Author: khaptadm-admin

काठमाडौँ । माइतीघर क्षेत्रमा बर्खायाममा हुँदै आएको डुबानको वास्तविक प्राविधिक समस्या पहिल्याउन काठमाडौँ महानगरपालिकाले अध्ययन प्रक्रिया अघि बढाएको छ। महानगरकी कार्यवाहक प्रमुख सुनिता डंगोलले साझेदार निकायका प्रतिनिधिहरूलाई स्थलगत निरीक्षण गराउँदै डुबानको विस्तृत प्राविधिक प्रतिवेदन पेस गर्न निर्देशन दिएकी हुन्। मङ्गलबार माइतीघर मण्डला आसपासको क्षेत्र अनुगमन गर्दै उनले विपद् जोखिम न्यूनीकरण तथा व्यवस्थापन प्राधिकरण, काठमाडौँ उपत्यका खानेपानी लिमिटेड, डिभिजन सडक कार्यालय र महानगरका प्राविधिक विभागहरूलाई चाँडै समस्याको निकाससहितको प्रतिवेदन बुझाउन भनेकी छन्। अनुगमनका क्रममा माइतीघर क्षेत्रमा ९० सेन्टिमिटरको ढल बिछ्याइएको भए पनि निकास हुने मुख्य ठाउँमा भने जम्मा ६० सेन्टिमिटरको मात्रै ढल रहेको भेटिएको छ। माथिल्लो भागको तुलनामा निकासतर्फ ढलको आकार…

काठमाडौँ । बझाङ जिल्लालाई केन्द्रविन्दु बनाएर बुधबार बिहान ४.२ म्याग्निच्युडको भूकम्प गएको छ । राष्ट्रिय भूकम्प मापन तथा अनुसन्धान केन्द्रले दिएको जानकारी अनुसार बिहान ४ बजेर ४० मिनेट जाँदा बझाङको कोतदेवाल आसपासलाई मुख्य केन्द्रविन्दु बनाएर उक्त भूकम्पको धक्का रेकर्ड गरिएको हो । बिहानै गएको भूकम्पका कारण स्थानीयमा केही बेर त्रास फैलिए पनि हालसम्म कुनै पनि प्रकारको भौतिक तथा मानवीय क्षतिको विवरण प्राप्त नभएको प्रहरी तथा स्थानीय प्रशासनले जनाएका छन् ।

काठमाडौँ । देशभर मनसुनी वायु सक्रिय रहँदा आगामी २४ घण्टाभित्र पहाडी तथा हिमाली भू-भागका साथै तराईका विभिन्न क्षेत्रमा वर्षा र हिमपातको सम्भावना देखिएको छ । जल तथा मौसम विज्ञान विभागका अनुसार हाल मनसुनको न्यून चापीय रेखा सरदर स्थानमै अवस्थित रहेकाले देशका अधिकांश भागमा बदली र वर्षाको क्रम जारी छ । हाल गण्डकी, लुम्बिनी, कर्णाली र सुदूरपश्चिमका साथै कोशी र बागमतीका पहाडी तथा हिमाली क्षेत्रमा सामान्यतया बादल लागेको छ । यस्तै मधेश र कोशीका तराई क्षेत्रमा आंशिक बदली रहेको छ । अहिले बागमती र गण्डकीका केही स्थानहरूका साथै अन्य प्रदेशका थोरै स्थानमा मध्यम वर्षा भइरहेको छ । आज दिउँसो देशभरको मौसम…

काठमाडौँ । नेपाली कांग्रेसका पूर्व सभापति शेरबहादुर देउवाले विदेश बसाइ अन्त्य गर्दै चाँडै नेपाल आइपुग्ने सार्वजनिक घोषणा गरेका छन् । हङकङबाट मंगलबार विज्ञप्ति जारी गर्दै देउवाले पछिल्लो समय सरकारले प्रतिपक्षी दलहरूप्रति प्रतिशोधको नीति अपनाएको आरोप लगाएका छन् । उनका अनुसार वर्तमान सत्ता पक्षले लोकतान्त्रिक प्रणाली, संवैधानिक निकाय तथा स्वतन्त्र न्यायपालिकामाथि दबाब बढाउन खोजेको छ । मुलुकलाई यतिबेला राजनीतिक द्वन्द्वभन्दा पनि समझदारी र सहकार्यको खाँचो परेको उनको भनाइ छ । इतिहासको अनुभव, जनआन्दोलनको ऊर्जा र नयाँ पुस्ताको ज्ञानलाई जोडेर राष्ट्रिय संवादमार्फत अघि बढ्नुपर्नेमा उनले जोड दिएका छन् । गत फागुनमा उपचारका लागि श्रीमतीसहित सिंगापुर प्रस्थान गरेका देउवा चैतमा हङकङ पुगेका थिए…

काठमाडौँ । मन्त्रालयले लामो समयदेखि अगाडि बढाएको विभागीय कारबाहीको प्रक्रियालाई पूर्णता दिँदै पशु सेवा विभागमा कार्यरत एक वरिष्ठ अधिकृतलाई पदबाट हटाएको छ । कृषि, वन तथा पर्यावरण मन्त्रालयले वरिष्ठ पशु चिकित्सक डा. नवीन उपाध्याय घिमिरेविरुद्ध परेको मुद्दामा अन्तिम निर्णय गर्दै उनलाई निजामती सेवाबाट हटाएको हो । निजामती सेवा ऐन, २०४९ बमोजिम आवश्यक प्रक्रिया पूरा गरी मन्त्रालयले यस विषयमा लोक सेवा आयोगसँग परामर्श मागेको थियो । आयोगबाट प्राप्त सहमति र परामर्शका आधारमा ऐनको दफा ५९ को खण्ड (ख) अनुसार घिमिरेलाई ‘भविष्यमा सरकारी सेवाका लागि अयोग्य नठहरिने’ गरी सेवाबाट बर्खास्त गर्ने निर्णय गरिएको हो । यस विभागीय कारबाहीको औपचारिक जानकारी लोक सेवा…

काठमाडौँ । आम जनस्तरबाट तीव्र विरोध भएपछि सरकारले निजी शिक्षा तथा स्वास्थ्य क्षेत्रमा प्रस्ताव गरिएको ३ प्रतिशत करको निर्णयबाट पछि हटेको छ । अर्थमन्त्री स्वर्णिम वाग्लेद्वारा जेठ १५ गते प्रस्तुत आगामी आर्थिक वर्षको बजेटमा साउन १ गतेदेखि लागू हुने गरी शिक्षा र स्वास्थ्य समता शुल्क लिने व्यवस्था गरिएको थियो । तर, यसबाट नागरिकमाथि थप आर्थिक भार पर्ने र निराशा सिर्जना हुने देखिएपछि प्रधानमन्त्री बालेन्द्र शाहले अर्थमन्त्रीसँगको परामर्शमा उक्त शुल्क फिलहाल कार्यान्वयन नगर्ने घोषणा गरेका हुन् । प्रधानमन्त्री शाहका अनुसार दुर्गम क्षेत्रका बासिन्दा र सीमान्तकृत समुदायलाई सुविधा पुर्याउने तथा स्वास्थ्य बीमाको दायरा विस्तार गर्ने उद्देश्यले सो कर लगाइएको थियो । यद्यपि,…

काठमाडौँ । देशको अर्थतन्त्रमा वित्तीय अनुशासन कायम राख्दै नयाँ आर्थिक वर्षको बजेटलाई पारदर्शी रूपमा कार्यान्वयन गर्न सरकारले कडा नीतिको सहारा लिएको छ। अर्थ मन्त्रालयले आर्थिक वर्ष २०८३/८४ को बजेट कार्यान्वयनलाई प्रभावकारी बनाउन खर्च, खरिद, अनुदान, वैदेशिक सहायता तथा प्रशासनिक मितव्ययितासम्बन्धी विस्तृत मार्गदर्शन सार्वजनिक गरेको छ। मार्गदर्शन अनुसार बजेट सूचना प्रणाली (LMBIS) मा दर्ता भएका कार्यक्रमले मात्र स्वीकृति पाउनेछन् भने खर्च हुन नसकेको बजेट २०८३ चैत १५ गतेभित्र अनिवार्य रूपमा फिर्ता गर्नुपर्नेछ। नयाँ मार्गदर्शनमा प्रशासनिक खर्च घटाउन कडा प्रावधानहरू राखिएका छन्। इन्धन, बिजुली, भ्रमण तथा गोष्ठी खर्च न्यूनतम बनाउनुपर्नेछ भने पूर्वस्वीकृतिविना नयाँ सवारी साधन खरिद तथा वैदेशिक भ्रमणमा पूर्ण रोक लगाइएको…

काठमाडौं । दक्षिण कोरियामा रोजगारीको खोजीमा रहेका नेपाली युवाहरूका लागि ईपीएस प्रणालीअन्तर्गत ७ हजार २ सय नयाँ अवसरसहित भाषा परीक्षाको आवेदन खुला भएको छ । युवा, श्रम तथा रोजगार मन्त्रालय मातहतको वैदेशिक रोजगार विभाग, ईपीएस कोरिया शाखाले उक्त कोटाका लागि दरखास्त माग गरेको हो । नेपाल र कोरियाबीचको श्रम सम्झौताअनुरूप एचआरडी कोरियाले विभिन्न चार क्षेत्रमा कामदारको माग पठाएको छ । जसअनुसार सबैभन्दा बढी उत्पादनमूलक क्षेत्रमा ५ हजार जनाको कोटा तोकिएको छ भने कृषि तथा पशुपालनमा २ हजार, सेवा क्षेत्रमा १०० र वन क्षेत्रमा १०० जनाको माग रहेको छ । सोही मागको आधारमा नेपालमा भाषा परीक्षा सञ्चालन हुन लागेको हो ।…

काठमाडौँ । मूल्य अभिवृद्धि कर (भ्याट) तथा स्थायी लेखा नम्बर (प्यान) मा दर्ता भएका व्यवसायीहरूबाट वस्तु वा सेवा खरिद गर्दा सर्वसाधारणलाई सक्कली बिल माग्न प्रोत्साहन गर्ने उद्देश्यले सरकारले नयाँ पुरस्कार योजना सुरु गरेको छ । ‘सक्कली बिल लिनुहोस्, लखपति बन्नुहोस्’ भन्ने नाराका साथ बजेटमा समावेश गरिएको यो कार्यक्रमलाई अहिले कार्यान्वयनमा ल्याउन लागिएको हो । यस योजना अनुसार अब दैनिक रूपमा एक जना सर्वसाधारणले रु. १ लाख पुरस्कार पाउनेछन् भने हरेक महिना दुई जनाले बम्पर उपहार स्वरूप रु. १०/१० लाख प्राप्त गर्नेछन् । रु. १०० भन्दा बढीको खरिद वा होटल तथा रेस्टुरेन्ट लगायतका स्थानमा गरिएको भुक्तानीको सक्कली बिल नम्बरका आधारमा विजेताको…

काठमाडौँ । ओ एन्ड एम (संगठन तथा व्यवस्थापन) सर्वेक्षण सम्पन्न नभएसम्मका लागि लोक सेवा आयोगमार्फत हुने नयाँ स्थायी पदपूर्ति स्थगन गरिएको विषयमा प्रधानमन्त्री तथा मन्त्रिपरिषद्को कार्यालयले आफ्नो धारणा सार्वजनिक गरेको छ । सरकारले साविकका २२ वटा मन्त्रालयलाई घटाएर १८ वटामा झारेपछि नयाँ संगठन संरचना तथा कर्मचारी दरबन्दी समायोजनको काम भइरहेको छ । मन्त्रालय र मातहतका निकायहरूको दरबन्दी व्यवस्थापनका लागि भइरहेको सर्वेक्षण अहिले अन्तिम चरणमा पुगेको छ । यो प्रक्रिया पूरा हुँदा केही पदको दरबन्दी घट्न सक्ने र हाल कार्यरत केही कर्मचारी फाजिल (अतिरिक्त) हुने सम्भावना रहेकाले तत्कालका लागि स्वीकृतिबिना नयाँ माग नपठाउने निर्णय सचिव बैठकले गरेको हो । कार्यालयका अनुसार…