काठमाडौँ । चिकित्सा विज्ञान राष्ट्रिय प्रतिष्ठान अन्तर्गतको वीर अस्पतालले स्वास्थ्य बीमा कार्यक्रममार्फत वितरण गरिने दीर्घरोगका औषधिमा नयाँ नियम लागू गरेको छ । अस्पतालले अबदेखि बिमित सदस्यहरूलाई एक पटकमा एक महिनाका लागि मात्र औषधि उपलब्ध गराउने निर्णय गरेको हो ।
यसअघि उच्च रक्तचाप, मधुमेह जस्ता लामो समय औषधि सेवन गर्नुपर्ने दीर्घरोगीहरूलाई अस्पतालले एकै पटक तीन महिनाका लागि औषधि दिँदै आएको थियो ।
आजदेखि लागू हुने नयाँ व्यवस्था अस्पताल प्रशासनले एक सूचना जारी गर्दै माघ २९ गतेको निर्णयअनुसार आजदेखि नै यो व्यवस्था लागू हुने जानकारी दिएको छ । विशेष कारणवश अर्को व्यवस्था नभएसम्मका लागि औषधि वितरणको अवधि घटाइएको अस्पतालको भनाइ छ ।
सेवाग्राहीमा पर्न सक्ने प्रभाव :
-
भीडभाड बढ्ने : पहिले तीन महिनामा एक पटक अस्पताल धाउनुपर्ने बिमितहरू अब हरेक महिना पुग्नुपर्ने हुँदा अस्पतालमा बिरामीको चाप र लाइन बढ्ने देखिएको छ ।
-
असुविधाप्रति क्षमायाचना : नियममा अचानक परिवर्तन गर्दा सेवाग्राहीमा पर्न जाने असुविधाप्रति अस्पताल प्रशासनले क्षमायाचना समेत गरेको छ ।
