Author: khaptadm-admin

गलकोट (बागलुङ) । बागलुङको धौलागिरी प्रादेशिक अस्पतालमा विषालु सर्पले टोकेर गम्भीर अवस्थामा पुगेका एक वृद्धको सफल उपचार गरिएको छ । निसीखोला गाउँपालिका–७ राजकुटका ६० वर्षीय जुठे विकलाई शनिबार बिहान घरमै सर्पले टोकेको थियो । सर्पको टोकाइबाट बेहोस भएका उनलाई परिवारले तत्काल अस्पताल पुर्‍याएका थिए । अस्पतालमा उपलब्ध विशेषज्ञ चिकित्सक र एन्टिस्नेक भेनम सहितको टोलीले विकको ज्यान जोगाउन सफल भएको हो । अस्पताललाई सर्पदंश उपचार केन्द्रका रूपमा स्तरउन्नति गरिएपछि यस्तो जटिल प्रकृतिको उपचार गरिएको यो पहिलो पटक हो । यसअघि अस्पतालमा सर्पदंशका बिरामी आए पनि प्राथमिक उपचारपछि अन्यत्र रेफर गर्ने गरिएको थियो । बागलुङमै यो सेवा प्रभावकारी रूपमा सुरु भएपछि अब…

काठमाडौँ । प्रतिनिधि सभाको बैठकमा आज पनि श्रम संस्कृति पार्टीका अध्यक्ष हर्क साम्पाङले प्लेकार्ड प्रदर्शन गर्दै आफ्नो विरोधलाई निरन्तरता दिएका छन् । मंगलबारको बैठक प्रारम्भ हुनासाथ उनले प्रधानमन्त्रीलाई संसदप्रति उत्तरदायी बनाउनुपर्ने र प्रश्नहरूबाट उम्किन नमिल्ने सन्देश अंकित प्लेकार्ड देखाएर सभामुखको ध्यान तानेका थिए । यसअघि पनि साम्पाङले यसै गरी पर्चा प्रदर्शन गरेपछि सभामुख डिपी अर्यालले संसदभित्र प्लेकार्ड देखाएर विरोध गर्न नपाइने नियम स्मरण गराउँदै उनलाई सचेत गराएका थिए । संसदको स्थापित मर्यादा विपरित पटक-पटक प्लेकार्ड देखाउने कार्य भएपछि सभामुखले आजको बैठकमा पुनः त्यस्तो व्यवहार नगर्न चेतावनी दिएका छन् ।

काठमाडौँ । मुलुकमा धानबालीको सिजन नजिकिँदै गर्दा सरकारले पर्याप्त मात्रामा रासायनिक मल मौज्दात रहेको दाबी गरेको छ । कृषि, वन तथा पर्यावरण मन्त्रालयका अनुसार हाल देशका विभिन्न डिपोहरूमा गरी करिब १ लाख ५० हजार टन मल स्टक छ । मन्त्रालयका सहसचिव रामकृष्ण श्रेष्ठले अहिलेको मौज्दात र वितरणको अवस्था हेर्दा आगामी असार र साउन महिनासम्मका लागि किसानलाई मल अभाव नहुने स्पष्ट पारेका छन् । सहसचिव श्रेष्ठका अनुसार हाल दैनिक रूपमा ६ हजार ८ सयदेखि २ हजार ५ सय टनसम्म मल देशभर वितरण भइरहेको छ । सरकारले भारतसँग जीटुजी (सरकार–सरकारबीचको सम्झौता) प्रक्रियामार्फत विशेषगरी डीएपी मल आयातका लागि निरन्तर प्रयास गरिरहेको र त्यो…

काठमाडौँ । सङ्घीय संसद्को अन्तर्राष्ट्रिय सम्बन्ध र पर्यटन समितिको बैठक आज बस्दैछ । सिंहदरबारस्थित सार्वजनिक लेखा समितिको हलमा बिहान ८ बजेका लागि तय भएको यस बैठकमा परराष्ट्र मन्त्रालयका विभिन्न समसामयिक विषयमा केन्द्रित रहेर संवाद हुनेछ । बैठकमा मुख्य गरी मन्त्रालयको वर्तमान नीति, आगामी योजना तथा चालु आर्थिक वर्षका कार्यक्रमहरूको कार्यान्वयन अवस्थाबारे सरोकारवालाहरूबीच विस्तृत छलफल हुने कार्यसूची तय गरिएको संसद् सचिवालयले जनाएको छ ।

विराटनगर । कोशी प्रदेश व्यवस्थापिकाको नवौं अधिवेशनको औपचारिक सुरुवात आजदेखि हुँदैछ । प्रदेश सभा सचिवालयले दिएको जानकारी अनुसार उक्त हिउँदे अधिवेशन आज अपराह्न ३ बजे विराटनगर महानगरपालिका–७ मा रहेको वीरेन्द्र सभा गृहमा आह्वान गरिएको छ । जेनजी आन्दोलनका क्रममा विराटनगरस्थित प्रदेश सभाको आफ्नै मौलिक भवन आगजनीका कारण पूर्ण रूपमा क्षति भएपछि विगत केही समयदेखि बैठकहरू वैकल्पिक स्थानमा बस्दै आएका छन् । सोही कारण यसपटकको अधिवेशन पनि वीरेन्द्र सभा गृहबाटै अगाडि बढाउने निर्णय भएको हो । यसअघिको आठौँ अधिवेशनका बैठकहरू समेत यही सभा गृहमा सफलतापूर्वक सञ्चालन गरिएका थिए । यसैबीच, कोशी प्रदेश सरकारले आगामी आर्थिक वर्ष २०८३–८४ को नीति तथा कार्यक्रम…

काठमाडौँ । संघीय संसद अन्तर्गत तल्लो सदनको बैठक आजका लागि आह्वान गरिएको छ । संसद सचिवालयका अनुसार बिहान ११ बजे संसद् भवन नयाँ बानेश्वरमा बैठक बस्ने तयारी भएको हो । आजको बैठकको मुख्य सम्भावित कार्यसूची निर्वाचन सम्बन्धी दुई महत्त्वपूर्ण विधेयकहरू दर्ता र प्रस्तुतिमा केन्द्रित रहेको छ । बैठकमा प्रधानमन्त्री एवं गृहमन्त्री बालेन्द्र शाहको तर्फबाट कानून, न्याय तथा संसदीय मामिलामन्त्री सोबिता गौतमले दुईवटा बेग्लाबेग्लै परिमार्जन विधेयकहरू सदनमा पेश गर्नुहुनेछ । कार्यसूची अनुसार मन्त्री गौतमले सुरुमा ‘प्रतिनिधि सभा सदस्य निर्वाचन (पहिलो संशोधन) विधेयक, २०८३’ र त्यसपछि ‘मतदाता नामावली (पहिलो संशोधन) विधेयक, २०८३’ प्रस्तुत गर्न अनुमति माग्ने प्रस्ताव राख्नुहुनेछ । अनुमति पाएलगत्तै दुवै…

काठमाडौँ । मुलुकको मौसमी प्रणालीमा अहिले स्थानीय र पश्चिमी वायुको संयुक्त असर देखिएको छ । जल तथा मौसम विज्ञान विभागका अनुसार यतिबेला देशका पहाडी तथा हिमाली क्षेत्रमा सामान्य बदली भएको छ भने तराईका भू-भागमा मौसम सामान्यतया सफा रहेको छ । आज दिउँसो कोशी, मधेश, बागमती र गण्डकी प्रदेशसँगै लुम्बिनी र कर्णालीका पहाडी तथा हिमाली इलाकामा आकाश बादलले ढाक्ने सम्भावना छ । सुदूरपश्चिम र लुम्बिनीका तराई क्षेत्रमा भने आज निकै गर्मी बढ्ने र तातो हावा चल्ने अनुमान गरिएको छ । कोशी, बागमती र गण्डकीका केही ठाउँहरू तथा मधेश लगायत अन्य पहाडी र हिमाली क्षेत्रका थोरै स्थानमा हल्कादेखि मध्यमसम्म वर्षा र हिमपात…

आजको राशिफल बिस २०८३ जेठ ६ गते बुधवार ईस २०२६ मे २० नेपाल सम्बत ११४६ अनालाथ्व चतुर्थी, रौद्र नाम संवत्सर सूर्य दक्षिणायनं, गृष्म ऋतु, जेठ शुक्ल चतुर्थी, चन्द्रमा मिथुन राशिमा, आद्र्रा नक्षत्र, शूल योग, विष्टि करण । आज नेपालमा सुर्योदय बिहान ५ बजेर १३ मिनेटमा र सूर्यास्त साँझ ६ बजेर ४९ मिनेटमा हुनेछ । आज जन्म लिने बच्चा मिथुन राशीको हुनेछ । आज कुनै महत्वपूर्ण कार्यका लागि बाहिर निस्कनु पर्दा तिल वा धनियाँ मुखमा राखेर जुनसुकै दिशाको यात्रा गरेपनि शुभ फल प्राप्त हुनेछ । आज कुनै महत्वपूर्ण कार्यको शुरुवात वा शुभ यात्रामा निस्कदा आजका लागि शुभ समय बिहान ०५ बजेर…

काठमाडौँ । जेनजी प्रदर्शनका क्रममा घाइते भएका व्यक्तिहरूलाई सरकारले वर्गीकरण गरी मासिक रूपमा उपचार खर्च वितरण गर्न थालेको छ । स्वास्थ्य तथा जनसङ्ख्या मन्त्रालय अन्तर्गतको स्वास्थ्य आपत्कालीन सञ्चालन केन्द्रका प्रमुख डा. प्रकाश बुढाथोकीका अनुसार, अस्पताल भर्ना भएको रेकर्डलाई आधार मानेर घाइतेहरूको वर्गीकरण गरिएको हो र सोही आधारमा गृह मन्त्रालयमार्फत मासिक आर्थिक सहायता उपलब्ध गराउन थालिएको हो । सरकारले निर्धारण गरे अनुसार अति गम्भीर घाइते र उनीहरूको कुरुवा वा स्याहारसुसार गर्ने व्यक्तिले जनही ९-९ हजार रुपैयाँ प्राप्त गर्नेछन् । यसैगरी गम्भीर घाइतेलाई मासिक ९ हजार रुपैयाँ र मध्यम घाइतेलाई मासिक ४ हजार रुपैयाँ प्रदान गरिने निर्णय भएको छ । सामान्य घाइते…

काठमाडौँ । नेपाल विश्व स्वास्थ्य संगठनको ७९औँ विश्व स्वास्थ्य महासभाको गरिमामय उपाध्यक्ष पदमा सर्वसम्मत रूपमा निर्वाचित भएको छ । जेनेभास्थित पाले डे नेसन्समा आज आयोजित महासभाको उद्घाटन सत्रमा यो ऐतिहासिक निर्वाचन भएको हो । महासभाको सोही सत्र अन्तर्गत आजै नेपालको तर्फबाट मन्त्री निशा मेहताको वक्तव्य समेत प्रस्तुत गरिने कार्यक्रम रहेको छ ।