Author: khaptadm-admin

काठमाडौँ । तीन वर्षीया बालिका गरिमा चौधरीमाथि भएको जघन्य अपराधको घटनामा निष्पक्ष र प्रभावकारी अनुसन्धान भइरहेको गृहमन्त्री सुदन गुरुङले बताएका छन् । घटनाप्रति गहिरो दुःख व्यक्त गर्दै गृहमन्त्री गुरुङले यो पीडा एउटा परिवारको मात्र नभई सम्पूर्ण समाजको भएको उल्लेख गरेका छन् । नागरिक तथा महिलाहरूमा देखिएको आक्रोशलाई सरकारले गम्भीरताका साथ लिएको र पहिलो दिनदेखि नै गृह प्रशासन अनुसन्धानमा सक्रिय रहेको उनले स्पष्ट पारेका छन् । अनुसन्धानमा कुनै पनि त्रुटि नहोस् भन्दै आरोपितहरूलाई तत्काल पक्राउ गरिएको र प्रारम्भिक चरणमा प्रहरीबाट भएको भनिएको लापरवाहीबारे पनि छानबिन प्रक्रिया अघि बढाइएको उनले जानकारी दिएका छन् । संविधानको धारा १६ (२) ले मृत्युदण्डसम्बन्धी कानुन बनाउन…

ललितपुर । महालक्ष्मी नगरपालिका–८ लुभुस्थित नरकट्टेमा नम्बर प्लेट नलिइएको ‘अन टेस्ट’ विद्युतीय हाइस अनियन्त्रित भई दुर्घटनामा परेको छ । दुर्घटनामा गाडी चालकसहित चार जना घाइते भएका छन् भने तीमध्ये दुई जनाको अवस्था चिन्ताजनक रहेको प्रहरीले जनाएको छ । गाडी एक्कासि नियन्त्रण बाहिर गएर स्थानीय एक घरको मूल ढोकामा ठोक्किन पुगेको थियो । त्यसलगत्तै गेटनजिकै पार्क गरी राखिएको बा १८ च ९२८८ नम्बरको कारसँग ठोक्किँदा कारमा सामान्य क्षति पुगेको छ । दुर्घटनामा परेर गाडी चालक महालक्ष्मी–८ लुभु निवासी २६ वर्षीय अखिल राजथला गम्भीर घाइते भएका छन् । उनको अहिले किस्ट अस्पतालमा उपचार भइरहेको छ । त्यसैगरी महालक्ष्मी–७ चागाथलीका २५ वर्षीय आशिष…

काठमाडौँ । नेपाली चलचित्र क्षेत्रमा लामो समयदेखि सङ्गीतकारका रूपमा पहिचान बनाएका हरि लम्सालको निर्देशनमा बनेको पहिलो चलचित्र ‘बा : एक योद्धा’को आधिकारिक ट्रेलर सार्वजनिक भएको छ । काठमाडौँमा आयोजित एक विशेष कार्यक्रमका बीच निर्माण टोलीले ट्रेलर बाहिर ल्याएको हो । सन्तानको उन्नत भविष्य र खुसीका लागि बुवाले जीवनभर गर्ने त्याग, अनवरत सङ्घर्ष र दिएको बलिदानलाई ट्रेलरमा मुख्य विषयवस्तु बनाइएको छ । हुर्काएर योग्य बनाउने आमाबाबु र जन्मभूमिलाई समेत बिर्सिने पछिल्लो पुस्ताको सामाजिक प्रवृत्तिलाई चलचित्रले उजागर गर्न खोजेको देखिन्छ । आफ्ना सन्तानका लागि घरसमेत बिक्री गर्न तयार हुने बुवा र उनै सन्तानबाट भोग्नुपरेको पीडापछि उत्पन्न हुने पारिवारिक सङ्कटलाई कथाले समेटेको छ…

काठमाडौँ । निरन्तरको जलवर्षाका कारण देशका पहाडी तथा हिमाली जिल्लाहरू जोड्ने प्रमुख राजमार्ग र सडक खण्डहरू अस्तव्यस्त बनेका छन् । केही स्थानमा बाढी र पहिरोले सडक पूर्ण रूपमा थप्प पारेको छ भने सम्भावित जोखिम टार्न केही सडकमा रात्रिकालीन यातायात सञ्चालनमा अंकुश लगाइएको छ । नेपाल प्रहरीको पछिल्लो तथ्याङ्क अनुसार बागमती, कोशी, गण्डकी, लुम्बिनी र कर्णाली प्रदेशका १० जिल्लामा सडक आवागमन नराम्ररी प्रभावित भएको छ । काभ्रे, नुवाकोट र मकवानपुरका संवेदनशील राजमार्गमा रातिको समयमा सावारी चलाउन निषेध गरिएको छ भने सिन्धुपाल्चोकको अरनिको राजमार्ग र पाल्पाको सिद्धार्थ राजमार्गसहितका प्रमुख मार्गहरूमा पहिरो खसेर गाडी ठप्प भएका छन् । यात्रालाई सुरक्षित बनाउन प्रहरीले अति…

काठमाडौँ । साउदी प्रो लिगमा अल नासरले अल रियाधमाथि ४-० को सहज जित निकालेको छ । शुक्रबार राति भएको खेलमा दोस्रो हाफमा उत्कृष्ट पुनरागमन गर्दै टोलीले लिगमा लगातार दोस्रो जित हात पारेको हो । पहिलो हाफ बराबरीमा सकिए पनि दोस्रो हाफमा अल नासरले आक्रामक खेल पस्कियो । टोलीका लागि अब्दुल्लाह अल अम्री, जोआओ फेलिक्स, आन्जेलो गाब्रिएल र क्रिस्टियानो रोनाल्डोले एक-एक गोल गरे । बेन्चबाट मैदान प्रवेश गरेका रोनाल्डोले मैदान छिरेको २१ मिनेटभित्रै गोल गर्दै नयाँ सिजनको सुखद सुरुआत गरे । यस गोलसँगै रोनाल्डोको व्यावसायिक खेलजीवनको कुल गोल संख्या ९७७ पुगेको छ र उनी ऐतिहासिक १,००० गोलको कीर्तिमानबाट अब मात्र २३…

काठमाडौँ । धार्मिक आस्था वा विचारका कारण हिंसा भोग्न बाध्य पारिएका व्यक्तिहरूको पीडा र स्मृतिलाई सम्मान गर्दै हरेक वर्ष अगस्ट २२ तारिखमा अन्तर्राष्ट्रिय दिवस मनाउने गरिन्छ । यस्ता घटनाबाट प्रभावित व्यक्ति र उनीहरूका परिवारलाई आवश्यक राहत, न्याय र सहायता उपलब्ध गराउन संसारभर ध्यान आकर्षण गराउने ध्येयका साथ यो दिवस तय गरिएको हो । विचार, अभिव्यक्ति, शान्तिपूर्ण भेला र सङ्गठन निर्माणजस्ता मौलिक अधिकारहरू एक-अर्कासँग अभिन्न रूपमा जोडिएका हुन्छन् । मानव अधिकारको विश्वव्यापी घोषणापत्रले समेत सुनिश्चित गरेका यी अधिकारको सही संरक्षण हुन सकेमा समाजमा देखिने धार्मिक असहिष्णुता, विभेद र घृणास्पद व्यवहारमा कमी आउने अपेक्षा गरिन्छ । स्थानीय स्तरदेखि अन्तर्राष्ट्रिय तहसम्म विभिन्न संस्कृति…

काठमाडौँ । देशैभर हाल मनसुनी वायुको प्रभाव कायम छ। जल तथा मौसम विज्ञान विभाग, मौसम पूर्वानुमान महाशाखाका अनुसार मनसुनको न्यून चापीय रेखा सरदर स्थानकै आसपासमा अवस्थित रहेको छ । महाशाखाका अनुसार हाल देशभर साधारणतया बदलीको स्थिति छ । कोशी, बागमती र गण्डकी प्रदेशका थोरै स्थानहरूमा तथा लुम्बिनी प्रदेशका एक-दुई स्थानमा मेघगर्जन र चट्याङ्गसहित हल्कादेखि मध्यम वर्षा भइरहेको छ । आज दिउँसो देशभर साधारणतया बदली रहनेछ। देशका हिमाली र पहाडी भू-भागका केही स्थानहरूमा मेघगर्जन र चट्याङ्गसहित मध्यमसम्मको वर्षा तथा हिमपातको सम्भावना छ । त्यस्तै बागमती, गण्डकी र सुदूरपश्चिम प्रदेशका तराई भू-भागका केही स्थान तथा मधेश, कोशी र लुम्बिनी प्रदेशका तराई क्षेत्रमा…

काठमाडौँ । राष्ट्रिय स्वतन्त्र पार्टीकी सांसद आशिका तामाङले काठमाडौं उपत्यकाको फोहोरमैला व्यवस्थापनसम्बन्धी बैठक बीचैमा छोडेर बाहिरिएकी छन् । सूचना तथा सञ्चारमन्त्री डा. विक्रम तिमिल्सिनाको अध्यक्षतामा शुक्रबार आयोजित उक्त छलफलमा ललितपुर महानगरपालिकाका नगर प्रमुख चिरिबाबु महर्जनसँग चर्काचर्की भएपछि उनी आक्रोशित हुँदै निस्किएकी हुन् । बञ्चरेडाँडाको फोहोर व्यवस्थापन, स्थानीयका समस्या र भइरहेका कामबारे समीक्षा गर्न डाकिएको बैठकमा मेयर महर्जनले आफूहरूले काम गर्दागर्दै पनि नकारात्मक मुद्दा खेप्नुपरेको र सांसदहरूले कुरा नबुझी दबाब दिने गरेको भन्दै असन्तुष्टि जनाएका थिए । सोही वक्तव्यपछि सांसद तामाङ र मेयर महर्जनबीच भनाभन सुरु भएको थियो । मन्त्री तिमिल्सिनाले स्थिति सम्हाल्ने प्रयास गरे पनि विवाद साम्य नभएपछि सांसद तामाङ…

काठमाडौँ । राष्ट्रिय स्वतन्त्र पार्टी (रास्वपा) ले आफ्नो केन्द्रीय सचिवालय विस्तार गर्दै ११ जना नयाँ सदस्य थप गरेको छ । शुक्रबार सम्पन्न केन्द्रीय समितिको बैठकले सचिवालय विस्तारसहित प्रवक्ता, कोषाध्यक्ष र विभिन्न विभागीय प्रमुखहरूको जिम्मेवारी हेरफेर गर्ने निर्णय गरेको हो । बैठकले पार्टीको प्रवक्तामा जगदिश खरेल र कोषाध्यक्षमा डा. मनोहर प्रधानलाई चयन गरेको छ । त्यसैगरी, संगठन, जनस्वास्थ्य, पूर्वाधार, अर्थ तथा अन्तर्राष्ट्रिय विभागलगायतका महत्त्वपूर्ण क्षेत्रमा नयाँ नेतृत्व तोकिएको छ ।

काठमाडौं । लोकदोहोरी गायिका सुशीला गौतमको नयाँ सांगीतिक प्रस्तुति ‘मोरे सैया’ सार्वजनिक भएको छ । सुशीला गौतम र खेम सेन्चुरीको संयुक्त स्वर रहेको यस गीतमा प्रेमभावका साथै नेपाली संस्कृतिको झल्को समेत प्रस्तुत गरिएको छ । नेत्र अर्यालद्वारा शब्द रचना गरिएको यस गीतमा खेम सेन्चुरीले नै संगीत तथा हुकलाइन तयार पारेका हुन् । गीतको रेकर्डिङ कुमार विश्वकर्माले गरेका छन् भने संगीत संयोजनको जिम्मेवारी एचबीएन किस्मतले सम्हालेका छन् । सुनिल बीकेको निर्देशनमा तयार पारिएको भिडियोमा गरिमा शर्मा र खेम सेन्चुरी मुख्य भूमिकामा देखिएका छन् । नेपाली मौलिक पहिरन र पर्यटकीय स्थल सौराहाको प्राकृतिक परिवेशलाई समेटेर गरिएको छायांकनले गीतको भावलाई थप जीवन्त बनाएको…