँ । मन्त्रिपरिषद्को बुधबार बसेको बैठकले नेपाल राष्ट्र बैंकको खाली रहेको डेपुटी गभर्नर पदमा दीर्घ रावललाई चयन गरेको छ । राष्ट्र बैंकमा लामो समयदेखि रिक्त रहेको स्थानमा सरकारले यो निर्णय गरेको हो । यसअघि २०८२ फागुन २५ गतेदेखि राष्ट्र बैंकमा दुवै डेपुटी गभर्नरका पद खाली भएका थिए । त्यसपछि सरकारले गत चैत २४ गते किरण पण्डितलाई एक डेपुटी गभर्नरमा मनोनयन गरे पनि दोस्रो पद भने रिक्त नै छाडेको थियो । राष्ट्र बैंक ऐन अनुसार गभर्नरले गर्ने सिफारिसका आधारमा मन्त्रिपरिषद्ले डेपुटी गभर्नर नियुक्ति गर्ने कानुनी प्रावधान छ । नवनियुक्त डेपुटी गभर्नर रावल हाल राष्ट्र बैंकमै कार्यकारी निर्देशकका साथै बैंक सुपरिवेक्षण विभागको…

काठमाडौँ । संघीय संसद अन्तर्गत आज विभिन्न नौ वटा संसदीय समितिका बैठकहरू बस्दैछन् । जसअनुसार प्रतिनिधि सभा तर्फ आठ र राष्ट्रिय सभा तर्फ एक समितिको छलफल तय भएको छ । आज बिहान ११ बजेदेखि प्रतिनिधि सभाका तीन वटा समिति—अर्थ समिति, राज्य व्यवस्था तथा सुशासन समिति र अन्तर्राष्ट्रिय सम्बन्ध तथा पर्यटन समितिको बैठक सुरु हुने कार्यसूची छ । यस्तै बिहान १० बजेदेखि उद्योग तथा वाणिज्य र श्रम तथा उपभोक्ता हित समिति, कृषि तथा प्राकृतिक स्रोत समिति, पूर्वाधार विकास समिति, शिक्षा, स्वास्थ्य तथा सूचना प्रविधि समिति र सार्वजनिक लेखा समितिका बैठकहरू सुरु भइसकेका छन् । उता राष्ट्रिय सभातर्फ भने विधायन व्यवस्थापन समितिको…

काठमाडौँ । मनसुनी वायुको प्रभावका कारण देशभरको मौसम आंशिकदेखि साधारणतया बदली भएको छ । जल तथा मौसम विज्ञान विभाग अन्तर्गतको मौसम पूर्वानुमान महाशाखाका अनुसार मनसुनको न्यून चापीय रेखा हाल सरदर स्थानको आसपास अवस्थित छ । सुदूरपश्चिमको तराईका साथै मुलुकका पहाडी भू-भागमा मेघ गर्जनसहित बादल लागेको छ भने कोशी, बागमती, गण्डकी, लुम्बिनी र मधेश प्रदेशका तराई क्षेत्रमा आंशिक बदली छ । अहिले बागमती, कोशी, गण्डकी, लुम्बिनी र कर्णालीका थोरै ठाउँहरूमा हल्कादेखि मध्यम वर्षा भइरहेको छ । सुदूरपश्चिमका एक-दुई स्थानमा पनि वर्षा दर्ज गरिएको महाशाखाले जनाएको छ । दिउँसो देशभर साधारणतया बदली रही हिमाली तथा पहाडी भेगका धेरैजसो स्थानमा चट्याङ्ग र मेघगर्जनसहित…

काठमाडौँ । सरकारले वर्षायाममा बढी भएर खेर गइरहेको बिजुलीको उपयोग बढाउन विद्युत महसुल घटाउने तयारी थालेको छ । ऊर्जा, जलस्रोत तथा सिँचाइ मन्त्री विराजभक्त श्रेष्ठको प्रस्तावमा प्राधिकरणले गत साउन १३ गते विद्युत् महसुल दर पुनरावलोकन समिति गठन गरेको थियो । सोही समितिले अहिले उपभोक्ता तथा उद्योगहरूलाई लक्षित गरी सहुलियत दरमा विद्युत उपलब्ध गराउन आवश्यक गृहकार्य अगाडि बढाएको हो । नेपाल विद्युत प्राधिकरण सञ्चालक समितिका सदस्य अंशुकिरण शाहीको संयोजकत्वमा गठित उक्त समितिमा ऊर्जा मन्त्रालय, नेपाल उद्योग वाणिज्य महासंघ, ऊर्जा विज्ञ, उपभोक्ता अधिकारकर्मी तथा वित्त विज्ञहरू समेटिएका छन् । बर्खामा बिजुली खेर जाँदा प्राधिकरणले ठूलो वित्तीय घाटा व्यहोर्नु परेकाले आन्तरिक खपत बढाउन…

काठमाडौँ । सरकारले प्रारम्भिक बालविकास सहजकर्ता, विद्यालय कर्मचारी र विद्यालय सहयोगीको पारिश्रमिकमा प्रतिमहिना ५ हजार रुपियाँ वृद्धि गर्ने निर्णय गरेको छ । बुधबार बसेको मन्त्रिपरिषद् बैठकका निर्णय सार्वजनिक गर्दै सरकारका प्रवक्ता एवं शिक्षामन्त्री सस्मित पोखरेलले उक्त जानकारी दिएका हुन् । बैठकले माध्यमिक र आधारभूत तहमा शिक्षण सहयोग अनुदान कोटामा कार्यरत शिक्षकको तलब सम्बन्धित श्रेणीको सुरु तलब बराबर कायम गर्ने निर्णय पनि गरेको छ । यस्तै जापान सरकारबाट त्रिभुवन अन्तर्राष्ट्रिय विमानस्थलको एयर ट्राफिक कन्ट्रोल सुधार परियोजनाका लागि प्राप्त हुने करिब २ अर्ब ७३ करोड रुपियाँ अनुदान सहायता स्वीकार गर्ने निर्णय भएको छ । साउदी अरेबियासँग द्विपक्षीय हवाई सेवा सम्झौता गर्न र…

काठमाडौँ । नेपाल आयल निगमले आयात सहज रहेको दाबी गरेता पनि स्थानीय खुद्रा पसलहरूमा खाना पकाउने ग्यास लिन सर्वसाधारण घन्टौँ लाइन बस्न बाध्य भएका छन् । कोटेश्वर–३२ स्थित सेतीओपी मार्गमा रहेको एक खुद्रा पसलअघि बिहानैदेखि सिलिन्डर बोकेर आउने उपभोक्ताको लामो लाइन देखिएको छ । स्थानीय स्तरका खुद्रा पसलहरूमा पर्याप्त मात्रामा ग्यास सिलिन्डर नपुग्दा र आपूर्ति अनिश्चित बन्दा सर्वसाधारण नागरिकता वा अन्य प्रमाण बोकेर घन्टौँ पालो पर्खिन बाध्य छन् । ग्यास डिपोहरूमा पुग्न नसक्ने र नजिकैको किराना तथा खुद्रा पसलमा निर्भर रहने स्थानीय उपभोक्ताले ग्यास आउनासाथ पसलअघि भीड लाग्ने दृश्यले बजारमा ग्यास वितरण व्यवस्थित हुन नसकेको देखाउँछ । फोटो: टेरेन्स महतो

काठमाडौँ । सुदूरपश्चिम प्रदेशका मुख्यमन्त्री खगराज भट्टले प्रदेशसभाबाट विश्वासको मत प्राप्त गर्नुभएको छ । बुधबार भएको प्रदेशसभा बैठकमा मुख्यमन्त्री भट्टद्वारा पेस गरिएको विश्वासको मतसम्बन्धी प्रस्तावको पक्षमा ३१ र विपक्षमा १५ मत परेको हो । कुल ४६ सांसद सहभागी मतविभाजनबाट विश्वासको मत पाएलगत्तै सरकार विस्तारको तयारी थालिएको छ । हाल नेकपा (एमाले)का तर्फबाट तीन मन्त्री र एक राज्यमन्त्री सरकारमा सहभागी भइसकेका छन् भने अब नेपाल कम्युनिस्ट पार्टी (नेकपा)को भागमा परेका तीन मन्त्री र दुई राज्यमन्त्री नियुक्त गर्ने योजना बनाइएको छ । केन्द्रीय सत्ता गठबन्धनको सहमतिअनुसार साउन २९ गते मुख्यमन्त्री नियुक्त हुनुभएका भट्टलाई प्रदेशसभामा नेकपा र एमालेको स्पष्ट बहुमतले समर्थन गरेको छ…