प्रधानमन्त्री एवं नेपाली काँग्रेसका सभापति शेरबहादुर देउवा पार्टी संसदीय दलको नेतामा निर्वाचित भएका छन् ।
संसदीय दलको नेता चयनका लागि बुधबार भएको निर्वाचनमा देउवाले ६४ मत ल्याएर विजयी भएको दाबी गरेका छन् ।
पार्टीको महासचिव पदमा दाबी गरेका गगन थापाले २५ मत ल्याएका थिए ।
संसदीय दलको नेताका लागि भएको निर्वाचनमा पार्टीका ८९ नवनिर्वाचित सांसदले मतदान गरेका छन् ।
गगन थापालाई नेता शेखर कोइराला, उपाध्यक्ष धनराज गुरुङ, महामन्त्री विश्वप्रकाश शर्मा, प्रदीप पौडेल लगायतले समर्थन गरेका थिए ।
जितसँगै देउवा नयाँ सरकारमा प्रधानमन्त्रीको उम्मेदवार बन्नेछन् ।
