Author: khaptadm-admin

काठमाडौँ । रोप्ने समयमा किसानलाई मलको अभाव हुन नदिन सरकारले रासायनिक मल आयात प्रक्रियालाई तीव्र बनाएको छ । धान रोपाइँको चटारो चलिरहेका बेला विराटनगर भन्सारमा २५० मेट्रिक टन डीएपी मल आइपुगेको छ भने अन्य क्षेत्रबाट पनि ठूलो परिमाणमा मल नेपाल भित्रिने क्रम जारी छ । कृषि वन तथा पर्यावरण मन्त्रालयका अनुसार १२५० मेट्रिक टन डीएपी बोकेको अर्को रेल र्याक आज बिहान रक्सौल आइपुग्दै छ । यस्तै, कोलकाताबाट २५०० मेट्रिक टन डीएपी बोकेको अर्को रेल र्याक पनि नेपालतर्फ प्रस्थान गरिसकेको छ । यसका साथै किसानका लागि अत्यावश्यक मानिने ३० हजार मेट्रिक टन युरिया मल ढुवानीको प्रक्रिया पनि अन्तिम चरणमा पुगेको मन्त्रालयले…

काठमाडौँ । नेदरल्यान्ड्समा आयोजना भइरहेको आईसीसी क्रिकेट विश्वकप लिग-२ अन्तर्गतको त्रिदेशीय शृङ्खलामा नेपाली राष्ट्रिय क्रिकेट टोलीले आज आफ्नो पहिलो चुनौतीको सामना गर्दैछ । नेदरल्यान्ड्सको उट्रेच्टस्थित मैदानमा नेपालले नामिबियाविरुद्ध खेल्दै शृङ्खलाको सुरुआत गर्न लागेको हो । यो खेल नेपाली समय अनुसार दिउँसो २:४५ बजे सुरु हुनेछ । शीर्ष चारभित्र पर्दै एकदिवसीय विश्वकप छनोटमा स्थान बनाउने लक्ष्यमा रहेको नेपालका लागि यो शृङ्खला निकै महत्त्वपूर्ण मानिएको छ । अहिलेसम्म नेपाल र नामिबियाबीच आठवटा एकदिवसीय अन्तर्राष्ट्रिय खेल भइसकेका छन् । जसमा नामिबियाले पाँच खेलमा जित निकालेको छ भने नेपालले दुई खेल मात्र आफ्नो पक्षमा पारेको छ । एक खेल भने नतिजाविहीन बनेको थियो ।…

काठमाडौँ । निर्वाचन आयोगमा प्रस्तावित प्रमुख आयुक्त र आयुक्तहरूका विरुद्ध दर्ता भएका उजुरी सदस्यहरूलाई बाँड्ने गरी संसदीय सुनुवाइ समितिको बैठक आज आयोजना गरिएको छ । समिति सचिवालयका अनुसार बिहान ११ बजे तय भएको बैठकमा प्रस्तावित पदाधिकारीहरूप्रति परेका उजुरीहरूबारे प्रारम्भिक छलफल गरी विवरण वितरण गर्ने मुख्य कार्यसूची छ । यसअघि असार २५ गते समितिले १० दिनको म्याद दिएर प्रस्तावित प्रमुख निर्वाचन आयुक्त मानबहादुर कार्की तथा आयुक्तहरू डा. राजीव सुब्बा र गुरु वाग्लेविरुद्ध उजुरी आह्वान गरेको थियो । असार १९ गते बसेको संवैधानिक परिषदको बैठकले प्रमुख निर्वाचन आयुक्तमा कार्की र आयुक्तमा सुब्बा तथा वाग्लेको नाम सिफारिस गरी सुनुवाइका लागि समितिमा पठाएको थियो…

काठमाडौँ । मुलुकका विभिन्न स्थानमा लगातारको वर्षासँगै बाढी र पहिरोजस्ता विपद्को जोखिम चुलिएपछि भूमि व्यवस्था, सहकारी, संघीय मामिला तथा सामान्य प्रशासन मन्त्रालयले स्थानीय तह र जिल्ला समन्वय समितिका कर्मचारीलाई अनिवार्य उपस्थित हुन परिपत्र गरेको छ। विपद् व्यवस्थापन, उद्धार तथा राहत कार्यलाई थप व्यवस्थित र प्रभावकारी बनाउने उद्देश्यले मन्त्रालयले यो कदम चालेको हो। मन्त्रालयको स्थानीय तह समन्वय शाखाले पठाएको निर्देशनअनुसार विपद्को यो समयमा कुनै पनि कर्मचारीले पूर्वस्वीकृति बिना कार्यालय छाड्न पाउने छैनन्। हाल बिदामा बसिरहेका कर्मचारीहरूलाई समेत तुरुन्तै बिदा कटौती गरी आ-आफ्नो कार्यक्षेत्रमा फर्किएर जिम्मेवारी सम्हाल्न भनिएको छ। सम्भावित जोखिमको सामना गर्न स्थानीय निकायका कर्मचारीहरू संयन्त्रमा सक्रिय भई खटिनुपर्ने मन्त्रालयको ठहर…

काठमाडौँ । साताको दुई दिन बिदा दिन थालेपछि सरकारले वर्षभरि दिइने अन्य सार्वजनिक बिदाहरूको कटौती वा संशोधनका लागि गृहकार्य थालेको छ । मुख्यसचिव गोविन्दबहादुर कार्कीको अध्यक्षतामा बसेको सचिवहरूको बैठकले पूर्ववत् रूपमा दिँदै आएका सार्वजनिक बिदाहरू पुनरावलोकन गर्ने निर्णय गरेको हो । बिदाको अध्ययन गरी प्रतिवेदन तयार पार्न गृह मन्त्रालयका सहसचिवको संयोजकत्वमा एक कार्यदलसमेत गठन गरिएको छ । उक्त टोलीमा प्रधानमन्त्री तथा मन्त्रिपरिषद्‌को कार्यालय, भूमि व्यवस्था, सहकारी तथा गरिबी निवारण, सङ्घीय मामिला तथा सामान्य प्रशासन र अर्थ मन्त्रालयका प्रतिनिधिहरू रहेका छन् । कार्यदललाई आगामी १५ दिनभित्र गृह मन्त्रालयसमक्ष आफ्नो प्रतिवेदन पेस गर्ने जिम्मेवारी दिइएको छ ।

काठमाडौँ । नयाँ आर्थिक वर्षको बजेटलाई नतिजामुखी बनाउन र तोकिएकै समयमा आयोजनाहरू सम्पन्न गराउने लक्ष्यका साथ अर्थ मन्त्रालयले गृहकार्य तीव्र पारेको छ । सोमबार मन्त्रालयको सुवर्ण हलमा आयोजित विशेष बैठकमा अर्थमन्त्री डा. स्वर्णिम वाग्लेले बजेट कार्यान्वयनको प्रत्यक्ष जिम्मेवारी पाएका विभिन्न मन्त्रालयका सचिवहरूसँग गहन परामर्श गर्नुभएको हो । बैठकमा राष्ट्रिय योजना आयोगका उपाध्यक्ष डा. गुणाकर भट्ट र अर्थ सचिव डा. घनश्याम उपाध्यायका साथै पूर्वाधार, उद्योग, कृषि, स्वास्थ्य, शिक्षा, परराष्ट्र, पर्यटन, श्रम, गृह तथा रक्षा लगायतका प्रमुख मन्त्रालयका सचिव र प्रतिनिधिहरूको उपस्थिति रहेको थियो । छलफलका क्रममा चालु आर्थिक वर्षको बजेट समयमै प्रभावकारी ढङ्गले कार्यान्वयनमा ल्याउने, अन्तर-मन्त्रालय समन्वयलाई चुस्त बनाउने र विकास…

काठमाडौँ । नयाँ करका दर समायोजन र प्रणाली सुधारका लागि यातायात व्यवस्था विभागले सेवाग्राहीलाई साउन ८ गतेसम्म कार्यालय नआउन अनुरोध गरेको छ । विभागले सोमबार सार्वजनिक सूचना जारी गर्दै अत्यावश्यक परेको अवस्थामा बाहेक अन्य सेवा लिनका लागि केही दिन पर्खन आग्रह गरेको हो । यातायात क्षेत्रसँग सम्बन्धित विभिन्न प्रविधि तथा प्रणालीहरूलाई थप सेवाग्राहीमैत्री र व्यवस्थित बनाउन अहिले डेटा स्थानान्तरणको काम भइरहेको विभागले जनाएको छ । यसका साथै प्रदेश सरकारहरूले निर्धारण गरेका नयाँ करका दररेटहरूलाई पनि प्रणालीमा प्रविष्टि र मिलान गर्ने कार्य जारी छ । सूचना अनुसार यी सम्पूर्ण प्राविधिक कार्यहरू पूर्ण रूपमा सम्पन्न भई कार्यान्वयनमा आउन करिब एक साताको समय…

काठमाडौँ । पशुपतिनाथलगायत मुलुकभरका प्रमुख शिवपीठहरूमा साउने सोमबारका अवसरमा बिहानैदेखि श्रद्धालुको ठूलो घुइँचो लागेको छ । साउन महिनाको पहिलो सोमबार परेकाले हिन्दु धर्मावलम्बीहरू व्रत बसी महादेवको पूजाआजा, रुद्राभिषेक तथा जलचढाउन मन्दिर परिसर पुगेका हुन् । काठमाडौँको पशुपतिनाथसँगै भक्तपुरको डोलेश्वर, खोटाङको हलेसी, चितवन र तनहुँको सङ्गमस्थल देवघाटसहित देशभरका साना-ठूला शिवालयहरूमा दर्शनार्थीको लामो लाइन देखिएको छ । भक्तजनको सुविधा र सुरक्षालाई ध्यानमा राख्दै सम्बन्धित मन्दिर व्यवस्थापन समिति र प्रशासनले सुरक्षाकर्मी तथा स्वयंसेवक खटाएर लाइन व्यवस्थापन गरिरहेका छन् । सनातन धार्मिक परम्परा अनुसार साउन महिनालाई शिवजीको विशेष प्रिय समय मानिन्छ । यस महिनाका प्रत्येक सोमबार उपवास बसेर शिवजीको स्तुति, मन्त्र जप, जलाभिषेक तथा…

काठमाडौँ । मनसुनी वर्षासँगै खसेको पहिरोका कारण पृथ्वी राजमार्गअन्तर्गत मुग्लिन-काठमाडौँ सडकखण्ड पूर्ण रूपमा बन्द भएको छ । धादिङको बेनीघाटस्थित जवाङ खोला नजिकै र चितवनको इच्छाकामना गाउँपालिकामा पर्ने फिसलिङमा गेग्रानसहितको ठूलो पहिरो खस्दा सवारी साधनको आवतजावत ठप्प भएको हो । सडकमा थुप्रिएको पहिरो हटाएर यातायात सुचारु गराउन प्रहरी तथा प्राविधिक टोली निरन्तर खटिरहेका छन् । जोखिमयुक्त मौसमका कारण अप्रिय घटना नहोस् भनी धादिङ र चितवन जिल्ला प्रशासनले गएराति १० बजेदेखि आज बिहान ५ बजेसम्म यस खण्डमा रातकालीन सवारी सञ्चालनमा समेत प्रतिबन्ध लगाएका थिए ।

काठमाडौँ । संघीय संसद अन्तर्गत माथिल्लो सदनका तीन वटा विषयगत समितिहरूले आज आफ्ना एजेन्डामाथि छलफल गर्दैछन् । जसअनुसार विधायन व्यवस्थापन समितिको बैठक दिउँसो २:१५ बजे तय गरिएको छ, जहाँ ऐन कार्यान्वयनको अवस्था र विधायिकी अन्तरसम्बन्धका विषयमा विस्तृत कुराकानी हुनेछ । यस्तै, सार्वजनिक नीति तथा प्रत्यायोजित विधायन समितिले मधेश र बागमती प्रदेशका विभिन्न जिल्लामा पुगेर गरिएको अनुगमनको समीक्षा गर्नेछ । उक्त बैठक दिउँसो १ बजे बस्नेछ । यसै गरी, बिहान ११:३० बजे बोलाइएको संघीयता सबलीकरण तथा राष्ट्रिय सरोकार समितिको बैठकमा संसदीय अध्ययन तथा अनुसन्धान महाशाखाले तयार पारेको ‘राष्ट्रिय महिला आयोगको कार्य प्रभावकारिता सम्बन्धी अध्ययन’ प्रतिवेदनमाथि सदस्यहरूबीच छलफल हुनेछ ।