Author: khaptadm-admin

काठमाडौँ । विश्वकप फुटबल प्रतियोगितामा सहआयोजक क्यानडाले दक्षिण अफ्रिकामाथि रोमाञ्चक जित निकाल्दै पहिलो पटक अन्तिम १६ मा आफ्नो स्थान सुरक्षित गरेको छ । अतिरिक्त समयको दोस्रो मिनेटमा स्टेफेन एउस्ताकियोले पेनाल्टी क्षेत्रबाहिरबाट गरेको उत्कृष्ट प्रहार गोलमा परिणत भएपछि क्यानडाले दक्षिण अफ्रिकालाई १-० ले स्तब्ध पारेको हो । निर्धारित समयसम्म दुवै टोलीबाट गोल हुन नसकेपछि खेल अतिरिक्त समयतर्फ धकेलिएको थियो । यसअघिका विश्वकप संस्करणमा खेलेका सबै ६ खेलमा पराजय भोगेको क्यानडाले जारी प्रतियोगितामा भने आफ्नो ऐतिहासिक प्रदर्शनलाई निरन्तरता दिँदै नकआउट चरणमा पुग्ने पहिलो टोलीको गौरव प्राप्त गरेको छ । अब क्यानडाले क्वार्टरफाइनल प्रवेशका लागि नेदरल्यान्ड्स वा मोरक्कोमध्ये एक टोलीको सामना गर्नेछ ।…

काठमाडौँ । मुलुकभर आज २३औँ राष्ट्रिय धान दिवस तथा रोपाइँ महोत्सव विविध कार्यक्रमका साथ मनाइँदैछ । यस वर्ष ‘जलवायुमैत्री प्रविधि, धानमा आत्मनिर्भता र समृद्धि’ भन्ने मूल नाराका साथ यो दिवस मनाउन लागिएको बाली विकास तथा कृषि जैविक विविधता संरक्षण केन्द्रका प्रमुख केशव देवकोटाले जानकारी दिनुभएको छ । नेपालमा धान उत्पादन बढाएर परनिर्भरता घटाउने र कृषकहरूलाई व्यावसायिक रूपमा प्रोत्साहित गर्ने उद्देश्यले हरेक वर्ष असार १५ गतेलाई उत्सवका रूपमा मनाउने गरिन्छ । सरकारले २०६१ साल मंसिर २९ गतेको मन्त्रिस्तरीय निर्णयबाट यस दिनलाई औपचारिक रूपमा धान दिवस घोषित गरेको थियो । नेपाली संस्कृतिमा आजको दिन रोपाइँ गरेर दही चिउरा खाने विशेष परम्परा समेत…

काठमाडौँ । मुलुकका विभिन्न भू-भागमा मनसुनी वायुको प्रभाव क्रमशः बढ्दै गएको छ । जल तथा मौसम विज्ञान विभागका अनुसार हाल कोशी, मधेश र बागमती प्रदेशका सबै क्षेत्र, गण्डकी प्रदेशका केही भू-भाग तथा लुम्बिनी प्रदेशको पूर्वी क्षेत्रमा मनसुनी वायु सक्रिय रहेको छ । बाँकी रहेका गण्डकी, लुम्बिनी, कर्णाली र सुदूरपश्चिम प्रदेशका भू-भागमा भने आगामी दुई देखि तीन दिनभित्रमा मनसुन प्रणाली भित्रिने सङ्केत देखिएको छ । अहिले ती क्षेत्रमा पश्चिमी र स्थानीय वायुको आंशिक प्रभाव मात्रै रहेको मौसमविद्ले जनाएका छन् । आज दिउँसो देशभरकै आकाशमा बादल लाग्ने अनुमान गरिएको छ । कोशी, बागमती र गण्डकी प्रदेशका पहाडी तथा हिमाली क्षेत्रका अधिकांश स्थानमा…

आजको राशिफल बिस २०८३ असार १५ गते सोमबार ईस २०२६ जुन २९ नेपाल सम्बत ११४६ तछलाथ्व पुन्हि, रौद्र नाम संवत्सर सूर्य उत्तरायण, गृष्म ऋतु, जेठ शुक्ल पूर्णिमा, चन्द्रमा धनु राशिमा, मूल नक्षत्र, शुक्ल योग, विष्टि करण । आज नेपालमा सुर्योदय बिहान ५ बजेर ११ मिनेटमा र सूर्यास्त साँझ ७ बजेर ४ मिनेटमा हुनेछ । आज जन्म लिने बच्चा धनु राशीको हुनेछ । आज असार १५ धान दिवस दहि चिउरा खाएर मनाइदैछ । मेष (चु, चे, चो, ला, लि, लु, ले, लो, अ) – आज आफूले बनाएका योजना व्यवहारमा उतार्ने राम्रो अवसर प्राप्त हुनेछ। कामप्रतिको लगाव र आत्मविश्वासले नयाँ उपलब्धि दिलाउन…

काठमाडौँ । त्रिभुवन अन्तर्राष्ट्रिय विमानस्थलबाट धनगढीका लागि उडेको श्री एयरलाइन्सको विमानमा बीच आकाशमै गम्भीर प्राविधिक गडबडी आएपछि रुपन्देहीको भैरहवामा आकस्मिक अवतरण गरिएको छ । आइतबार अपराह्न करिब ४ बजे उडान भरेको केही समयमै विमानको ककपिट भित्र अचानक धुवाँ निस्किएपछि चालक दलले सुरक्षा सावधानी अपनाउँदै विमानलाई भैरहवातर्फ मोडेका थिए । पाइलटको सतर्कताका कारण विमानलाई गौतम बुद्ध अन्तर्राष्ट्रिय विमानस्थलमा सुरक्षित रूपमा ओराल्न सफल भएको विमानस्थल प्रशासनले जनाएको छ । विमानमा सवार सबै यात्रु र चालक दलका सदस्यहरू पूर्ण रूपमा सुरक्षित रहेका छन् । ककपिटमा कुन कारणले धुवाँ देखिएको हो भन्नेबारे प्राविधिक टोलीले सूक्ष्म अनुसन्धान र परीक्षण सुरु गरिसकेको छ । यसैबीच, भैरहवामा…

काठमाडौँ । नेपालका विभिन्न विश्वविद्यालयहरूमा रिक्त रहेका उपकुलपति पदका लागि उम्मेदवारहरूको अन्तर्वार्ता र कार्ययोजना प्रस्तुतीकरण तीव्र गतिमा अघि बढेको छ । उपकुलपति छनोट तथा सिफारिस समितिले तय गरेको तालिकाअनुसार पूर्वाञ्चल, मध्यपश्चिम र कृषि तथा वन विज्ञान विश्वविद्यालयका सर्टलिस्टमा परेका उम्मेदवारहरूको अन्तर्वार्ता आइतबार एकैसाथ सञ्चालन गरिएको हो । शैक्षिक संस्थाहरूमा कुशल, दूरदर्शी र परिणाममुखी नेतृत्व ल्याउने उद्देश्यका साथ यो प्रक्रिया अघि बढाइएको हो । प्रक्रियालाई पूर्ण रूपमा निष्पक्ष, पारदर्शी र व्यवस्थित बनाउनका लागि प्रत्येक विश्वविद्यालयका लागि छुट्टाछुट्टै विज्ञहरूको प्यानल तयार गरिएको छ, जसमा सम्बन्धित क्षेत्रका लब्धप्रतिष्ठित विज्ञहरू र समितिका सदस्यहरू सहभागी छन् । यसअघि शनिबार मात्रै त्रिभुवन विश्वविद्यालय, सुदूरपश्चिम विश्वविद्यालय र…

काठमाडौँ । जारी फिफा विश्वकप फुटबलको समूह ‘के’ बाट कोलम्बिया शीर्ष स्थान ओगट्न सफल भएको छ । आइतबार बिहान भएको प्रतिस्पर्धामा पोर्चुगलसँग गोलरहित बराबरी खेलेसँगै कोलम्बिया ३ खेलबाट ७ अंक जोड्दै समूह विजेताका रूपमा नकआउट चरणमा प्रवेश गरेको हो । यस्तै, समान खेलबाट ५ अंक जोडेको पोर्चुगल समूहको उपविजेता बन्दै अघिल्लो चरणमा पुग्न सफल भयो । यसै समूहको अर्को रोमाञ्चक खेलमा डिआर कंगोले उज्बेकिस्तानमाथि ३-१ को पुनरागमन जित निकाल्दै नकआउट चरणमा आफ्नो स्थान सुरक्षित गरेको छ । खेलमा सुरुवाती १-० को पछौटेपन उल्ट्याउँदै कंगोले सानदार जित दर्ता गर्‍यो । कंगोको यो जितसँगै दक्षिण कोरिया भने विश्वकपको उपाधि दौडबाट बाहिरिएको छ…

काठमाडौँ । दक्षिण कोरिया चालू फिफा विश्वकप फुटबल प्रतियोगिताको समूह चरणबाटै बिदा भएको छ । समूह ‘ए’ मा रहेकाे दक्षिण कोरियाले आफ्ना तीन खेलबाट मात्र ३ अङ्क जोड्न सकेपछि प्रतियोगितामा उसको यात्रा समाप्त भएको हो । समूह ‘के’ मा रहेको डिआर कंगोले ४ अङ्क बटुल्दै समूहको तेस्रो स्थानमा रहने उत्कृष्ट आठ टोलीभित्र ठाउँ सुरक्षित गरेसँगै दक्षिण कोरियाको अघिल्लो चरण प्रवेश गर्ने गणितीय सम्भावना सकिएको हो । । विश्वकपको समूह चरण अन्तर्गत दक्षिण कोरियाले चेक गणतन्त्रलाई २-१ गोल अन्तरले स्तब्ध पारेको थियो । तर, अन्य दुई खेलमा भने उसले पराजय व्यहोर्नुपर्‍यो । मेक्सिकोसँग १-० गोलले स्तब्ध भएको कोरिया दक्षिण अफ्रिकासँग पनि…

काठमाडौँ । संघीय संसदको तल्लो सदन प्रतिनिधि सभाको बैठक आज आह्वान गरिएको छ । संसद सचिवालयका अनुसार बिहान ११ बजेका लागि तय गरिएको यस बैठकमा महत्वपूर्ण विधेयकहरू र प्रतिवेदन प्रस्तुत गर्ने कार्यसूची रहेको छ । आजको बैठकको सुरुवातमा सभामुखले राष्ट्रपतिको कार्यालयबाट प्राप्त विधेयक प्रमाणीकरण सम्बन्धी पत्र पढेर सुनाउने कार्यक्रम छ । त्यसपश्चात, प्रधानमन्त्री वालेन्द्र शाहको तर्फबाट विज्ञान प्रविधि तथा नवप्रवर्तन मन्त्री महावीर पुनले ‘महालेखा परीक्षकको ६३औं वार्षिक प्रतिवेदन’ सदनसमक्ष पेश गर्नेछन् । मन्त्री पुनले नै ‘सार्वजनिक खरिद (दोस्रो संशोधन) विधेयक, २०८३’ लाई प्रस्तुत गर्न अनुमति माग्ने र उक्त विधेयक सभामा पेश गर्ने कार्यसूची रहेको छ । बैठकमा विभिन्न मन्त्रालयका संशोधन…

काठमाडौँ । मुलुकको पूर्वी र मध्य क्षेत्रमा मनसुनी वायु सक्रिय भइरहँदा सुदूरपश्चिम र लुम्बिनीका पश्चिमी तराई क्षेत्रमा भने अझै केही दिन अत्यधिक गर्मी कायम रहने भएको छ । जल तथा मौसम विज्ञान विभागका अनुसार हाल कोशी, मधेश र बागमती प्रदेशका सबै क्षेत्रमा मनसुनी वायुको प्रभाव छ । गण्डकीको केही र लुम्बिनीको पूर्वी भू-भागमा पनि यसको असर देखिएको छ । बाँकी क्षेत्रमा भने पश्चिमी र स्थानीय वायुको आंशिक प्रभाव रहेकाले आगामी ३-४ दिनभित्रमा मात्र देशैभर मनसुन विस्तार हुने अनुमान गरिएको छ । अहिले सुदूरपश्चिमको तराई क्षेत्रको मौसम सफा रहे पनि अन्य ठाउँमा आंशिक बदली भई कोशी, बागमती र सुदूरपश्चिमका थोरै स्थानमा…