Author: khaptadm-admin

काठमाडौँ । गोरखाको चुमनुब्री गाउँपालिका क्षेत्रमा बूढीगण्डकी नदी थुनिएपछि आएको भीषण बाढीले तल्लो तटीय क्षेत्रमा ठूलो भौतिक क्षति पुर्‍याएको छ । नदीको माथिल्लो भेगमा खसेको सुक्खा पहिरोले केही समय बहाव रोकेपछि एक्कासि फुटेर आएको बाढीले आसपासका बस्ती, होटल तथा विद्यालयहरू प्रभावित भएका छन् । चुमनुब्री गाउँपालिकाका प्रमुख प्रशासकीय अधिकृत नारायण सापकोटाका अनुसार नदीमा अझै पनि पानी थुनिने र खुल्ने क्रम जारी रहेकाले बाढीको जोखिम टरेको छैन । बाढीको तीव्र बहावले नदी किनारबाट करिब १५० देखि २०० मिटरसम्मका संरचनामा क्षति पुर्‍याएको छ । विशेषगरी जगत र सल्लेरी क्षेत्रका पर्यटकीय होटल, ट्रेकिङ एजेन्सीका पूर्वाधार र विद्यालय भवनहरू बाढीको चपेटामा परेका छन् ।…

काठमाडौँ । बडादसैँको पहिलो दिन आज घरघरमा विधिपूर्वक घटस्थापना गरी नवरात्रारम्भ गरिँदै छ । असोज शुक्ल प्रतिपदादेखि पूर्णिमासम्म १५ दिनसम्म हर्षोल्लासका साथ मनाइने नेपालीको महान् पर्व दसैँको धार्मिक अनुष्ठान आजैका दिनदेखि सुरु हुन्छ । आज बिहानै चोखो स्थान वा नदीबाट ल्याइएको बालुवा तथा माटोमाथि दियो, कलश र गणेशको स्थापना गरी शक्तिकी देवी दुर्गाको आह्वान गर्ने परम्परा छ । गाईको गोबरले लिपपोत गरिएको पूजाकोठा वा दसैँ घरमा जौ छरेर जमरा राख्ने काम आजै गरिन्छ । जौको अङ्कुर देवी दुर्गालाई अत्यन्त प्रिय मानिने भएकाले यसलाई समृद्धिको प्रतीकका रूपमा विजयादशमीका दिन टीकासँगै ग्रहण गर्ने गरिन्छ । धर्मशास्त्रविद्का अनुसार शास्त्रीय रूपमा जौ रोप्ने विधान…

काठमाडौँ । जल तथा मौसम विज्ञान विभागअन्तर्गतको मौसम पूर्वानुमान महाशाखाले हाल देशमा पश्चिमी न्यून चापीय प्रणालीका साथै मनसुनी वायुको प्रभाव कायम रहेको जानकारी दिएको छ । महाशाखाका अनुसार हाल देशको हिमाली भू-भागमा साधारणतया बदली तथा बाँकी भू-भागमा आंशिक बादली लागेको छ। आज दिउँसो देशका हिमाली र पहाडी भू-भागमा आंशिक बादली हुने तथा तराई क्षेत्रको मौसम मुख्यतया सफा रहनेछ । यद्यपि, कोशी, बागमती र कर्णाली प्रदेशका हिमाली तथा पहाडी भू-भागका थोरै स्थानहरूमा साथै गण्डकी, लुम्बिनी र सुदूरपश्चिम प्रदेशका पहाडी भू-भागका एक-दुई स्थानमा मेघगर्जन र चट्याङसहित मध्यम वर्षाको सम्भावना रहेको छ । त्यस्तै, आज राति पनि हिमाली र पहाडी भू-भागमा आंशिक बादली…

आजको राशिफल बिस २०८३ असोज २५ गते आइतबार ईस २०२६ अक्टोबर ११ नेपाल सम्बत ११४६ ञलागा पारु, रौद्र नाम संवत्सर सूर्य दक्षिणायन, शरद ऋतु, असोज कृष्ण पक्ष प्रतिपदा, चन्द्रमा कन्या राशिमा, चित्रा नक्षत्र, वैधृति योग, किन्स्तुन्घा करण । आज नेपालमा सुर्योदय बिहान ६ बजेर ०२ मिनेटमा र सूर्यास्त साँझ ५ बजेर ४१ बजे हुनेछ । आज जन्म लिने बच्चा कन्या राशीको हुनेछ । मेष (चु, चे, चो, ला, लि, लु, ले, लो, अ) आज सूर्यको प्रभावले अघि बढ्ने उत्साह बढाउनेछ। नयाँ कामको जिम्मेवारी लिन वा आफ्नो योजना प्रस्तुत गर्न अवसर मिल्न सक्छ। कार्यक्षेत्रमा हतारमा निष्कर्ष निकाल्नुभन्दा तथ्य बुझेर निर्णय…

काठमाडौँ । मानसिक स्वास्थ्य समस्याबाट ग्रसित व्यक्तिको हक-अधिकार र मर्यादाको ग्यारेन्टी गर्न राष्ट्रिय मानव अधिकार आयोगले सरकार तथा सरोकारवाला निकायहरूसँग विशेष अपिल गरेको छ । विश्व मानसिक स्वास्थ्य दिवसको अवसरमा एक वक्तव्य जारी गर्दै आयोगले यस्ता व्यक्तिहरूको जीवन, स्वतन्त्रता र समानताको स्थिति अझै कमजोर रहेको भन्दै गम्भीर ध्यानाकर्षण गराएको हो । ‘भोगाइलाई सुनौँ, आवाजलाई सम्मान गरौँ, परिवर्तनको सुरुवात गरौँ’ भन्ने मूल नाराका साथ मनाइँदै गरिएको यस वर्षको दिवसका सन्दर्भमा आयोगले समाजमा अझै पनि मानसिक स्वास्थ्य समस्या भएका व्यक्तिहरूप्रति हेला, दुर्व्यवहार र विभेद कायमै रहेको जनाएको छ । यस्तै, मनोसामाजिक सहयोगको कमी, सामाजिक लाञ्छना तथा गुणस्तरीय स्वास्थ्य सेवामा सहज पहुँच नहुँदा…

काठमाडौँ । सर्वोच्च अदालतले बैंक खाता खोल्न तथा अद्यावधिक (केवाईसी) गर्नका लागि राष्ट्रिय परिचयपत्रलाई मात्र अनिवार्य नबनाउन नेपाल राष्ट्र बैंकका नाममा आदेश दिएको छ । नागरिकता वा अन्य कानुनी पहिचान खुल्ने कागजातका आधारमा पनि नियमित बैंकिङ सेवा उपलब्ध गराउन अदालतले स्पष्ट पारेको छ । न्यायाधीश सपना प्रधान मल्ल र मेघराज पोखरेलको संयुक्त इजलासले राष्ट्र बैंकले ल्याएको ‘एकीकृत निर्देशन, २०८२’ को उक्त प्रावधान बदर गरिदिएको हो । राष्ट्र बैंकले बैंक तथा वित्तीय संस्थामा नयाँ खाता खोल्न वा अद्यावधिक गर्न राष्ट्रिय परिचयपत्र वा त्यसको नम्बरलाई मात्र पहिचानको आधार बनाएको थियो । उक्त व्यवस्थाले सर्वसाधारणलाई आधारभूत बैंकिङ सेवाबाट वञ्चित गराउने र संविधानप्रदत्त अधिकारमा…

काठमाडौँ । नेपाली काँग्रेसको नेतृत्व सम्हालेसँगै नवनिर्वाचित सभापति गगन थापाले सङ्गठन सञ्चालनको परम्परागत ढाँचा पूर्ण रूपमा फेर्ने सङ्कल्प व्यक्त गरेका छन् । विजयपश्चात् सानेपास्थित केन्द्रीय कार्यालयमा आयोजित धन्यवाद सभालाई सम्बोधन गर्दै थापाले प्राप्त परिणामलाई व्यक्तिगत सफलताभन्दा पनि ठूलो जिम्मेवारीका रूपमा ग्रहण गरेको बताए । असन्तुष्ट बनेर पार्टी छाडेका सम्पूर्ण कार्यकर्ताहरूलाई पुनः घर फर्काउने अभियान चलाइने स्पष्ट पार्दै उनले काँग्रेसलाई नयाँ ढङ्गबाट अगाडि बढाउने प्रतिबद्धता जनाए । विगतको विरासतमा मात्रै सीमित नभई महाधिवेशनको जनादेश प्रयोग गरेर नयाँ इतिहास निर्माण गर्न आफूहरू मैदानमा उत्रिएको उनको भनाइ थियो । विशेष गरी सुशासनका पक्षमा उभिएका थापाले भ्रष्टाचारविरुद्ध शून्य सहनशीलताको नीति अवलम्बन गरिने दृढता व्यक्त…

काठमाडौँ । नेपाल टेलिकमले नयाँ वर्ष तथा चाडपर्वको अवसरमा आफ्ना ग्राहकलाई विशेष राहत दिने उद्देश्यले इन्टरनेट र मोबाइल सेवामा विभिन्न छुट तथा अफरहरू ल्याएको छ। दसैँ, तिहार तथा छठ पर्वलाई लक्षित गर्दै कम्पनीले ‘दसैँ–तिहार अफर २०८३’ ल्याएको हो। यो योजना अन्तर्गत असोज २५ गतेदेखि कात्तिक ३० गतेसम्म नयाँ फाइबर इन्टरनेट (FTTH) जडान गर्ने ग्राहकहरूले जडान शुल्कमा ५०० रुपैयाँ छुट पाउनेछन् । साथै, १००, १५० र २०० एमबीपीएस क्षमताका वार्षिक इन्टरनेट प्याकेज खरिद गर्ने उपभोक्ताले १२ महिनाको महसुलमा १३ महिनासम्म सेवा उपभोग गर्न पाउने सुविधा मिलाइएको छ । भर्चुअल सेटटप बक्ससहितको प्याकेज लिन चाहने ग्राहकका लागि भने एक हजार रुपैयाँ छुटको…

विराटनगर । प्रदेश सरकारको सिफारिसमा कोशी प्रदेशसभाको नवौँ अधिवेशन विसर्जन गरिएको छ । प्रदेश प्रमुख परशुराम खापुङले मन्त्रिपरिषद्को निर्णयबमोजिम अधिवेशन अन्त्यको घोषणा गर्नुभएको हो । प्रदेश प्रमुखको कार्यालयद्वारा जारी सूचना अनुसार नेपालको संविधानको धारा १८३ को उपधारा (२) लाई आधार मान्दै २०८३ साल असोज २४ गते शनिबार राति १२ बजेदेखि लागू हुने गरी चालु अधिवेशन स्थगन गरिएको छ ।

काठमाडौँ । राजधानीवासीलाई थप गुणस्तरीय र निर्बाध विद्युत् सेवा उपलब्ध गराउने लक्ष्यका साथ मातातीर्थ–स्युचाटार खण्डको १३२ केभी प्रसारण लाइनमा नयाँ र उच्च क्षमताका तार फेर्ने काम तीव्र पारिएको छ । नेपाल विद्युत् प्राधिकरण, आयोजना व्यवस्थापन निर्देशनालयअन्तर्गत सञ्चालित १३२ केभी प्रसारण लाइन स्तरोन्नति आयोजनाले मातातीर्थ–स्युचाटार डबल सर्किट प्रसारण लाइनको पुरानो कन्डक्टर परिवर्तन गरी उच्च क्षमताको नयाँ एचटिएलएस कन्डक्टर जडान गरिरहेको छ । यसै क्रममा, तोकिएको कार्य सम्पन्न गर्नका लागि आउँदो असोज २४ गते शनिबार र २५ गते आइतबार बिहान ९ बजेदेखि साँझ ५ बजेसम्म उक्त प्रसारण लाइन पूर्ण रूपमा बन्द रहनेछ । डबल सर्किट लाइनको एउटा सर्किटअन्तर्गत बाँकी रहेको करिब चार…