Author: khaptadm-admin

सुर्खेत । कर्णाली प्रदेशको राजनीतिक समीकरणमा नयाँ मोड आएको छ र यहाँ नेतृत्व फेरबदलको प्रक्रिया अघि बढेको छ । प्रदेश प्रमुख यज्ञराज जोशीले नेपालको संविधानको धारा १६८ को उपधारा (२) बमोजिम नयाँ सरकार गठनका लागि प्रदेशसभा सदस्यहरूलाई साउन १२ गते अपराह्न ५ बजेसम्मको समयसीमा दिएर दाबी पेस गर्न आह्वान गरेका छन् । शनिबार मुख्यमन्त्री यामलाल कँडेलले दिएको राजीनामा प्रदेश प्रमुखबाट स्वीकृत भएलगत्तै यो आह्वान गरिएको हो । कँडेलले शनिबार नै प्रदेशसभा बैठकलाई सम्बोधन गर्दै पदबाट राजीनामा दिने घोषणा गरेका थिए र त्यसपछि प्रदेश प्रमुखको कार्यालयमा पुगेर राजीनामा पत्र बुझाएका थिए । कर्णालीमा नयाँ सरकारको नेतृत्वका लागि विभिन्न दलहरूबीच संवाद र…

काठमाडौँ । नेपालले खोपका लागि ग्लोबल अलायन्स (गाभी)लाई बुझाउनुपर्ने तीन लाख आठ हजार २७१ अमेरिकी डलर अब फिर्ता गर्नु नपर्ने भएको छ । स्वास्थ्य तथा खाद्य स्वच्छतामन्त्री निशा मेहताको विशेष पहलपछि उक्त रकम आगामी दिनमा नेपालले प्राप्त गर्ने ‘गाभी ६.०’ कार्यक्रमको बजेटबाटै समायोजन गरिने निर्णय भएको हो । विश्व स्वास्थ्य सभाका क्रममा मन्त्री मेहता र गाभी प्रतिनिधिबीच भएको छलफल तथा नेपाल सरकारले पठाएको औपचारिक प्रस्तावका आधारमा यो सहमति जुटेको स्वास्थ्य तथा खाद्य स्वच्छता मन्त्रालयले जनाएको छ । गाभीले पठाएको पत्र अनुसार यो निर्णय केवल एक पटकका लागि गरिएको विशेष व्यवस्था हो र यसलाई भविष्यका लागि नजिर मान्न सकिने छैन ।…

काठमाडौँ । नेपाल सरकार र संयुक्त राष्ट्रसङ्घले सन् २०२८ देखि २०३२ सम्मको पाँच वर्षका लागि नयाँ ‘संयुक्त राष्ट्रसङ्घीय दिगो विकास सहकार्य रूपरेखा’ (यूएनएसडीसीएफ) तर्जुमा गर्ने कार्य औपचारिक रूपमा अघि बढाएका छन् । राष्ट्रिय योजना आयोगका उपाध्यक्ष डा. गुणाकर भट्ट तथा नेपालका लागि संयुक्त राष्ट्रसङ्घीय आवासीय संयोजक लीला पिटर्स याहियाको सह-अध्यक्षतामा शुक्रबार सम्पन्न यूएनएसडीसीएफ संयुक्त निर्देशक समितिको वार्षिक बैठकले यस्तो निर्णय गरेको हो । बैठकले हाल सञ्चालनमा रहेको कार्यक्रमको उपलब्धि समीक्षा गर्नुका साथै आगामी १८ महिनाका प्राथमिकता र नयाँ सहकार्य रूपरेखा तयार गर्ने मार्गचित्र पारित गरेको छ । नेपालको १६औँ आवधिक योजना र अतिकम विकसित मुलुक (एलडीसी) बाट स्तरोन्नतिपछिको विकास रणनीतिसँग…

काठमाडौँ । सनातन धर्मावलम्बीहरूले आजदेखि चार महिनासम्म चल्ने विशेष आराधना र उपवासको विधिवत् सुरुवात गरेका छन् । आषाढ शुक्ल एकादशीका दिन आज घरघरमा ज्येष्ठ शुक्ल एकादशीमा राखिएको तुलसीको दल (बिरुवा) मोठमा सारेर यो पर्व मनाइँदैछ । वैदिक परम्परामा तुलसीलाई भगवान् विष्णुको रूपमा पूजिने हुनाले आजदेखि कार्तिक शुक्ल एकादशीसम्म यसको विशेष हेरचाह र पूजा आराधना गर्ने गरिन्छ । धर्मशास्त्रविद् एवं नेपाल पञ्चाङ्ग निर्णायक विकास समितिका पूर्व सदस्य प्रा. डा. देवमणि भट्टराईका अनुसार आषाढ शुक्ल एकादशीदेखि कार्तिक शुक्ल एकादशीसम्मको चार महिना भगवान् विष्णु क्षीरसागरमा शयन गर्ने विश्वास गरिने हुनाले यस दिनलाई हरिशयनी एकादशी र यो चार महिनाको अवधिमा गरिने धार्मिकविधिलाई चतुर्मासा भनिन्छ…

काठमाडौँ । स्वास्थ्य बीमा बोर्डको कार्यकारी निर्देशक पदका लागि परेका आवेदनहरूमध्ये १३ जना उम्मेदवारको आवेदन स्वीकृत भएको छ । पदपूर्ति सिफारिस समितिले असार ३ गते प्रकाशित सूचना अनुसार परेका निवेदनहरूको छानबिन गर्दा आवश्यक योग्यता तथा मापदण्ड पुगेका १३ जनाको नामावली स्वीकृत गरेको हो । स्वीकृत भएका उम्मेदवारहरूमा डा. राजेन्द्रकुमार पोखरेल, सुभाष कोइराला, बुद्ध काजी श्रेष्ठ, गंगा प्रसाद जोशी, डा. प्रमोदकुमार यादव, डा. मुक्तिनाथ खनाल, डा. हुमनाथ गैरे, राजन श्रेष्ठ, तुलसीप्रसाद सुवेदी, विमला भट्ट, पारस अधिकारी, रोशनकुमार महतो र उत्तमकुमार कोइराला रहेका छन् ।

काठमाडौँ । रौतहट क्षेत्र नम्बर ४ बाट निर्वाचित प्रतिनिधिसभा सदस्य गणेश पौडेलमाथि भएको कालो मसी प्रहार तथा दुर्व्यवहारको घटनाप्रति राष्ट्रिय स्वतन्त्र पार्टी (रास्वपा) ले कडा आपत्ति जनाएको छ । साउन ७ गते स्थानीय जनतासँगको छलफल सकेर फर्किने क्रममा सांसद पौडेलमाथि गैरराजनीतिक ढङ्गले आक्रमण गरिएको हो । उक्त आपराधिक कदमको घोर भर्त्सना गर्दै रास्वपाका प्रमुख सचेतक कविन्द्र बुर्लाकोटीले विज्ञप्ति जारी गर्नुभएको छ । लोकतन्त्रमा नीतिगत वा वैचारिक असहमति पोख्ने थुप्रै बाटोहरू भए पनि जनप्रतिनिधिमाथि भौतिक दुर्व्यवहार र अपमान गर्नु सभ्य समाजका लागि स्वीकार्य हुन नसक्ने विज्ञप्तिमा उल्लेख छ । रास्वपाले यस्ता अलोकतान्त्रिक गतिविधिले मुलुकको विधिको शासन, शान्तिपूर्ण राजनीतिक थिति र सभ्य…

काठमाडौँ । प्रदेशस्तरमा मिलेर सरकार निर्माण गर्ने समझदारी गरेका नेकपा एमाले र नेपाली कम्युनिस्ट पार्टीका शीर्ष नेतृत्व भागबण्डाको अन्तिम खाका तयार पार्न निर्णायक छलफलमा जुट्दै छन् । एमाले अध्यक्ष केपी शर्मा ओली, नेकपा संयोजक पुष्पकमल दाहाल ‘प्रचण्ड’ र सहसंयोजक माधवकुमार नेपालबीच मन्त्रालय बाँडफाँट र साझेदारीको लिखित मोडालिटी बनाउन वार्ता हुन लागेको हो । पूर्वसहमति अनुसार शुक्रबार नै तय भएको बैठक पुष्पलाल श्रेष्ठ स्मृति दिवसका अवसरमा आयोजित कार्यक्रमका कारण पछाडि धकेलिएको थियो । बागमती प्रदेशका नेकपा अध्यक्ष सरल सहयात्री र एमाले अध्यक्ष ओलीको सचिवालयका अनुसार दुवै दलका प्रमुख नेताहरू दिनहुँजसो संवादमा रहेकाले एक-दुई दिनभित्रै मन्त्रालय र सरकार गठनसम्बन्धी समझदारीले अन्तिम रूप…

काठमाडौँ । चलचित्र ‘बा : एक योद्धा’को मर्मस्पर्शी टिजर सार्वजनिक भएको छ । दिव्यदेव पन्त, झरना थापा र सुहाना थापालगायतका कलाकारहरूको मुख्य अभिनय रहेको यो चलचित्र आगामी भदौ १९ गते कुशे औंसी अर्थात् बुबाको मुख हेर्ने दिनको पूर्वसन्ध्यामा प्रदर्शनमा आउने तयारीमा छ । सार्वजनिक टिजरमा एउटा सुन्दर र हँसिलाे परिवार अचानक घटेको महाविपत्तिका कारण कसरी तहसनहस हुन्छ भन्ने भावनात्मक कथा प्रस्तुत गरिएको छ । रगतले लत्पतिएका मुख्य पात्र दिव्यदेवको दृश्यबाट सुरु हुने टिजरमा सन्तानको उज्ज्वल भविष्यका लागि बुवाले गर्ने त्याग, संघर्ष र जीवनभर झेल्ने चुनौतीहरूलाई जीवन्त रूपमा देखाउने प्रयास गरिएको छ । संगीतकार हरि लम्सालको लेखन तथा पहिलो निर्देशन रहेको…

काठमाडौँ । जल तथा मौसम विज्ञान विभागले देशका विभिन्न भू-भागमा मेघगर्जन र चट्याङसहित वर्षा हुने सम्भावना रहेकाले आवश्यक सतर्कता अपनाउन आग्रह गरेको छ । मनसुनी वायुको प्रभाव सक्रिय रहेकाले आज केही प्रदेशका पहाडी तथा हिमाली भू-भागमा भारी वर्षाको सम्भावना रहेको मौसम पूर्वानुमान महाशाखाले जनाएको छ । हाल मनसुनको न्यून चापीय रेखा पश्चिम क्षेत्रमा सरदरभन्दा उत्तरतर्फ र पूर्वमा सरदर स्थान वरपर अवस्थित छ । यसकै असरले देशभर आंशिकदेखि साधारणतया बदली भई कोशी, बागमती, गण्डकी, लुम्बिनी, कर्णाली र सुदूरपश्चिम प्रदेशका थोरै स्थानहरूमा हल्कादेखि मध्यम वर्षा भइरहेको छ । आज दिउँसो देशभर साधारणतया बदली रहनेछ । पहाडी तथा हिमाली भू-भागका केही स्थान र…

काठमाडौँ । इस्लामाबादमा जारी काभा पुरुष भलिबल च्याम्पियनसिपमा नेपाली राष्ट्रिय टोली पराजित हुने क्रम रोकिएको छैन । प्रतियोगिता अन्तर्गत शुक्रबार भएको आफ्नो तेस्रो खेलमा नेपाल आयोजक पाकिस्तानसँग ३–० को सोझो सेटमा स्तब्ध बनेको हो । पाकिस्तानको घरेलु मैदानमा भएको एकपक्षीय खेलमा नेपाल २५–१४, २५–१८ र २५–१० को फराकिलो अन्तरले पराजित भयो । यस हारसँगै प्रतियोगितामा नेपालले लगातार तेस्रो व्यथा व्यहोर्नुपरेको छ । यसअघि खेलिएका दुवै रोमाञ्चक प्रतिस्पर्धामा नेपाल श्रीलंका र काजकिस्तानसँग समान ३–२ को सेटमा पराजित भएको थियो ।