Author: khaptadm-admin

काठमाडौँ । भारत र वेस्ट इन्डिजबीचको पाँचौँ तथा अन्तिम टी–२० अन्तर्राष्ट्रिय क्रिकेट खेल लगातारको वर्षाका कारण रद्द भएको छ । बेङ्गलुरुको एम चिन्नास्वामी रङ्गशालामा हुनुपर्ने शृङ्खलाको निर्णायक मानिएको यो खेल प्रभावित भएसँगै दुवै टोलीले अङ्क बाँडेका छन् । टस जितेर वेस्ट इन्डिजले पहिले बलिङ रोजेको थियो । वर्षा रोकिएपछि मैदानको आधुनिक पानी निकास प्रणालीको मद्दतले खेललाई नौ ओभरमा छोट्याएर सुरु गरिएको थियो । भारतले ७.४ ओभरमा ५ विकेट गुमाउँदै ११८ रन बनाउँदा खेल पुनः वर्षाका कारण रोकियो । डकवर्थ–लुइस–स्टर्न (डीएलएस) पद्धतिअनुसार नतिजा निकाल्न वेस्ट इन्डिजले कम्तीमा ५ ओभर ब्याटिङ गर्नुपर्ने भए पनि थप खेल सम्भव भएन । खेल रद्द भएसँगै भारतको…

सिन्धुली । सिन्धुलीको फिक्कल गाउँपालिका–६ स्थित मध्यपहाडी लोकमार्गबाट जिप सुनकोशी नदीमा खस्दा तीन जनाको घटनास्थलमै मृत्यु भएको छ । काठमाडौँबाट खोटाङतर्फ जाँदै गरेको को १ ज २९७६ नम्बरको जिप आइतबार बिहान करिब २:३० बजे सडकबाट करिब २०० मिटर तल नदीमा खसेको हो । दुर्घटनामा परेर चार जना घाइते भएका छन् भने तीन जना नदीमा बेपत्ता भएका छन् । घाइते हुनेहरूमा जिप चालक ओखलढुंगाका करिब २९ वर्षीय आशिष बिष्ट, खोटाङ दिक्तेलका ३८ वर्षीया सम्झना राई, १२ वर्षीया सिवानी राई र १३ वर्षीय अंकित विक रहेका छन् । घाइतेहरूलाई घुर्मीमा प्रारम्भिक उपचारपछि थप उपचारका लागि सिन्धुली जिल्ला अस्पताल पठाइएको छ । बेपत्ता…

काठमाडौँ । बडादसैँको आठौँ दिन आज घरघरमा तथा विभिन्न शक्तिपीठहरूमा महाकाली, महालक्ष्मी र महासरस्वतीको विशेष पूजाआराधना गरी महाअष्टमी पर्व श्रद्धापूर्वक मनाइँदै छ । दुर्गा भवानीलाई विशेष शक्ति प्राप्त हुने धार्मिक विश्वासका कारण वैदिक सनातन परम्परामा यस दिनलाई विशेष महत्त्वका साथ हेरिन्छ। आजका दिन दसैँघर, कोत र देशभरका प्रसिद्ध देवी मन्दिरहरूमा दुर्गा सप्तशती, श्रीमद्देवीभागवत तथा देवी स्तोत्र पाठ गर्दै महापूजा गर्ने गरिन्छ । धर्मशास्त्रविद्हरूका अनुसार शास्त्रमा सात्विक, राजस र तामस गरी तीन प्रकारका पूजा पद्धतिको उल्लेख छ, जसमध्ये पशु बलिसहित गरिने पूजालाई राजस र मदिरासमेत चढाइने पूजालाई तामस मानिन्छ । ब्राह्मणहरूका लागि भने पशु बलि तथा कालरात्रि पूजा वर्जित गरिएको छ…

आजको राशिफल बिस २०८३ कार्तिक १ गते आइतबार ईस २०२६ अक्टोबर १८ नेपाल सम्बत ११४६ कौलाथ्व अष्टमी, रौद्र नाम संवत्सर सूर्य दक्षिणायन, शरद ऋतु, असोज कृष्ण पक्ष अष्टमी, चन्द्रमा धनु राशिमा, पूर्वाषढा नक्षत्र, सूकर्मा योग, वणिज करण । आज नेपालमा सुर्योदय बिहान ६ बजेर ०६ मिनेटमा र सूर्यास्त साँझ ५ बजेर ३४ बजे हुनेछ । आज जन्म लिने बच्चा धनु राशीको हुनेछ । मेष (चु, चे, चो, ला, लि, लु, ले, लो, अ) आज काममा सक्रियता बढ्नेछ र जिम्मेवारी पूरा गर्न नयाँ उत्साह मिल्नेछ। लामो समयदेखि अन्योलमा रहेको विषयमा निर्णय लिन सहज हुन सक्छ। व्यापारमा ग्राहकसँगको सम्बन्ध सुधारिनेछ, तर…

काठमाडौँ । उत्तरी छिमेकी मुलुक चीनसँग जोडिएको तातोपानी भन्सार नाका आगामी कात्तिक १ देखि ३ गतेसम्म तीन दिनका लागि सञ्चालनमा आउने भएको छ । उद्योग, वाणिज्य तथा आपूर्ति मन्त्रालयले जारी गरेको सूचनानुसार सो अवधिभर चीनतर्फ रोकिएका तथा आयात-निर्यातका लागि तयारी अवस्थामा रहेका मालवाहक सवारीसाधनलाई मात्र आवतजावतको अनुमति दिइनेछ । दशैँ तथा आगामी चाडपर्वलाई लक्षित गर्दै सामान ढुवानी सहज बनाउन मन्त्रालयले यो अल्पकालीन व्यवस्था गरेको जनाएको छ ।

काठमाडौँ । राष्ट्रिय स्वतन्त्र पार्टी (रास्वपा) ले आफ्ना नेता तथा कार्यकर्ताहरूलाई आगामी बडादसैँ, तिहार, नेपाल संवत् तथा छठ पर्वका अवसरमा आयोजना हुने कार्यक्रमहरूमा कुनै पनि किसिमको उपहार आदानप्रदान नगर्न कडा निर्देशन दिएको छ । पार्टीका महामन्त्री विपिनकुमार आचार्यले आज एक शुभकामना सन्देश जारी गर्दै रास्वपाले स्थापनाकालदेखि नै चाडपर्वका अवसरमा भौतिक उपहार लिनेदिने परिपाटीलाई निरुत्साहित गर्दै आएको स्पष्ट पार्नुभयो । उहाँले राजनीतिमा सर्वसाधारण नागरिकको सद्भाव, आशीर्वाद र अगाध विश्वास नै सबैभन्दा ठूलो उपहार हुने उल्लेख गर्नुभयो । चाडपर्वको वास्तविक मर्म निःस्वार्थ प्रेम, सद्भाव र आपसी आत्मीयता साटासाट गर्नु रहेको उहाँको भनाइ छ । सुसंस्कृत एवं पारदर्शी राजनीतिक संस्कार निर्माण गर्ने अभियानमा…

काठमाडौँ । नेपाली कांग्रेसको १५औँ महाधिवेशनबाट भारी मतका साथ विजयी भएका नवनिर्वाचित सभापति गगन थापाले पद तथा गोपनीयताको शपथ ग्रहण गरेका छन् । शनिबार सानेपास्थित पार्टी केन्द्रीय कार्यालयमा आयोजित एक समारोहका बीच थापाले शपथ लिँदै आफ्नो पदबहाली समेत गरेका हुन् । विशेष समारोहका बीच सम्पन्न उक्त कार्यक्रममा उपस्थित हुनका लागि कांग्रेस केन्द्रीय कार्यालयले काठमाडौँ उपत्यकामा उपलब्ध पार्टीका शीर्ष नेता, कार्यकर्ता तथा सञ्चारकर्मीहरूलाई औपचारिक निमन्त्रणा पठाएको कार्यवाहक मुख्यसचिव कृष्णप्रसाद दुलालले जानकारी दिए । सभापतिको पदबहालीसँगै नवनिर्वाचित केन्द्रीय समितिका अन्य पदाधिकारी तथा सदस्यहरूको शपथ ग्रहण कार्यक्रम भने बडादसैँपछि मात्र आयोजना गरिने पार्टीले जनाएको छ । हालै सम्पन्न महाधिवेशनबाट कुल २३१ सदस्यीय नयाँ…

काठमाडौँ । दसैँको अवसर पारेर बहुप्रतीक्षित नयाँ नेपाली चलचित्र ‘छ माया छपक्कै २’ शनिबारदेखि देशभरका सिनेमा घरहरूमा प्रदर्शनमा आएको छ । सामान्यतया नेपालमा नयाँ चलचित्रहरू शुक्रबार रिलिज हुने चलन भए पनि चाडपर्व परेकाले यस पटक शनिबार परेको फूलपातीका दिन पारेर चलचित्र हलमा ल्याइएको हो । देशभरका मल्टिप्लेक्स तथा सिंगल स्क्रिनहरूमा यस चलचित्रले उल्लेख्य शोहरू पाएको छ । यद्यपि अघिल्लो दिन अर्थात् शुक्रबारदेखि नै प्रदर्शनमा आएका ‘आबाट आमा २’ र ‘१२ गाउँ २’ चलिरहेकाले शोहरू केही बाँडिएका छन् । दीपेन्द्र लामाको निर्देशनमा बनेको यो चलचित्र ‘आमा सरस्वती मुभिज’, ‘रोहित अधिकारी फिल्म्स’ र ‘आईएमई’को संयुक्त व्यानरमा तयार भएको हो । चलचित्रको कथा…

काठमाडौँ । नेपाली कांग्रेसको १५औँ महाधिवेशनबाट सभापति पदमा विजयी बनेका गगन थापाले आज पद तथा गोपनियताको शपथ लिनुका साथै जिम्मेवारी सम्हाल्ने भएका छन् । पार्टीका कार्यवाहक मुख्यसचिव कृष्णप्रसाद दुलालले दिएको जानकारीअनुसार ललितपुरस्थित बीपी नगरमा रहेको कांग्रेस केन्द्रीय कार्यालय (बीपी स्मृति भवन) मा आज दिउँसो २ बजे शपथ ग्रहण तथा पदबहालीको विशेष कार्यक्रम तय गरिएको छ । महाधिवेशनअन्तर्गत सभापति पदको अन्तिम मतगणना शुक्रबार दिउँसो सम्पन्न भएपछि नवनिर्वाचित सभापतिले आजै पदभार ग्रहण गर्न लागेका हुन् । महाधिवेशनबाट चुनिएका अन्य पदाधिकारी तथा केन्द्रीय कार्यसमितिका सदस्यहरूको शपथ अनि पदबहाली भने आगामी दशैँपछि मात्र गरिने जानकारी दिइएको छ ।

काठमाडौँ । विश्वकप लिग-२ अन्तर्गतको ओमान सिरिजमा नेपालले आज क्यानडाको सामना गर्दैछ । लगातार दुई खेल जितेर उच्च मनोबलमा रहेको नेपाली टोली आजको खेलमा पनि जितको लय कायम राख्ने दाउमा छ । ओमानस्थित अल अमेरात क्रिकेट स्टेडियममा हुने यो खेल नेपाली समय अनुसार बिहान ११:१५ बजेदेखि सुरु हुनेछ । प्रतियोगिताको यस सिरिजमा क्यानडाले भने दुई खेल खेल्दा एक जित र एक हारको नतिजा निकालेको छ । विश्वकप छनोटको सोझो यात्राबाट बाहिरिइसकेको नेपालका लागि अहिले मुख्य चुनौती एकदिवसीय मान्यता जोगाउनु हो । लिग-२ को अंकतालिकामा शीर्ष छ भित्र पर्ने टोलीको एकदिवसीय मान्यता स्वतः कायम रहने भएकाले नेपालका लागि बाँकी खेलहरू निकै…