Author: khaptadm-admin

काठमाडौँ । पश्चिम नेपालका दुई महत्त्वपूर्ण विमानस्थलको स्तरोन्नति र विकासका लागि नेपाल नागरिक उड्डयन प्राधिकरण (क्यान) ले सम्भाव्यता अध्ययन सुरु गर्ने भएको छ । संस्कृति, पर्यटन तथा नागरिक उड्डयनमन्त्री खडकराज पौडेलले दाङको टरिगाउँ र मुगुको रारा विमानस्थलको दीर्घकालीन विकास एवम् विस्तारसम्बन्धी अध्ययन अघि बढाउन क्यानका पदाधिकारीहरूलाई औपचारिक निर्देशन दिएका हुन् । मन्त्री पौडेलसहितको टोलीले गत असोज २१ देखि २६ गतेसम्म नेपालगञ्ज, दाङ, रारा र जुम्ला विमानस्थलको स्थलगत निरीक्षण तथा अवलोकन भ्रमण गरेको थियो । भ्रमणलगत्तै बिहीबार मन्त्रालयमा आयोजित छलफलका क्रममा मन्त्री पौडेलले दुवै विमानस्थलको पूर्वाधार, प्राविधिक सम्भाव्यता र सञ्चालन क्षमता बढाउने उपायबारे अध्ययन गर्न निर्देशन दिएका हुन् । क्यानका महानिर्देशक…

काठमाडौँ । नेपाल र सुडानबीचको द्विपक्षीय सम्बन्धका साथै बहुपक्षीय हितका विषयमा मन्त्रालयमा महत्त्वपूर्ण छलफल भएको छ । परराष्ट्रमन्त्री शिशिर खनालसँग नेपालका लागि सुडानका गैरआवासीय राजदूत मोहम्मद अब्दल्ला अली एल्टोमले शिष्टाचार भेटवार्ता गर्नुभएको हो । भेटका क्रममा दुई देशबीचको आपसी सम्बन्धलाई थप सुदृढ बनाउने तथा सहकार्यका सम्भावित नयाँ क्षेत्रहरूको पहिचान गर्ने विषयमा कुराकानी भएको मन्त्रालयले जनाएको छ । साथै, दुवै पक्षले साझा चासोका विविध विषयहरूमा विचार आदानप्रदान गर्नुभएको थियो ।

काठमाडौँ । नेपालीहरूको महान् चाड बडादसैँ नजिकिएसँगै काठमाडौँ उपत्यका छाडेर घर फर्किने यात्रुको सङ्ख्या ह्वात्तै बढेको छ । घटस्थापनादेखि यता दुई लाख ६२ हजारभन्दा बढी यात्रुले उपत्यका छाडिसकेका छन् । काठमाडौँ उपत्यका ट्राफिक प्रहरी कार्यालयका अनुसार घटस्थापनादेखि हालसम्म ३७ हजार ९६४ वटा सवारीसाधनमार्फत कुल २ लाख ६२ हजार ७५३ जना यात्रु बाहिरिएका छन् । बाहिरिनेमा १ लाख १५ हजार ८६ जना महिला र १ लाख ६१ हजार १६७ जना पुरुष रहेका छन् । अध्ययन, रोजगारी तथा विभिन्न पेसा-व्यवसायका लागि काठमाडौँमा रहँदै आएका सर्वसाधारण जन्मथलो फर्किन थालेपछि नयाँ तथा पुराना बसपार्क र मुख्य नाकाहरूमा यात्रुको बाक्लो उपस्थिति देखिएको छ । उपत्यकाका…

काठमाडौँ । नीति निर्माणलाई तथ्य र अनुसन्धानमा आधारित नबनाएसम्म राष्ट्रिय लक्ष्य हासिल गर्न नसकिने नेकपा एमालेका अध्यक्ष केपी शर्मा ओलीले स्पष्ट पारेका छन् । देशको सामाजिक, आर्थिक, राजनीतिक र वातावरणीय अवस्थाको गहिरो अध्ययन गरेर मात्र आगामी बाटो तय गर्नुपर्नेमा उनले जोड दिएका छन् । एमालेको नीति अध्ययन तथा अनुसन्धान प्रतिष्ठानको वेबसाइट शुभारम्भ गर्दै अध्यक्ष ओलीले हचुवाका भरमा बनाइने नीतिले कुनै नतिजा नदिने बताए । पार्टीका सबै विषयगत विभागहरूलाई अध्ययनका आधारमा मात्र आ-आफ्नो क्षेत्रको नीति तय गर्न उनले निर्देशन दिएका छन् । वर्तमान समस्या सुल्झाउनुका साथै भविष्यको आवश्यकतालाई ध्यानमा राखेर कृषि, पूर्वाधार, अर्थतन्त्र र परराष्ट्र नीतिमा दीर्घकालीन खाका कोरिनुपर्ने उनको भनाइ…

काठमाडौँ । शीतल निवासमा आयोजित एक विशेष समारोहका बीच राष्ट्रपति रामचन्द्र पौडेललाई आदिवासी जनजाति आयोगको नयाँ प्रतिवेदन हस्तान्तरण गरिएको छ । आयोगका अध्यक्ष रामबहादुर थापा मगरले आर्थिक वर्ष २०८२/८३ को वार्षिक कार्यप्रगति विवरण समेटिएको प्रतिवेदन राष्ट्रपति पौडेलसमक्ष प्रस्तुत गर्नुभएको हो । नेपालको संविधानको धारा २९४ मा रहेको व्यवस्था अनुसार आयोगले आफ्नो वार्षिक प्रतिवेदन पेश गरेको जानकारी राष्ट्रपति कार्यालयका सहायक प्रवक्ता धर्मराज गैरेले दिनुभएको छ ।

काठमाडौँ । नेपालमा जलवायु परिवर्तनका कारण निम्तिएको विनाशकारी असर र आसन्न अन्तर्राष्ट्रिय जलवायु सम्मेलनमा देशको कूटनीतिक तयारीबारे संसदीय समितिमा बहस हुने भएको छ । सङ्घीय संसद् सचिवालय (भवन नम्बर २, दोस्रो तला) मा आज दिउँसो १ बजे राष्ट्रिय सभा अन्तर्गतको विकास, आर्थिक मामिला तथा सुशासन समितिको बैठक बोलाइएको छ । उक्त बैठकमा बढ्दो जलवायु सङ्कटले मुलुकमा पुर्‍याएको क्षति, जलवायु अनुकूलनका लागि गर्नुपर्ने कूटनीतिक पहल तथा रणनीतिबारे गहन छलफल हुने कार्यसूची तय गरिएको छ । विषयको गम्भीरतालाई ध्यानमा राख्दै समितिले छलफलका लागि राष्ट्रिय प्रकृति संरक्षण कोषका प्रतिनिधिहरूलाई समेत बैठकमा उपस्थित हुन पत्राचार गरेको छ ।

काठमाडौँ । बडादशैँको पाँचौँ दिन असोज शुक्ल पञ्चमीका अवसरमा आज देशभर नवदुर्गामध्येकी पाँचौँ देवी स्कन्दमाताको श्रद्धापूर्वक पूजा आराधना गरिँदै छ । ज्ञानशक्ति र कर्मशक्तिका प्रतीक मानिने भगवान् कार्तिकेय (स्कन्द) की आमा भएकाले यी देवीलाई स्कन्दमाताका रूपमा पुज्ने परम्परा छ । व्यवहारिक ज्ञानलाई सत्कर्ममा रूपान्तरण गर्न प्रेरणा दिने दैवीशक्तिका रूपमा यिनको विशेष महत्त्व रहेको मानिन्छ । पहेंलो वर्णकी स्कन्दमाता पद्मासनमा विराजमान भई हातमा कमलको फूल लिएकी रूपमा चित्रित छन् । शिव तत्व, इच्छा, ज्ञान र क्रियाशक्तिको संगम मानिने यी देवीको उपासना गर्नाले सन्तान प्राप्ति हुनुका साथै धर्ती उर्वर र सम्पन्न हुने धार्मिक विश्वास छ । पूजाका लागि शुद्ध ठाउँमा जलपूर्ण कलश…

काठमाडौँ । नेपालमा पश्चिमी र मनसुनी वायुको आंशिक असर कायम रहँदा मुलुकका पहाडी तथा हिमाली भू-भागमा बदली र वर्षाको सम्भावना देखिएको छ । जल तथा मौसम विज्ञान विभागअन्तर्गतको मौसम पूर्वानुमान महाशाखाका अनुसार तराई क्षेत्रको मौसम भने सफा रहनेछ । महाशाखाका अनुसार आज दिउँसो उच्च पहाडी र हिमाली क्षेत्रमा साधारण बदली हुनेछ भने मध्य पहाडी भागमा आंशिक रूपमा बादल लाग्नेछ । गण्डकी, लुम्बिनी, कर्णाली र सुदूरपश्चिमका हिमाली तथा पहाडी भेगका केही स्थानमा मेघगर्जन र चट्याङसहित मध्यम वर्षा एवं हिमपातको अनुमान गरिएको छ । त्यस्तै, कोशी र बागमती प्रदेशका हिमाली र पहाडी भू-भागका एक-दुई स्थानमा समेत हल्कादेखि मध्यम वर्षा र हिमपात हुनसक्छ।…

आजको राशिफल बिस २०८३ असोज २९ गते विहिबार ईस २०२६ अक्टोबर १५  नेपाल सम्बत ११४६ कौलाथ्व पञ्चमी, रौद्र नाम संवत्सर सूर्य दक्षिणायन, शरद ऋतु, असोज कृष्ण पक्ष पञ्चमी, चन्द्रमा वृश्चिक राशिमा, ज्येष्ठा नक्षत्र, सौभाग्य योग, बव करण । आज नेपालमा सुर्योदय बिहान ६ बजेर ०४ मिनेटमा र सूर्यास्त साँझ ५ बजेर ३७ बजे हुनेछ । आज जन्म लिने बच्चा वृश्चिक राशीको हुनेछ । मेष (चु, चे, चो, ला, लि, लु, ले, लो, अ) आज आफ्नो क्षमता र अनुभवलाई नयाँ अवसरसँग जोड्ने समय छ। कार्यक्षेत्रमा महत्वपूर्ण जिम्मेवारी आउन सक्छ, जसलाई योजनाबद्ध रूपमा सम्हाल्दा वरिष्ठ व्यक्तिको विश्वास जित्न सकिनेछ। व्यापारमा नयाँ…

काठमाडौँ । तीनदिने औपचारिक भ्रमण पूरा गरी गृहमन्त्री सुधन गुरुङ भारतबाट स्वदेश फर्किएका छन् । बहुक्षेत्रीय प्राविधिक तथा आर्थिक सहयोगका लागि बंगालको खाडीको प्रयास (बिमस्टेक) का गृहमन्त्रीस्तरीय पहिलो बैठकमा भाग लिन उनी नयाँदिल्ली पुगेका थिए । गृह मन्त्रालय र नयाँदिल्लीस्थित नेपाली दूतावासका अनुसार भ्रमणका क्रममा गृहमन्त्री गुरुङले बिमस्टेक बैठकमा महत्त्वपूर्ण सहभागिता जनाएका छन् । गृहमन्त्रीको कार्यभार सम्हालेपछिको यो उनको पहिलो विदेश भ्रमण हो । भ्रमणकै अवसरमा असोज २७ गते भारतीय गृहमन्त्री अमित शाहसँग द्विपक्षीय भेटवार्ता गर्ने पूर्वनिर्धारित कार्यसूचीसमेत रहेको थियो ।