Author: khaptadm-admin

काठमाडौँ । कृत्रिम बुद्धिमत्ता (एआई) को अत्यधिक प्रयोगले मानिसको मौलिक सोच्ने, बुझ्ने र तर्क गर्ने क्षमतामा गम्भीर असर पुर्‍याउन थालेको भन्दै अनुसन्धानकर्ताहरूले चिन्ता व्यक्त गरेका छन् । एआईले केही सेकेन्डमै जटिल समस्याको समाधान उपलब्ध गराउन थालेपछि विशेष गरी विद्यार्थी वर्गमा आफैँ विश्लेषण गर्ने अभ्यास घट्दै गएको निष्कर्ष निकालिएको छ । विश्वभर एआईको प्रयोग तीव्र भइरहँदा यसले बौद्धिक क्षमतामा पार्ने दीर्घकालीन प्रभावबारे बहस चर्किएको छ । पेकिङस्थित छिङह्वा विश्वविद्यालयका शिक्षा अनुसन्धानकर्ता लिक्सियाङ यानका अनुसार विद्यार्थीहरूले गृहकार्य वा प्रश्नको उत्तरका लागि पूर्ण रूपमा एआईमा निर्भर हुने परिपाटीले उनीहरूको आफैँ समाधान खोज्ने अवसर खोसिरहेको छ । यसैलाई मध्यनजर गर्दै ‘नेचर’ पत्रिकामा प्रकाशित अध्ययन…

काठमाडौँ । संयुक्त राष्ट्रसंघको ८१औँ महासभामा भाग लिएर प्रधानमन्त्री वालेन्द्र शाह आज (शनिबार) अपराह्न स्वदेश फर्कन लागेका छन् । उनी दिउँसो काठमाडौँ ओर्लिने कार्यक्रम रहेको छ । प्रधानमन्त्रीको स्वदेश आगमनलगत्तै परराष्ट्र मन्त्रालयले दिउँसो ३: ४५ बजे विमानस्थलमै पत्रकार सम्मेलन गरी भ्रमणबारे विस्तृत जानकारी गराउने भएको छ । महासभामा सहभागी हुन गत मङ्गलबार साँझ अमेरिका पुगेका प्रधानमन्त्री शाहले असोज ८ गते राष्ट्रसंघीय मञ्चबाट सम्बोधन गरेका थिए । सम्बोधनका क्रममा उनले नेपालका प्राथमिकता, अन्तर्राष्ट्रिय सहकार्य र विश्वव्यापी चासोका विषयमा देशको स्पष्ट दृष्टिकोण राखेका थिए । विशेषगरी भोटेकोशी र त्रिशूलीमा आएको भीषण बाढीलाई जलवायु परिवर्तनको असरका रूपमा औंल्याउँदै उनले हिमाली क्षेत्रमा उत्पन्न जोखिमप्रति…

डोल्पा । अविरल वर्षासँगै गएको पहिरोका कारण भिरबाट खसेको ढुंगाले लागेर रावलबाडामा एक पुरुषको ज्यान गएको छ भने अर्का एक जना घाइते भएका छन् । त्रिपुरासुन्दरी नगरपालिका–७ स्थित रावलबाडाका ३३ वर्षीय मनरुप केसी र ३८ वर्षीय चन्द्ररुप केसी शुक्रबार राति बगर हरेलखोलामा रहेको गाईगोठमा सुतिरहेका थिए । सोही क्रममा माथि भिरबाट वर्षाका कारण खसेको ढुंगाले उनीहरूलाई लागेको हो । ढुंगाको चोटका कारण मनरुप केसीको घटनास्थलमै ज्यान गएको जिल्ला प्रहरी कार्यालय डोल्पाले पुष्टि गरेको छ । घटनामा घाइते भएका चन्द्ररुप केसीको ढाडमा चोट लागेको र उनको अवस्था हाल सामान्य रहेको प्रहरीले जनाएको छ । घटनाबारे जानकारी पाउनासाथ जिल्ला प्रहरी कार्यालय डोल्पाबाट…

काठमाडौँ । एसियाली खेलकुदअन्तर्गत पुरुष क्रिकेटको अन्तिम आठमा नेपालले आफ्नो स्थान सुरक्षित गरेको छ । समूह ‘ए’ अन्तर्गत जापानसँगको अन्तिम खेल वर्षाका कारण प्रभावित भई रद्द भएपछि नेपाल तालिकाको शीर्ष स्थानमा रहँदै क्वाटरफाइनल प्रवेश गरेको हो । खराब मौसमका कारण १५ ओभरमा छोट्याइएको उक्त म्याचमा टस हारेर पहिले ब्याटिङको निम्तो पाएको नेपालले ४ विकेटको क्षतिमा १४९ रनको योगफल तयार पारेको थियो । नेपालले प्रस्तुत गरेको लक्ष्य पछ्याउँदै जापानले दोस्रो इनिङ्स सुरु नै गर्न नपाई लगातार पानी परेपछि खेल अगाडि बढ्न सकेन । अन्ततः दुवै टोलीले १–१ अंक बाँडेका छन् । यससँगै ३ अंक जोडेको नेपाल समूह विजेता बन्दै क्वाटरफाइनल पुग्यो…

आजको राशिफल बिस २०८३ असोज १० गते शनिबार ईस २०२६ सेप्टेम्बर २६ नेपाल सम्बत ११४६ ञलाथ्व पुन्हि, रौद्र नाम संवत्सर सूर्य दक्षिणायन, शरद ऋतु, भाद्र शुक्ल पक्ष पुर्णिमा, चन्द्रमा कुम्भ राशिमा, पूर्वभाद्रपदा नक्षत्र, गण्ड योग, विष्टि करण । आज नेपालमा सुर्योदय बिहान ५ बजेर ५४ मिनेटमा र सूर्यास्त साँझ ५ बजेर ५८ बजे हुनेछ । आज जन्म लिने बच्चा कुम्भ राशीको हुनेछ । मेष (चु, चे, चो, ला, लि, लु, ले, लो, अ) शनिको प्रभावले आज काममा थप जिम्मेवारी लिनुपर्ने अवस्था आउन सक्छ। सुरुमा बोझिलो लागे पनि यही जिम्मेवारीले भविष्यमा नयाँ अवसरको आधार तयार गर्नेछ। व्यापारमा धैर्य राखेर ग्राहक…

काठमाडौँ । जापानको आइची–नागोया प्रिफेक्चरमा जारी २०औँ एसियाली खेलकुद (एसियाड) को पदक तालिकामा एसियाली खेलकुदको महाशक्ति चीनले आफ्नो दबदबालाई निरन्तरता दिएको छ । पछिल्लो प्राप्त नतिजा अनुसार चीन ९८ स्वर्ण, ३७ रजत र २४ कांस्यसहित कुल १५९ पदक हासिल गर्दै तालिकाको शीर्ष स्थानमा सुरक्षित देखिएको छ । प्रतियोगितामा आयोजक राष्ट्र जापान २८ स्वर्ण, ४३ रजत र ४४ कांस्य गरी ११५ पदक बटुलेर दोस्रो स्थानमा छ । दक्षिण कोरिया १३ स्वर्ण, १७ रजत र ३४ कांस्यसहित ६४ पदक जित्दै तेस्रो स्थानमा कायम रहेको छ । मध्य एसियाली मुलुक कजाकिस्तान ८ स्वर्ण, ८ रजत र १४ कांस्यसहित कुल ३० पदकका साथ चौथो…

मकवानपुर । अविरल वर्षाका कारण कुलेखानी जलविद्युत् आयोजनाको जलाशयमा पानीको सतह बढ्दै गएपछि तल्लो तटीय क्षेत्रमा उच्च सुरक्षा सतर्कता अपनाउन अपिल गरिएको छ । इन्द्रसरोवर गाउँपालिका तथा नेपाल विद्युत् प्राधिकरण कुलेखानी केन्द्रले सम्भावित जोखिम कम गर्न स्थानीय बासिन्दालाई सजग रहन आग्रह गरेका हुन् । जल तथा मौसम विज्ञान विभागले असोज ९ देखि ११ गतेसम्म भारी वर्षाको पूर्वानुमान गरेबमोजिम केही दिनयता यस क्षेत्रमा निरन्तर पानी परिरहेको छ । गाउँपालिकाका अनुसार आज अपराह्न ४ बजेसम्मको तथ्यांक हेर्दा कुलेखानी ड्याममा पानीको सतह १ हजार ५२३ दशमलव ३४ मिटर पुगेको छ । यो सतह सुरक्षाका दृष्टिकोणले अझै सामान्य र नियन्त्रित अवस्थामै रहेको स्पष्ट पारिएको…

काठमाडौँ । जापानमा सञ्चालन भइरहेको २०औँ एसियाली खेलकुदअन्तर्गत पुरुष क्रिकेट विधामा नेपालले विजयी सुरुआत गरेको छ । कोरोगी स्पोर्ट्स पार्क, निशिनमा सम्पन्न रोमाञ्चक भिडन्तमा नेपालले प्रतिस्पर्धी टोली अफगानिस्तानमाथि पाँच विकेटको जित निकालेको हो । टस जितेर पहिले ब्याटिङ रोजेको अफगानिस्तानले २० ओभरमा ७ विकेट गुमाउँदै १०२ रनको योगफल खडा गरेको थियो । १०३ रनको मध्यम लक्ष्य पछ्याएको नेपाली टोलीले १७.२ ओभरमै ५ विकेट गुमाएर जित हासिल गर्‍यो । नेपालको जितमा सन्दीप जोराले ३५ बलमा ३ चौका र १ छक्काको मद्दतले सर्वाधिक ३४ रनको योगदान दिए । यस्तै, टोलीका कप्तान रोहितकुमार पौडेलले ३३ रनको अविजित इनिङ्स खेले भने दीपेन्द्रसिंह ऐरीले १५…

काठमाडौँ । अविरल वर्षाका कारण मनोहरा खोलामा आएको बाढीले आसपासका बस्ती उच्च जोखिममा परेका बेला गृहमन्त्री सुधन गुरुङ स्थलगत निरीक्षणका लागि च्यासल पुगेका छन् । नेकपा एमालेको केन्द्रीय कार्यालय नजिकै खोलाको सतह खतराको विन्दुभन्दा माथि पुगेपछि उनले सो क्षेत्रको प्रत्यक्ष अवलोकन गरेका हुन् । अनुगमनका क्रममा गृहमन्त्री गुरुङले स्थानीय सुरक्षा निकाय तथा उद्धार टोलीसँग बाढीको वर्तमान स्थिति र नागरिकको सुरक्षाका लागि लिइएका उपायबारे विस्तृत जानकारी लिए । उनले सम्भावित जोखिम न्यूनीकरण गर्न र आपतकालीन उद्धार कार्यलाई तयारी अवस्थामा राख्न सुरक्षाकर्मीहरूलाई निर्देशनसमेत दिएका छन् ।

काठमाडौँ । देशभर बदलिएको मौसम र खराब दृश्यताका कारण त्रिभुवन अन्तर्राष्ट्रिय विमानस्थलबाट हुने आन्तरिक हवाई उडान व्यापक रूपमा प्रभावित बनेका छन् । विमानस्थल कार्यालयका अनुसार प्रतिकूल मौसमका कारण विभिन्न गन्तव्यतर्फका उडानहरू रद्द हुनाका साथै केही समयका लागि स्थगित वा ढिलाइ भएका हुन् । हवाई सेवा प्रभावित भएपछि वायुसेवा कम्पनीहरूले यात्रुहरूलाई घरबाट निस्कनुअघि नै आफ्नो उडानको अद्यावधिक स्थिति जाँच गर्न आग्रह गरेका छन् । मोबाइल एप वा वेबसाइटमार्फत उडान तालिमको पछिल्लो अवस्था बुझेर मात्रै यात्रा गर्न र सडक यातायातमा समेत ढिलाइ हुन सक्ने भएकाले समयमै विमानस्थलतर्फ प्रस्थान गर्न सम्बन्धित निकायको सुझाव छ ।