Author: khaptadm-admin

काठमाडौँ । नेपाल कम्युनिस्ट पार्टी (नेकपा) का संस्थापक महासचिव पुष्पलाल श्रेष्ठको ४८औँ स्मृति दिवस आज देशका विभिन्न स्थानमा विविध कार्यक्रम गरी मनाइँदै छ। नेकपा (एमाले) लगायतका विभिन्न वामपन्थी तथा कम्युनिस्ट घटकहरूले उनको योगदानको स्मरण गर्दै श्रद्धाञ्जली सभा, विचार गोष्ठी एवं स्मृति कार्यक्रमहरू तय गरेका छन्। वि.सं. १९८१ असार १५ गते रामेछापको भँगेरीमा पिता भक्तलाल र आमा तुलसीकुमारीका माहिला छोराका रूपमा जन्मिएका पुष्पलाल सहिद गंगालाल श्रेष्ठका भाइ हुन्। राणाशाही विरुद्धको संघर्षका क्रममा भारतमा निर्वासनमा रहँदा नै उनले नेपालमा वामपन्थी राजनीतिको जग बसालेका थिए। मार्क्सवादी विचारधारालाई नेपाली भूमिमा स्थापित गर्न ठूलो योगदान दिएका पुष्पलालले कार्ल मार्क्स र फ्रेडरिक एंगेल्सद्वारा लिखित ऐतिहासिक ‘कम्युनिस्ट…

काठमाडौँ । आइसिसी क्रिकेट विश्वकप लिग-२ अन्तर्गतको त्रिदेशीय सिरिजमा नेपालले आज घरेलु टोली नेदरल्यान्ड्सको सामना गर्दैछ । सिरिजको दोस्रो खेलमा प्रतिस्पर्धा गर्न लागेका नेपाल र नेदरल्यान्ड्सबीचको यो भिडन्त नेपाली समय अनुसार दिउँसो २:४५ बजेदेखि सुरु हुनेछ। यसअघि खेलिएको पहिलो खेलमा नेपाल नामिबियासँग पराजित भएको थियो भने नेदरल्यान्ड्सका लागि यो सिरिजको पहिलो खेल हो। हालसम्म यी दुई टोलीबीच भएका ५ एकदिवसीय खेलमध्ये नेदरल्यान्ड्सले ३ खेलमा जित निकालेको छ भने नेपालले २ खेल आफ्नो पक्षमा पारेको छ। दुवै देशबीच पछिल्लो पटक सन् २०२५ जुनमा भेट भएको थियो, जहाँ नेपाल १६ रनले विजयी बनेको थियो। नेपाल क्रिकेट सङ्घ (क्यान) ले रोहित पौडेलको कप्तानीमा…

काठमाडौँ । देशको स्वास्थ्य प्रणालीमा आयुर्वेद तथा वैकल्पिक चिकित्सा पद्धतिको पहुँच बढाउनका लागि नयाँ रणनीति अपनाइने भएको छ । बुधबार स्वास्थ्य तथा खाद्य स्वच्छता मन्त्री निशा मेहताको उपस्थितिमा आयोजित उच्चस्तरीय बैठकमा यस क्षेत्रको सुधार, सेवा विस्तार र नीतिगत व्यवस्थापनबारे गहन मन्थन भएको हो । बैठकमा आयुर्वेद सेवालाई अझ प्रभावकारी बनाउँदै आम नागरिकको पहुँचमा पुर्‍याउने, राष्ट्रिय स्वास्थ्य प्रणालीसँग एकीकृत गर्ने र नेपाललाई अन्तर्राष्ट्रिय आयुर्वेदिक पर्यटनको आकर्षक गन्तव्यका रूपमा स्थापित गर्ने विषयमा विशेष जोड दिइयो । सो अवसरमा मन्त्री मेहताले आयुर्वेद र वैकल्पिक चिकित्सा सरकारको प्राथमिकतामा परेको स्पष्ट पार्नुभयो । नेपाल आयुर्वेदको ऐतिहासिक उद्गमस्थल भएकाले यसको संरक्षण र प्रवर्द्धन गर्दै स्वास्थ्य पर्यटनसँग…

काठमाडौँ । आज बसेको मन्त्रिपरिषद् बैठकका प्रमुख निर्णयहरू सरकारले सार्वजनिक गरेको छ । सरकारका प्रवक्ता तथा शिक्षामन्त्री सस्मित पोखरेलले मन्त्रिपरिषद्का निर्णयहरूबारे जानकारी गराउनुभएको हो । मन्त्रिपरिषद् बैठकले विशेष अदालतको अध्यक्षमा उच्च अदालत तुलसीपुरका न्यायाधीश वासुदेव आचार्य र श्रम अदालतको अध्यक्षमा उच्च अदालत सुर्खेतका न्यायाधीश दिपेन्द्र अधिकारीलाई तोक्ने निर्णय गरेको छ । यसैगरी, गुठी संस्थानको प्रशासक पदमा शैलेन्द्रराज कुँवरलाई नियुक्त गरिएको छ । पोखरा र गौतम बुद्ध अन्तर्राष्ट्रिय विमानस्थलबाट हुने अन्तर्राष्ट्रिय उडानलाई प्रोत्साहन गर्न सरकारले २०८५ साल भदौ मसान्तसम्मका लागि ल्यान्डिङ, पार्किङ र नेभिगेसन शुल्कमा पूर्ण छुट तथा ग्राउन्ड ह्यान्डलिङ शुल्कमा ५० प्रतिशत छुट दिने स्वीकृति दिएको छ । मिटरब्याज पीडितहरूसँग…

काठमाडौँ । सरकारी स्वामित्वमा सञ्चालित नेपाल औषधि लिमिटेडको सेवा प्रवाह र उत्पादन क्षमता वृद्धि गर्न सरकारले पहल थालेको छ । उद्योग, वाणिज्य तथा आपूर्ति मन्त्री गौरिकुमारी यादवले बबरमहलस्थित लिमिटेडको कार्यालयमै पुगेर त्यहाँको वस्तुस्थिति, उत्पादन क्षमता र भोगिरहेका समस्याबारे प्रत्यक्ष जानकारी लिनुभएको हो । मन्त्रालयका सचिव नारायणप्रसाद शर्मा दुवाडीसहित उच्च अधिकारीहरू सहभागी अनुगमनका क्रममा लिमिटेडका महाप्रबन्धक कैलाश पनेरुले हाल २५ प्रकारका अत्यावश्यक औषधि उत्पादन भइरहेको तर ढुवानीका साधन नहुँदा वितरणमा समस्या परेको बताउनुभयो । विगतको आन्दोलनका क्रममा ढुवानीका साधन जलेपछि नयाँ व्यवस्था हुन नसकेको विषय थाहा पाएलगत्तै मन्त्री यादवले सचिवलाई तत्काल सवारीसाधनको प्रबन्ध मिलाउन निर्देशन दिनुभयो । वर्षौंदेखि घाटामा रहेको यो…

काठमाडौँ । मन्त्रालय र मातहतका सम्पूर्ण निकायमा नतिजामुखी कार्यसंस्कृति बसाल्न सूचना तथा सञ्चारमन्त्री डा. विक्रम तिमिल्सिनाले कडा निर्देशन दिएका छन् । बुधबार मन्त्रालयमा आयोजित कर्मचारी बैठकलाई सम्बोधन गर्दै उनले प्रशासनिक सुधारका साथ चालु आर्थिक वर्षको नीति, कार्यक्रम तथा बजेट चुस्त रूपमा कार्यान्वयन गर्न ताकेता गरेका हुन् । सेवा प्रवाहलाई छिटो र पारदर्शी बनाउन मन्त्री तिमिल्सिनाले समयसीमासहितको नयाँ व्यवस्था लागू गर्न भनेका छन्। अब मन्त्रालयस्तरबाटै टुङ्गिने फाइल एकै दिनमा र अन्य निकायसँग समन्वय गर्नुपर्ने फाइल बढीमा पाँच दिनभित्र निर्णयमा पुर्‍याउनुपर्नेछ। राम्रो काम गर्नेलाई प्रोत्साहन र काममा ढिलासुस्ती गर्नेलाई कारबाही गर्ने परिपाटी बसाल्नुपर्नेमा उनले जोड दिए। कार्यसम्पादनलाई प्रभावकारी बनाउन प्रत्येक शाखाले बिहान…

काठमाडौँ । अध्यागमन विभागको नियन्त्रणमा रहेका चिनियाँ नागरिकलाई रिहा गराइदिने आश्वासन दिएर रकम असुल गरेको अभियोगमा हास्य कलाकार नारद खतिवडासहित तीन जनालाई काठमाडौँबाट नियन्त्रणमा लिइएको छ । सर्लाही घर भई हाल काठमाडौँ बस्दै आएका ५२ वर्षीय खतिवडासँगै ललितपुरको नख्खीपोटबाट अन्य दुई जनालाई प्रहरीले सोमबार पक्राउ गरेको हो । पक्राउ पर्ने अन्य व्यक्तिहरूमा कटारीका विक्रमबहादुर थापा र नवलपरासीका गोपालकुमार गुरुङ रहेका छन् । अध्यागमन विभागले गत असार १२ गते सानेपाबाट नियन्त्रणमा लिएका ९ जना चिनियाँ नागरिक र उनीहरूका १५ वटा राहदानी फिर्ता गराइदिने भन्दै यो समूहले ७२ लाख रुपैयाँ माग गरेको प्रहरी अनुसन्धानबाट खुलेको छ । चिनियाँ नागरिकहरूले माग बमोजिम अग्रिम…

चितवन । बर्डफ्लु सङ्क्रमणका कारण गिरावट आएको अण्डाको मूल्य पुनः वृद्धि हुन थालेको छ । बर्डफ्लुका कारण उत्पादन घट्नु र पछिल्लो समय बजारमा माग बढ्नुले मूल्य उकासिएको हो । नेपाल लेयर्स कुखुरापालक संघका अनुसार ठूला फार्महरूको दरका आधारमा तय गरिएको नयाँ मूल्य आजैदेखि लागू भएको छ । नयाँ मूल्यसूची अनुसार ठूलो अण्डाको मूल्य प्रतिक्रेट ५० रुपैयाँले बढेर ५०० रुपैयाँ पुगेको छ भने मध्यम अण्डाको मूल्य ४७० रुपैयाँ र सानो अण्डाको मूल्य ४१५ रुपैयाँ तय गरिएको छ । संघका अध्यक्ष विनोद पोखरेलका अनुसार दैनिक ४५ लाख गोटा उत्पादन हुँदै आएको अण्डा बर्डफ्लुकै कारण घटेर २८ लाखमा सीमित भएको छ । जेठ…

काठमाडौँ । प्रधानमन्त्री बालेन्द्र शाहको आह्वानमा सरकारका मन्त्रीहरूको भेला आज अपराह्न सिंहदरबारमा आयोजना हुँदैछ । प्रधानमन्त्री तथा मन्त्रिपरिषद्को कार्यालयमा दिउँसो ३ बजेका लागि तय भएको उक्त बैठकको सम्पूर्ण तयारी पूरा भएको प्रधानमन्त्रीको सचिवालयले जानकारी दिएको छ । यस बैठकमा देशको समसामयिक अवस्था र नियमित प्रशासनिक कामकाजका विषयमा आवश्यक छलफल तथा निर्णयहरू हुने जनाइएको छ ।

काठमाडौँ । घरेलु बजारमा निरन्तर उतारचढावका बीच बुधबार सुन र चाँदी दुवैको मूल्यमा उल्लेख्य वृद्धि दर्ता भएको छ । नेपाल सुनचाँदी व्यवसायी महासङ्घका अनुसार आज सुनको मूल्य तोलामा ५ हजार ४ सय रुपैयाँले बढेर प्रतितोला २ लाख ९१ हजार रुपैयाँ पुगेको छ । यसअघि अघिल्लो दिन मङ्गलबार सुन प्रतितोला २ लाख ८५ हजार ६ सय रुपैयाँमा कारोबार भएको थियो । यसैगरी चाँदीको कारोबार मूल्यमा पनि वृद्धि आएको छ । महासङ्घको तथ्याङ्कअनुसार चाँदीको मूल्य तोलामा ११० रुपैयाँले उकालो लाग्दै प्रतितोला ४ हजार ४ सय ८० रुपैयाँ कायम भएको छ । अघिल्लो दिन चाँदी प्रतितोला ४ हजार ३ सय ७० रुपैयाँमा खरिदबिक्री…