Author: khaptadm-admin

काठमाडौँ । सार्वजनिक निकायका जिम्मेवार अधिकारीहरूमाथि उजुरी पर्दैमा दोषी करार गरेर चरित्र हत्या गर्न नमिल्ने गृहमन्त्री सुदन गुरुङले स्पष्ट पारेका छन् । शुक्रबार व्यवस्थापिका संसद्अन्तर्गतको कानुन, न्याय तथा मानव अधिकार समितिको बैठकमा बोल्दै उनले संसद्कै अर्को समितिमा प्रशासनिक तथा प्रहरी नेतृत्वप्रति लक्षित गरी गरिएको व्यवहारप्रति गम्भीर असन्तुष्टि व्यक्त गरे । गत बुधबार सार्वजनिक लेखा समितिमा प्रहरीको पोसाक तथा अन्य आवश्यक सामान खरिदसम्बन्धी विषयमा छलफल हुँदा राष्ट्रिय स्वतन्त्र पार्टी (रास्वपा) का सांसद खगेन्द्र सुनार गृहसचिव, सहसचिवहरू र नेपाल प्रहरीका प्रमुख दानबहादुर कार्कीमाथि आक्रामक रूपमा प्रस्तुत भएका थिए । उक्त घटनाबारे आफ्नो धारणा राख्दै गृहमन्त्री गुरुङले आफू सो समितिमा उपस्थित नरहेको भए…

काठमाडौँ । नेपाल एसोसिएसन अफ टुर एन्ड ट्राभल एजेन्ट्स (नाट्टा) को ५९औँ साधारण सभालाई सम्बोधन गर्दै प्रतिनिधि सभाका सभामुख डीपी अर्यालले पर्यटन क्षेत्रको समग्र सुधार र दीर्घकालीन विकासका लागि कडा कानुन तथा संरचनागत परिवर्तनको आवश्यकता औँल्याएका छन् । समारोहमा बोल्दै उनले पर्यटकका लागि सुरक्षा सबैभन्दा पहिलो प्राथमिकता हुनुपर्नेमा जोड दिए । हवाईजहाज, ट्याक्सी, होटलजस्ता पर्यटकीय सेवामा सुरक्षाको भरपर्दो वातावरण मिलाउनका साथै नेपाली र विदेशी पर्यटकबीच सेवा र सुविधामा कुनै पनि विभेद गर्न नहुने उनको भनाइ थियो । उनले काठमाडौँ उपत्यकामा व्यवस्थित पर्यटक बसपार्कको निर्माण गर्नुपर्ने र हाल कायम रहेका संरचनालाई प्रभावकारी रूपमा सञ्चालन गर्नुपर्ने बताए । प्रस्तावित पर्यटन विधेयकमाथि गहन…

काठमाडौँ । जेन–जी आन्दोलनका क्रममा प्रभावित भएका सहिद परिवार तथा घाइतेहरूसँग गरिएका सहमतिहरूलाई पूर्ण रूपमा पालना गराउन सरकारले एक विशेष समन्वय तथा सहजीकरण समिति निर्माण गरेको छ । प्रधानमन्त्री तथा मन्त्रिपरिषद्को कार्यालयका सहसचिव हेमराज अर्यालले शुक्रबार आयोजित पत्रकार सम्मेलनमा सो कुराको जानकारी गराउनुभएको हो । ‘जेनजी सम्झौता तथा एकीकृत प्याकेज कार्यान्वयन समन्वय एवं सहजीकरण समिति’ नाम दिइएको उक्त समितिको नेतृत्व स्वयम् सहसचिव अर्यालले गर्नुहुनेछ । २०८२ मङ्सिर २४ गते सरकार र जेन–जी प्रतिनिधिहरूबीच भएको सम्झौताका साथै २०८३ असार १८ गतेको मन्त्रिपरिषद् बैठकले स्वीकृत गरेको ‘एकीकृत प्याकेज’ को कार्यान्वयनको अवस्था अनुगमन गर्ने जिम्मेवारी यस समितिलाई सुम्पिएको छ । समितिले घाइते र…

रोल्पा । शुक्रबार बिहान आएको पहिरोले घर पुरिँदा बेपत्ता भएका सुनछहरी गाउँपालिकाका तीन जना ज्येष्ठ नागरिकको शव उद्धार टोलीले फेला पारेको छ । बिहान करिब ८:१० बजेतिर स्थानीय वीरु घर्ती मगरको घरमाथिबाट अचानक पहिरो खसेको थियो । घटनालगत्तै स्थानीय बासिन्दा र सुरक्षाकर्मीको टोलीले खोजी तथा उद्धार कार्य सुरु गरेका थिए । लगातारको प्रयासपछि बिहान ११:३० बजेतिर उनीहरूको शव पहिरोबाट बाहिर निकालिएको प्रहरीले जानकारी दिएको छ । यस घटनामा परी ज्यान गुमाउनेहरूमा सुनछहरी गाउँपालिका–२ का ७७ वर्षीय वीरु घर्ती मगर, ६८ वर्षीया सनी घर्ती मगर र ७० वर्षीया लली घर्ती मगर रहेका छन् ।

पोखरा । लगातारको भारी वर्षापछि मोदी खोलामा आएको बाढीले अन्नपूर्ण गाउँपालिका तथा आसपासका क्षेत्रका भौतिक पूर्वाधार, सडक र विद्युत् सेवामा ठूलो क्षति पुर्‍याएको छ । कास्की र पर्वतको सीमा भएर बग्ने उक्त खोलामा आएको बाढीले नयाँपुल–वीरेठाँटी–घान्द्रुक सडकखण्डअन्तर्गत वीरेठाँटी नजिकैको मुख्य सडक कटान गरेको छ । सडकको बेस नै बगाएपछि त्यस क्षेत्रमा यातायात आवगमन पूर्ण रूपमा ठप्प बनेको छ भने आसपासका बस्तीहरू जोखिममा परेका छन् । यसैबीच, अन्नपूर्ण गाउँपालिका–६ हाईजुङस्थित माता अन्नपूर्ण मन्दिरमा बाढीका कारण थुनिएका तीन जनाको सकुशल उद्धार गरिएको छ । खोलाको बीचमा रहेको मन्दिरमा बाढी पसेपछि पुजारीसहित तीन जना जोखिममा परेका थिए । बाढीले पातीचौर क्षेत्रमा ३३ केभी…

काठमाडौँ । व्यक्तिगत गोपनीयताको आरोपमा प्रहरी हिरासतमा रहेका जनआस्था साप्ताहिका सम्पादक किशोर श्रेष्ठलाई मुक्त गर्न सर्वोच्च अदालतमा निवेदन दायर भएको छ । श्रेष्ठकी श्रीमती सरस्वती श्रेष्ठले आफ्नो पतिलाई गैरकानुनी रूपमा नियन्त्रणमा राखिएको दाबी गर्दै सर्वोच्चमा बन्दीप्रत्यक्षीकरणको रिट दायर गरेकी हुन् । कुनै ठोस आधारविना पक्राउ गरिएको भन्दै उनलाई तुरुन्त थुनामुक्त गर्ने आदेश जारी गर्न रिटमा माग गरिएको छ । सर्वोच्च अदालतले यस रिटमाथि प्रारम्भिक सुनुवाइका लागि आजैका लागि पेसी तोकेको छ । प्रहरीले श्रेष्ठलाई बुधबार साँझ व्यक्तिगत गोपनीयतासम्बन्धी कसुरको आरोपमा नियन्त्रणमा लिएको थियो । यसैबीच, अनुसन्धानका लागि जिल्ला अदालत काठमाडौँले उनलाई हिरासतमा राख्न प्रहरीलाई तीन दिनको म्याद अनुमति दिएको छ…

काठमाडौँ । बदलिँदो प्रविधि र सामाजिक परिवेशअनुसार विद्यालय तहको शैक्षिक संरचनामा सुधार ल्याउन गठित कार्यदलले आफ्नो प्रतिवेदन लेखन कार्यलाई तीव्रता दिने भएको छ । विद्यालय शिक्षाको राष्ट्रिय पाठ्यक्रम प्रारूप २०७६ लाई थप व्यावहारिक र समयानुकूल बनाउने लक्ष्यका साथ कार्यदलले अध्ययनलाई अन्तिम चरणमा पुर्‍याउने निष्कर्ष निकालेको हो । हालै सम्पन्न कार्यदलको सातौँ बैठकमा गठित १२ वटा विषयगत (थिमेटिक) समूहका प्रतिनिधिहरूले आ-आफ्नो क्षेत्रको प्रगति विवरण प्रस्तुत गरेका थिए । बैठकमा ती प्रस्तुतिको गहन समीक्षा गर्दै आगामी खाकाबारे छलफल गरिएको थियो । बैठकलाई सम्बोधन गर्दै कार्यदलका संयोजक प्राडा बालचन्द्र लुइँटेलले पर्याप्त अध्ययन र सरोकारवालासँगको व्यापक छलफलपछि मात्रै निष्कर्षमा पुगिने स्पष्ट पार्नुभयो । उक्त…

काठमाडौँ । आम नागरिकले अबदेखि विभिन्न सरकारी निकायबाट सेवा प्राप्त गर्नका निम्ति बिचौलियाको सहारा लिनुपर्ने बाध्यताको अन्त्य भएको छ । प्रधानमन्त्री तथा मन्त्रिपरिषद्‍को कार्यालयले ‘सरकारी कार्यालयमा प्रयोग हुने निवेदनको ढाँचा तथा सोको कार्यान्वयन मार्गदर्शन, २०८३’ जारी गर्दै सरकारी कामकारबाहीलाई सरल, प्रविधिमैत्री र प्रभावकारी बनाउन नयाँ कदम चालेको हो । यस नयाँ व्यवस्था अनुसार तीनै तहका सरकारी कार्यालय वरपर आर्थिक लेनदेन गरी वा नगरी सर्वसाधारणका लागि फारम भरिदिने, निवेदन लेखिदिने वा कागजात मिलाइदिने जस्ता अनधिकृत बिचौलिया गतिविधिमा पूर्ण रूपमा रोक लगाइएको छ । यदि सेवाग्राहीले आफैँ फारम भर्न वा प्रक्रिया बुझ्न नसकेको खण्डमा प्रत्येक सरकारी कार्यालयले अनिवार्य रूपमा निःशुल्क ‘सेवाग्राही सहायता…

काठमाडौँ । आज सङ्घीय संसदअन्तर्गत तीनवटा विषयगत समितिका बैठकहरू सञ्चालन हुँदैछन् । जसअन्तर्गत प्रतिनिधि सभाका दुईवटा र राष्ट्रिय सभाको एउटा समितिको बैठक तय गरिएको छ । दिउँसो २:३० बजे बोलाइएको अन्तर्राष्ट्रिय सम्बन्ध र पर्यटन समितिको बैठकमा देशको परराष्ट्र मामिलाका पछिल्ला समसामयिक विषयमा विज्ञहरूसँग विचार-विमर्श गर्ने कार्यसूची बनाइएको छ । यसैगरी, बिहान १०:३० बजे सुरु हुने कानुन, न्याय तथा मानव अधिकार समितिको बैठकमा कारागार र हिरासतमा रहेका थुनुवा तथा कैदीबन्दीहरूको अवस्थाबारे तयार पारिएको ‘निरीक्षण तथा अवलोकन उपसमितिको प्रतिवेदन, २०८३’ माथि छलफल हुँदैछ । साथै, बाल सुधार गृहमा रहेका बालबालिकाको मानव अधिकारको स्थितिबारे प्रस्तुत अर्को प्रतिवेदन पारित गर्ने तालिका पनि रहेको छ…

काठमाडौँ । जल तथा मौसम विज्ञान विभागले देशका विभिन्न भू-भागमा मेघगर्जन र चट्याङ्गसहित वर्षाको सम्भावना रहेको जनाएको छ । हाल नेपालमा मनसुनी वायुको प्रभाव कायम रहनुका साथै मनसुनको न्यून चापीय रेखा पश्चिमतर्फ नेपाल नजिकै अवस्थित छ । यसका कारण दिउँसो देशभर आंशिकदेखि साधारणतया बदली रहने महाशाखाको भनाइ छ । विशेष गरी गण्डकी, लुम्बिनी, कर्णाली र सुदूरपश्चिम प्रदेशका अधिकांश क्षेत्रका साथै कोशी र बागमती प्रदेशका केही स्थानहरूमा चट्याङ्गसहित मध्यम वर्षाको अनुमान गरिएको छ । त्यस्तै, गण्डकी, लुम्बिनी, कर्णाली र सुदूरपश्चिमका थोरै स्थानहरूमा भारी वर्षाको जोखिम छ भने कर्णाली र सुदूरपश्चिमका एक-दुई स्थानमा धेरै भारी वर्षा हुनसक्ने भएकाले आवश्यक सतर्कता अपनाउन आग्रह…